Fréttablaðið - 22.11.2012, Blaðsíða 50

22. nóvember 2012 FIMMTUDAGUR| MENNING | 42
„Verkið heitir … Og þá aldrei
framar og fjallar um ákvarðanir
sem fólk þarf að taka í lífi sínu og
hvernig þær ákvarðanir breyta
lífi þess varanlega,“ segir Steve
Lorenz, höfundur eins fjögurra
verka sem Íslenski dansflokkur-
inn frumsýnir í kvöld undir yfir-
skriftinni Á nýju sviði. „Stundum
tekur lífið reyndar af fólki ráðin,
það lendir í slysi til dæmis og þarf
að aðlagast nýjum aðstæðum og ég
er líka að fjalla um hvernig það
fer að því.“
Tónlistin sem dansað er við er
samsafn laga sem Steve segir vera
„alternative“-tónlist og raftónlist.
Steve er höfundur verksins en
dansar ekki í því sjálfur. Hann
dansar hins vegar í verkinu Ótta
eftir Ásgeir Helga Magnússon,
Hjördísi Lilju Örnólfsdóttur og
Unni Elísabet Gunnarsdóttur,
sem er eitt verkanna fjögurra.
Auk þess tekur hann þátt í undan-
úrslitum Dans, dans, dans á laug-
ardagskvöldið. „Já, þetta er hekt-
ísk vika,“ segir hann. „En ég er
ekkert stressaður, bara spenntur
og hlakka til að sjá verkið mitt í
endan legri útgáfu. Þarf bara að
passa að halda ró minni og skipu-
leggja mig vel.“
Spurður hvort ekki sé ósann-
gjarnt gagnvart öðrum keppend-
um í Dans, dans, dans að þaul-
reyndir atvinnudansarar taki
þátt segir Steve að hann geti ekki
séð það. „Samkvæmisdansararnir
eru líka atvinnufólk og hafa tekið
þátt í heimsmeistarakeppni. Það
hef ég aldrei gert, þannig að ég er
lítill fiskur í þessari tjörn. En ég
skil samt alveg að fólk velti þessu
fyrir sér. Auðvitað hef ég mun
meiri reynslu en flestir dansar-
arnir þarna en ég held að þátt-
taka atvinnudansara hækki stand-
ardinn og hvetji hina dansarana
til að gera sitt besta. Mér finnst
öll atriðin mjög góð og hef ekki
séð neinn stórkostlegan mun. Ég
þurfti virkilega að leggja hart að
mér til að komast áfram síðast.“
fridrikab@frettabladid.is
Ég er lítill fiskur í
þessari tjörn. En ég skil
samt alveg að fólk velti
þessu fyrir sér.
Frumsamin íslensk skáldverk og ljóð í Bókatíðindum
MENNING
BÆKUR ★★★★★
Suðurglugginn
Gyrðir Elíasson
UPPHEIMAR
Sú tilfinning að ná ekki í
gegn, ná ekki sambandi
við annað fólk, standa
utan við og á skjön við
mannlegt samfélag, er
líkt og rauður þráður
gegnum allt höfundar-
verk Gyrðis Elíassonar.
Þetta kemur m.a. fram í búsetu
sögumanna. Þeir eru oft einir,
tímabundið, eða bara yfir höfuð
– hafa ýmist verið yfirgefnir eða
sjálfir tekið hatt sinn og staf og
„lagst út“. Komið sér fyrir á eyði-
legum stað, í kofa, í sumarhúsi, á
gistiheimili utan alfaraleiðar, eða
jafnvel á hóteli í smábæ.
Sögumaður Suðurgluggans er
staddur ekki langt frá Reykjavík, í
bústað vinar síns, sem hann hefur
fengið léðan til þess að fá næði til
að skrifa bók. „Enginn kemur að
hitta mig, og það hentar mér vel,“
segir hann. Glíman við sköpunina
tekur á og hann á í mestu erfiðleik-
um með að koma nokkru frá sér.
Hann notar Olivetti-ritvél til skrift-
anna, en hún er hálfómöguleg, eins
og rithöfundurinn sjálfur.
Útvarpið er glugginn út í veröld-
ina, sögumaður hlustar á fréttir og
þannig tengir heimurinn sig við
hann; ástandið í Líbýu, Kólumb-
íu og Pakistan, hneyksli skekur
Alþjóðagjaldeyrissjóðinn og svo
eru fregnir af skattaparadísum,
sem sögumaður vill kalla skatthol.
Gyrðir Elíasson þarf ekki að hrópa
á torgum til þess að koma sam-
félagsádeilu til skila, heldur seytl-
ar hún hljóðlega meðfram sögunni.
Útlegð persóna Gyrðis er oft
sjálfskipuð og einsemdin sjálfval-
in. Tilfinninguna fyrir
einangrun þeirra fær
lesandi þó ekki aðeins
vegna staðsetningarinn-
ar. Maðurinn er alltaf
einn, jafnvel þegar hann
er með öðrum. Sögumað-
ur Suðurgluggans skrif-
ar bréf sem hann sendir
aldrei. Þau bréf sem hann
fær sjálfur brennir hann
óopnuð. Í bakgrunni er
ástarsamband sem farið
hefur út um þúfur, þó að
ekki fái lesendur að vita
mikið um það. Það hefur orðið
eitthvert rof í samskiptum hans við
annað fólk.
