Fréttablaðið - 07.12.2012, Blaðsíða 58

7. desember 2012 FÖSTUDAGUR| MENNING | 38
Limran er kannski svolítið eins
og skíðastökkpallur,“ segir Pétur
Blöndal beðinn um að útskýra í
örstuttu máli hvað limra sé. „Hún
er fimm línur, fyrstu tvær lín-
urnar eru langar og þess vegna
hægar, svo koma tvær stuttar
línur, sem ríma sér, og hraðinn
eykst og í fimmtu línu, sem rímar
við fyrstu tvær, tekst limran á
loft. Það má segja að í fimmtu lín-
unni verði gjarnan uppbrot eða
jafnvel uppreisn gegn því sem
á undan er komið og rökfestan
hverfi. Gott dæmi um það er limra
Kristjáns Karlssonar:

Ég festi ekki blíðan blund
fyrir bölvaðri rökfestu um stund.
Loks tókst mér að sofna,
fann samhengið rofna
og símastaur pissaði á hund.“
Hvað veldur þessum áhuga
þínum á þessu formi? „Ég hef
verið hugfanginn af limrum frá
barnæsku. Bæði var kveðskap
haldið að mér af afa mínum og
föður og eins kynntist ég snemma
limrum Kristjáns Karlssonar, sem
á marga strengi í sinni hörpu, og
heillaðist af þeim.“
Er þetta ekkert óvenjulegt
áhugamál fyrir mann á þínum
aldri? „Nei, nei, það hefur orðið
mikil vakning í hefðbundnum
kveðskap og alþýðukveðskap. Að
hluta til má þakka það netinu og
maður grunar þá sem fara fyrir
hugmyndaþróun þess um að vera
sérstakir vinir ferskeytlunnar og
limrunnar, því statusar á fésbók
eru eins og sniðnir að þörfum hag-
yrðinga, henta fjórlínu og fimm-
línu forminu afar vel. Síðan er
mjög algengt að limrur og annar
slíkur kveðskapur fái vængi á
netinu.“
Hvernig barstu þig að við
söfnun efnis í bókina? „Ég hélt að
það yrði létt verk og löðurmann-
legt. Ég á held ég allar limru-
bækur sem komið hafa út hér á
landi og skammtaði mér nauman
tíma til að gera þetta. Síðan komst
ég fljótlega að því að limran hafði
farið mun víðar en mig óraði fyrir
og það fór svo að ég fór í gegnum
Tímarit.is og þau gagnasöfn sem
ég komst í. Auk þess hringdi ég í
ófáa hagyrðinga og menn sem ég
heyrði að hefðu sett saman limrur,
safnaði þessu öllu saman og setti
í bók.“
Þú yrkir sjálfur en átt enga
limru í bókinni, eigum við von á
frumsömdu limrusafni í fram-
haldinu? „Ég mun einhvern tíma
safna í frumsamda limrubók, en
ég þori ekki að lofa neinu um tíma-
setningu. Það er hins vegar alveg
ljóst að ég mun fylgja þessari
limrubók eftir með einhverjum
hætti.“ fridrikab@frettabladid.is
statusar á fésbók
eru eins og sniðnir að
þörfum hagyrðinga
MENNING
Limran fær
vængi á netinu
Pétur Blöndal hefur safnað saman limrum ýmissa höfunda og gefi ð út Limrubók-
ina, sem ber undirtitilinn „snjöllustu, fyndnustu og furðulegustu limrurnar“. Hann
segir mikla vakningu hafa orðið í hefðbundnum kveðskap, ekki síst á netinu.
HEILLAÐIST Pétur segist hafa heillast af limruforminu strax í æsku, ekki síst limrum Kristjáns Karlssonar. FRÉTTABLAÐIÐ/ANTON
Ljúft er að láta sig dreyma
og líða um heima og geima.
En það er helvíti hart
að hugsa svo margt
að það hafist ekki undan að gleyma.
Kristján Eldjárn
Hugsað og gleymt
TÓNLIST ★★★ ★★
Hylur
Agnar Már Magnússon
DIMMA
Hylur er nafnið á geisla-
diski með djasspíanó-
leikaranum Agnari Má
Magnússyni. Þar er að finna
spunaverk eftir Agnar, nokkuð sem
er frekar sjaldgæft hérlendis.
Agnar er mikið á lágu nótunum,
ef svo má að orði komast. Það er
yfirleitt ekki nein sérstök dramatísk
breidd í tónlistinni, engin spenna,
ekkert sem beinlínis grípur mann.
Varla hefur það heldur verið til-
gangurinn. Tónlistin á að vera lág-
stemmd, sem slík fellur hún ágæt-
lega í bakgrunninn. Það er oftast
þægilegt að hafa hana á fóninum.
Þeir sem vilja kröftug tilþrif og til-
finningaþrungna atburðarás, ættu
hins vegar að leita eitthvert annað.
Lagið Dýpi myndar
þó skemmtilegt
mótvægi við allt
hitt. Það er frekar
dimmt og í því
er nett ógnandi
undir alda. Ég er
ekki frá því að það
sé flottasta lagið.
Diskurinn er
hljóðritaður í Vonarsal SÁÁ. Mig
minnir að flygillinn þar sé af
gerðinni Bösendorfer. Slík hljóð-
færi hafa ekki sama glansinn og
Steinway. Þetta kemur aðeins að
sök. Laglínurnar verða ekki eins
glitrandi; hljómurinn er almennt
dálítið mattur.
Í það heila er þetta fallegur
geisladiskur með ljúfri tónlist. Hún
kemur aldrei beinlínis á óvart, en er
fagmannlega gerð og vel framsett.
Jónas Sen
NIÐURSTAÐA: Þægilegur, vandaður
en fremur tilþrifalítill geisladiskur.
Ljúfir tónar
Nemendaleikhúsið frumsýnir í
kvöld 20. aldar verkefni 3. árs leik-
listarnema. Þau hafa fengið það
vandasama verkefni að ganga inn í
hugarheim sænska skáldsins Aug-
usts Strindberg en í ár eru 100 ár
frá því hann lést.
Fröken Júlia, eitt af vinsælustu
verkum Strindbergs, og tragi-
kómedían Leikið að eldi eru efni-
viður vinnustofu sem leiklistar-
nemar á 3. ári ásamt kennara
sínum, Agli Heiðari Antoni Páls-
syni, hafa valið til þess að færa
sig nær Strindberg og hans hugar-
heimi.
Nemendur á 3. ári á leikarabraut
veturinn 2012-2013 eru Arnar Dan
Kristjánsson, Arnmundur Ernst
Backman, Elma Stefanía Ágústs-
dóttir, Hafdís Helga Helgadóttir,
Hildur Berglind Arndal, Oddur
Júlíusson, Salóme Rannveig Gunn-
arsdóttir, Thelma Marín Jónsdóttir,
Þorleifur Einarsson, og Þór Birgis-
son. Leikmynd og lýsingu hannar
Eva Signý Berger og Guðmundur
Jörundsson sér um búninga.
Strindberg í LHÍ
Nemendaleikhúsið frumsýnir í kvöld verk sem 3. árs
nemar unnu upp úr tveimur verkum Strindbergs.
HÓPURINN Nemendur á 3. ári á leikarabraut LHÍ.