Fréttablaðið - 06.02.2013, Blaðsíða 12

6. febrúar 2013 MIÐVIKUDAGURSKOÐUN
HALLDÓR
FRÁ DEGI
TIL DAGS
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is
MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og
í gagnabönkum án endurgjalds. Issn 1670-3871
Í gær birtist grein eftir Lailu Margréti
Arnþórsdóttur um frumvarp til náttúru-
verndarlaga. Hún segir að ýmsu beri að
fagna í frumvarpinu en nefnir að í því
séu gloppur sem þurfi að staldra við.
Segir hún mikilvægt að hlusta eftir rödd-
um þeirra sem kunnugastir eru málum.
Það er rétt enda hefur fjöldi sérfræðinga
verið kallaður til svo að skýr grunnur
sé lagður að löggjöfinni og markmiðum
hennar.
Þá er rétt að samráð bætir stefnu-
mótun stjórnvalda umtalsvert. Sú er
raunin hér en undirbúningur að fram-
lagningu frumvarpsins hófst haustið
2009. Hafist var við gerð yfirgripsmikill-
ar Hvítbókar sem var megingrundvöllur
umræðu á umhverfisþingi 2011. Þar áttu
fjölmargir hagsmunaaðilar aðkomu og
komu sjónarmiðum sínum á framfæri. Að
auki fylgdi Hvítbókinni víðtækt samráð,
fundahöld um land allt og umsagnarferli
á ólíkum stigum, áður en að eiginlegri
frumvarpssmíð kom. Að baki er því mikil
og vönduð vinna og meira samráð en
tíðkast við gerð frumvarpa.
Það hefur valdið vonbrigðum að ýmsir
hafa fjallað um frumvarpið með því að
halda fram rangfærslum og upphróp-
unum. Sem betur fer gildir þó að þar fer
yfirleitt fólk sem ann náttúrunni og skil-
ur að um hana verða að gilda skýrar regl-
ur svo ekki verði gengið á gæði hennar.
Í umræddri grein er vikið að hags-
munum hreyfihamlaðra, sem ekki geta
ferðast um nema á vélknúnu ökutæki.
Aðgengi fatlaðra að náttúrunni verður
beinlínis aukið verði frumvarpið að
lögum, þar sem gert er ráð fyrir að
vegna sérstakra aðstæðna megi veita
einstaklingum undanþágur frá banni
við akstri utan vega. Þessu dæmi er því
miður snúið á haus í grein Lailu.
Áhrif ferðamáta eru mismunandi og
því gilda ólík sjónarmið eftir því hvern-
ig ferðast er. Það gefur augaleið að ekki
er hægt að aka um Þjórsárver eða önnur
slík viðkvæm svæði þótt þar sé unnt að
fara gangandi. Röksemdir um jafnræði
eiga ekki alltaf við þegar ferðamátar
eru bornir saman. Meginmarkmiðið með
frumvarpinu er náttúruvernd. Því næst
að fólk geti notið náttúrunnar – án þess
að á hana sé gengið.
Lög til verndar náttúru Íslands
NÁTTÚRU-
VERND
Svandís
Svavarsdóttir
umhverfi s- og
auðlindaráðherra
➜ Það hefur valdið vonbrigðum að
ýmsir hafa fjallað um frumvarpið
með því að halda fram rangfærslum
og upphrópunum.
Sturlungaöld
Sturla Böðvarsson, fyrrum forseti
Alþingis, gefur stjórnartíð Jóhönnu
Sigurðar dóttur ekki háa einkunn.
Hann segir hana hafa einkennst
af heift og hatri og ýmislegt í fari
leiðtoga ríkisstjórnarinnar hafi vakið
óhug. Sturla vitnar til nafna síns
Þórðarsonar, sem í skáldsögu Einars
Kárasonar, Skáld, fárast yfir þeim sem
heldur vilja berjast en sættast og
Sturla, það er að segja Böðvarsson,
telur slíkan ljóð á ráði núverandi
ríkisstjórnar. Sjálfur var Sturla ráð-
herra í átta ár og sat í ríkisstjórnum
sem voru ekki endilega þekktastar
fyrir að fara ætíð sáttaleið.
Óttuðust í það minnsta
ekki það að berjast. En,
svo lengi lærir sem lifir,
líka um eigin sáttavilja.
Fögnuði lítt fagnað
Annars eru þeir margir sem fagnað
hafa kosningu Árna Páls Árnasonar
sem formanns Samfylkingarinnar.
Athygli vekur að fyrrverandi áhrifa-
menn í Sjálfstæðisflokknum eru þar
framarlega í flokki. Óvíst er hvort
Árni Páll fagnar þessum fögnuði.