Í Suðurglugganum finna lesend-
ur sig æ ofan í æ á kunnuglegum
slóðum. Það er bókstaflega hægt
að lesa bókina með tékklista á lofti
og merkja við stef sem eru síendur-
tekin í verkum höfundarins. Þarna
er hundur að sniglast. Mikið kaffi
er drukkið. Dónalegt afgreiðslufólk
sem sögumanninum stendur stugg-
ur af … Allt gómsæta Gyrðis stöffið
er þarna í réttum hlutföllum. Vís-
anir í bókmenntaverk, ísmeygileg
fyndni og ádeila á samtímann. Allt
er þetta óaðfinnanlega gert, eins og
venjulega, og mikill fengur fyrir
þau sem eru hrifin af Gyrði. Og
fyrir þau sem hafa aldrei fílað hann
(nýlega komst ég að því að þannig
eintök eru til): Þið kunnið ekki gott
að meta og munuð líklega ekki fíla
þessa bók heldur.
*Ef menn eru að velta vöngum
yfir fyrirsögninni, þá kemur þessi
setning nokkrum sinnum fyrir í
bókinni. En frómt frá sagt, þá eru
þar fáir í stuði.
Þórunn Hrefna Sigurjónsdóttir
NIÐURSTAÐA: Yndisleg bók, klæð-
skera sniðin að smekk þeirra sem hafa
smekk fyrir verkum Gyrðis Elíassonar.
Nú mega jólin sko koma fyrir mér.
Eru ekki allir í stuði?
Hvað gerist þegar lífi ð
tekur nýja stefnu?
Steve Lorenz er höfundur dansverksins … Og þá aldrei framar, eins fj ögurra nýrra
verka sem Íslenski dansfl okkurinn frumsýnir í kvöld. Hann er kóreógraf eigin
verks, dansar í öðru verki sýningarinnar og er í undanúrslitum í Dans, dans, dans.
UNGIR HÖFUNDAR Verk sex ungra danshöfunda mynda sýninguna Á nýju sviði
sem frumsýnd er í kvöld. FRÉTTABLAÐIÐ/VILHELM
Íslenski dansflokkurinn frumsýnir í kvöld á Nýja sviði Borgarleikhússins fjög-
ur verk eftir unga, upprennandi danshöfunda undir yfirskriftinni Á nýju sviði.
TIL eftir Frank Fannar Pedersen fjallar um konu sem lifir á mörkum ímyndunar
og raunveruleika og sækir danshöfundurinn innblástur í persónu Guð rúnar
Ósvífursdóttur og ummæla hennar: „Þeim var ég verst er ég unni mest.“
… OG ÞÁ ALDREI FRAMAR eftir Steve Lorenz tekur á umpólun og breyt-
ingum. Það skoðar augnablik þegar eitthvað stórvægilegt gerist sem breytir lífi
manns varanlega.
ALLEGRO CON BRIO eftir Karl Friðrik Hjaltason er samið utan um tónverk
Dmitri Shostakovich og reynir Karl að draga fram upplifun sína af tónsmíðum
Shostakovich.
ÓTTA er eftir Ásgeir Helga Magnússon, Hjördísi Lilju Örnólfsdóttur og Unni
Elísabet Gunnarsdóttur en þau eru öll dansarar Íslenska dansflokksins. Ótta
fjallar um óróleikann sem margir finna fyrir milli klukkan 03.00 og 06.00.
Fjögur ný verk á Nýja sviðinu í kvöld
DANSAR Í ÓTTU Steve dansar ekki í eigin verki en er hins vegar einn dansaranna í
Óttu, einu fjögurra verka í sýningunni.
Hvílíkt snilldarverk
er maðurinn!
Í IÐNÓ
Mánudaginn 26. nóv. kl. 20:00
Aðeins þessi eina sýning!
Miðasala í Iðnó, sími 562 9700
Shakespeare beint í æð!
Forlagið er sem fyrr atkvæða-
mesta útgáfufyrirtækið á sviði
skáldsagna- og ljóðabókaútgáfu
hér landi.
Sé mið tekið af skráningum
í Bókatíðindi koma út 81 frum-
samdar skáldsögur fyrir full-
orðna, smásagnasöfn og ljóð út í
ár. Þar af koma 30 verk út á vegum
undir merkjum Forlagsins, sem er
um 37 prósent af heildarútgáfunni
í þessum flokkum.
Aðeins tvö forlög til viðbótar gefa
út fleiri en þrjá titla í þessum
flokkum í ár; Bjartur-Veröld gefur
út tíu skáldverk og Upp heimar
gefa út níu verk.
Tvö bókaforlög gefa út þrjú
skáldverk, Óðinsauga og Tindur;
sex gefa út tvo titla í þessum flokk-
um en fjórtán forlög og einstak-
lingar gefa út einn titil á þessu ári.
Alls eru 842 titlar skráðir í
Bókatíðindi í ár, sem er met.
Forlagið með 37% skáldverka fyrir fullorðna
Forlagið gefur út 30 skáldverk og ljóðabækur í ár. Bjartur/Veröld og Uppheimar gefa út um tíu titla hvort.
Forlagið
30
Bjartur
Veröld
10
Uppheimar
9
Aðrir
32
Alls 81
GYRÐIR ELÍASSON Í Suðurglugganum finna Gyrðismenn sig á kunnuglegum slóðum,
segir gagnrýnandi. „Allt gómsæta Gyrðisstöffið er þarna í réttum hlutföllum.“