Fréttablaðið - 22.11.2012, Blaðsíða 37
NÚ SKAL ÞAÐ VERA STUTT
Mjög stutt, ljóst hár virðist vera að ryðja sér rúms í
Hollywood. Hárið er haft nánast rakað í hliðunum en
síðara ofan á kollinum. Miley Cyrus hefur vakið athygli
með þessa greiðslu og sömuleiðis Ellen DeGeneres,
Tilda Swinton, Jenny McCarthy og margar fleiri.
Ég er einn, sjötíu og níu á hæð og hárið nær niður á rass. Ég hef ekki mælt hvað það er
langt, kannski metri. Það hefur bara
alltaf verið sítt,“ segir Hrefna Borg
Brynjars dóttir, nemandi í Álfhóls-
skóla, en síða hárið hennar vekur
gjarnan athygli vegfarenda á Lauga-
veginum þar sem hún afgreiðir öðru
hvoru í Tiger. Hún segir fólk oftast
spyrja hana hvort hún „sé að safna?“
„Já, það kemur oft fyrir en ég veit
samt aldrei hverju ég á að svara. Ég
er ekki beint að safna, það vex bara
svo hratt. Ég var komin með hár nið-
ur fyrir axlir þegar ég var tveggja ára.
Fólk segir líka oft: „Vá, hvað það er
sítt!“ Og ég veit heldur aldrei hvað ég
að segja við því, kannski bara „takk“
eða hvað,“ segir Hrefna hlæjandi og
virðist ekki velta síðu hárinu of mikið
fyrir sér.
„Ég nenni ekkert að pæla of mikið
í þessu og er yfirleitt bara með það
slegið. Set það í tagl á æfingum, en
ég æfi handbolta,“ segir hún hress
en þegar blaðamaður á bágt með að
trúa því að svo sítt hár þvælist aldrei
fyrir viðurkennir Hrefna að hafa lent í
vandræðalegum uppákomum.
„Ég æfði einu sinni skauta og þá
lenti ég stundum í því, þegar ég var
að keppa eða sýna, að snúðurinn
losnaði úr mér þegar ég var að snúa
mér og spennurnar þeyttust út um
allt. Svo hef ég stundum óvart girt
hárið ofan í buxurnar þegar ég er
að klæða mig en fatta það nú oftast
áður en ég fer út úr húsi,“ segir hún
hlæjandi.
Hrefna hefur aldrei litað á sér
hárið en segist stundum nota hárlakk
sem lýsi það örlítið. Hún viðurkennir
að sjampóbrúsarnir séu fljótir að fara
en annars sé hárþvotturinn lítið mál.
„Ég læt hárið svo bara þorna á
handklæði og greiði það þegar það
er orðið þurrt, þá flækist það síður.
Ég mundi sennilega aldrei nenna að
krulla á mér hárið. Það færi örugg-
lega allt í flækju.“
Hrefna segir síddina á hárinu núna
þá mestu sem hafi orðið en það sé
ekkert á dagskránni að klippa það
enda þýði það lítið, hárið vaxi svo
hratt. Hún hefur aldrei klippt sig stutt.
„Ég stytti það reyndar vel fyrir
tveimur árum upp undir axlir en það
óx strax aftur. Ég ræð bara ekkert við
þennan vöxt,“ segir hún og hlær.
■ heida@365.is
ER EKKI AÐ SAFNA
SÍTT HÁR Hrefna Borg Brynjarsdóttir var komin með hár niður fyrir axlir
áður en hún varð tveggja ára. Hún fær oft athugasemdir vegna síða hársins.
MEIRA EN METRI
Á SÍDD Hrefna Borg
Brynjarsdóttir segir ekk-
ert þýða að stytta hárið,
það vaxi svo hratt.
MYND/STEFÁN
NÝTT
Nuddpúði
með gelhausum
Opið kl. 9 -18 laugardaga kl. 11 - 16 Stórhöfða 25 569 3100 eirberg.is
HRAÐ-TILBOÐ - aðeins fim, fös, lau - 25% AFSLÁTTUR
Laugavegi 178 - Sími: 551 3366
Þú mætir - við mælum og aðstoðum
www.misty.is
Opið frá 10-18 virka daga.
10-14 laugardaga
verður afsláttur
25% af sundfatnaði
fyrir stóru
stelpurnar.
Hágæða sæn
gurverasett
og sloppar -
Mikið úrval
Jólagjöfin í ár
20%
afslát
tur