Afdrifarík ræða
Mikill er máttur orðs-
ins. Árni Páll hafði
ekki verið formaður
nema í rétt rúman
sólarhring þegar menn
kepptust hver
um
annan þveran við að tala um breytta
tíma í íslenskri pólitík. Svo virðist
sem Árna Páli hafi, með einni tíu
blaðsíðna ræðu, tekist að umturna
heilum stjórnmálaflokki og gott ef
ekki bara stjórnmálunum almennt,
í hugum margra. Ræðan var hin
ágætasta en er ekki rétt að bíða
eftir verkunum áður en dómur er
upp kveðinn um algjörlega nýja
tíma? Man annars einhver
eftir því hvað aðrir formenn
sögðu í sínum fyrstu ræðum?
Jóhanna? Ingibjörg Sólrún?
Bjarni Benediktsson?
Sigmundur Davíð? Líklega
eru verk þeirra eftir-
minnilegri.
kolbeinn@frettabladid.isK
ynferðisofbeldi er fyrirferðarmikið í umræðunni um
þessar mundir, ekki síst kynferðisníð á börnum. Frá
áramótum hefur til dæmis vart liðið dagur án þess að
mál tengd barnaníði hafi verið í fréttum.
Það er skylda fullorðinna að vernda börn gegn alls
kyns ofbeldi. Liður í því er að fræða þau um rétt sinn til að setja
mörk. Börn eiga að vita að þau eiga aldrei að þurfa að misbjóða
sjálfum sér og eiga ekki að láta
neinn, hvorki fullorðna né önnur
börn, gera eitthvað við sig sem
þeim ekki hugnast.
Beittasta vopnið í hverri
baráttu er þekking, skilningur og
hæfileikinn til að greina og meta.
Það á líka við um baráttuna gegn
kynferðisofbeldi.
Á þau mið er róið í stuttmynd
þeirra Brynhildar Björnsdóttur, Páls Óskars Hjálmtýssonar
og Þórdísar Elvu Þorvaldsdóttur, Fáðu já, sem frumsýnd var í
vikunni sem leið. Myndin er reyndar ekki ætluð ungum börnum
heldur unglingum.
Sem betur fer hefur mikill minnihluti unglinganna sem nú á
þess kost að sjá myndina Fáðu já orðið fyrir kynferðislegri mis-
notkun. Hvert einasta þeirra gæti hins vegar átt eftir að verða
annaðhvort þolandi eða gerandi í slíku máli. Myndin og sá boð-
skapur sem hún flytur er þó verulega til þess fallin að draga úr
líkunum á því.
Í myndinni er sérstök áhersla lögð á að kynlíf er og verður
alltaf samkomulag milli þeirra sem það iðka saman, samkomulag
sem má rjúfa hvenær sem er í ferlinu. Enginn á nokkurn tíma
að misbjóða sér í kynlífi eða finnast hann nauðbeygður til að
gera það vegna þess að hann hafi lagt hlutina þannig upp. Þögn
er aldrei það sama og samþykki og kynmök án samþykkis eru
ekki kynlíf heldur nauðgun. Þá er lögð áhersla á að þótt kynlíf
sé vissulega einkamál er hreinskiptin umræða milli rekkjunauta
afar mikilvæg.
Í myndinni er áhorfendum leitt fyrir sjónir að sú mynd af kyn-
lífi sem dregin er upp í afþreyingariðnaðinum, hvort heldur þorra
bíómynda, tónlistarmyndbanda eða þá í klámmyndunum, er ekki
raunsönn á nokkurn hátt, eða eins og segir í myndinni: Klám á
jafnmikið skylt við raunveruleikann og Andrés önd við alvöru
önd.
Fáðu já flytur ungu fólki geysilega mikilvæg skilaboð um kyn-
líf. Fjallað er um það tæpitungulaust sem þann viðkvæma, nokkuð
leyndardómsfulla en í senn hversdagslega gjörning sem kynlíf er.
Unglingar hugsa um kynlíf og eru þess vegna móttækilegir
fyrir fræðslunni. Það er mikilvægt að nýta það. Fræðsla sem
snýr að litlum börnum er viðkvæmari. Engu að síður hefur verið
gefið út slíkt efni, til dæmis kverið Þetta eru mínir einkastaðir,
en markmið þess er að upplýsa börn um heilbrigð samskipti, góða
og vonda snertingu og kenna þeim að enginn snertir einkastaðina
þeirra. Fræðslan er og verður nauðsynlegur liður í að vernda börn
gegn ofbeldi á sama hátt og unglinga og fullorðið fólk.
Mikilvæg skilaboð til æskunnar:
Fræðslan er
sterkasta vopnið
Steinunn
Stefánsdóttir
steinunn@frettabladid.is