Fréttatíminn - 25.11.2011, Side 6

Grænt ljós á Þorláksbúð
Ísland þokast í átt að olíuríki
Nýjar rannsóknir styrkja kenningar um að olía
kunni að finnast á svokölluðu Drekasvæði, að
því er segir í tilkynningu iðnaðarráðuneytisins.
Sýnum var safnað með fjarstýrðum kafbáti í júlí
síðastliðnum innan lögsögu Íslands og Noregs.
„Lykilforsenda fyrir myndun olíu eða gas er
að móðurberg sé að finna á svæðinu, en olía
eða gas myndast úr því við réttar aðstæður í
jarðlögunum. Jafnframt þarf að vera til staðar
geymsluberg þar sem olían eða gasið safnast í.
Sýnin sem nú hafa verið rannsökuð staðfesta til-
vist móður- og geymslubergs. Þessar niðurstöður
eru jákvæðari heldur en Olíustofnunin þorði að
vona. Ýmsir aðrir óvissuþættir eru fyrir hendi
um það hvort olía eða gas hafi myndast og varð-
veist á svæðinu eins og til að mynda hitastigull í
jarðlögum og tilvist þakbergs,“ segir í tilkynningu
ráðuneytisins. - jh
Katrín Jakobsdóttir mennta- og
menningarmálaráðherra hefur
ákveðið að synja að svo stöddu
tillögu húsafriðunarnefndar
um friðun Skálholtsskóla,
Skálholtskirkju og nánasta
umhverfis. Ráðherrann hefur
farið þess á leit við nefndina,
að því er fram kemur í tilkynn-
ingu ráðuneytisins, að hún taki
málið til efnislegrar með-
ferðar með hefðbundnum hætti áður en afstaða verður tekin til tillögu
um friðun. Gripið var til skyndifriðunar vegna umdeildrar byggingar
Þorláksbúðar sem ýmsum þykir rísa heldur nærri Skálholtskirkju. Í
framhaldi af ákvörðun ráðherrans hefur verið haft eftir lögfræðingi
Þorláksbúðarfélagsins að ekkert sé því til fyrirstöðu að framkvæmdir
geti hafist að nýju við byggingu búðarinnar. - jh
 LaunagreiðsLur ÞróunarféLag KefLavíKurfLugvaLLar
100 milljónir í þóknanir og
hlunnindi á fjórum árum
Stjórnendur félagsins sem sér um rekstur eignanna sem bandaríski herinn skildi eftir fengu sam-
tals 100 milljónir í þóknanir og hlunnindi á fjögurra ára tímabili. Stjórnarformaðurinn kannast
ekki við að hafa tekjur umfram laun sín þar. Laun framkvæmdastjóra lækkuðu um helming þegar
þau voru sett undir kjararáð.
L aunakostnaður Þróunarfélags Keflavík­urflugvallar jókst um 75 prósent á fjór­um árum. Ökutækjastyrkir þrefölduðust
á sama tíma og þóknun og hlunnindi stjórn­
enda hafa á fjórum árum
numið um 100 milljónum
króna, samkvæmt ársreikn­
ingum félagsins eða frá 24
til rúmlega 27 milljónum frá
árunum 2007 til 2010.
Þróunarfélagið, oft kallað
Kadeco, var stofnað utan um
húseignir sem bandaríski
herinn skildi eftir þegar hann fór 2006. Það
sér um þróun og rekstur svæðisins.
Kjararáð lækkaði launin
Laun framkvæmdastjórans lækkuðu um 50
prósent að hans eigin mati þegar starfið var
sett undir kjararáð í fyrra. Það var gert vegna
nýrra laga um hlutafélög í meirihlutaeigu ríkis­
ins. Kjararáð ákvað að laun hans yrðu samtals
884 þúsund krónur. Hann fengi 682.032 krónur
í mánaðarlaun auk rétt rúmlega 202 þúsund
krónum á mánuði fyrir alla yfirvinnu og álag
sem starfinu fylgi. Bifreiðarhlunnindi voru af­
numin nema að hann kysi að halda þeim, en þá
yrði verðmæti þeirra dregin frá heildarlaun­
um. Greiðslur fyrir heimasíma drægjust einnig
frá launum. Þá ákvað kjararáð að seta hans í
stjórnum Keilis – miðstöðvar vísinda, fræða
og atvinnulífs og Heilsufélags Reykjaness ehf.
teldust hluti af aðalstarfi og yrðu ekki launuð
sérstaklega, eins og áður hafi verið gert. Þetta
má sjá í úrskurði kjararáðs.
Í úrskurðinum sést að Kartan var ósáttur
með launalækkunina og að ekki ætti að virða
hálfs árs uppsagnarfrest. Hann benti á í and­
svari við ákvörðun kjararáðs að launin hefðu
þegar verið lækkuð um 10% í kjölfar í kjölfar
hrunsins.
Sitja á upplýsingum
Kjartan Þór Eiríksson, framkvæmdastjóri
félagsins, vildi í fyrstu ekki greina frá því
hvernig hlunnindi og þóknanir síðasta árs
skiptust á milli stjórnenda félagsins. Hann vís­
aði til kjararáðs þegar spurt var um launin. Síð­
ustu daga hefur Fréttatíminn beðið upplýsinga
um skiptingu greiðslnanna í fyrra.
Vilhjálmur H. Vilhjálmsson lögmaður er
stjórnarformaður félagsins. Hann sagðist
ekki í aðstöðu til að upplýsa um þóknanir
og hlunnindi stjórnenda þegar Fréttatíminn
náði í hann. „En laun stjórnarformanns eru
270 þúsund krónur á mánuði og laun annarra
stjórnarmanna helmingurinn af því. Þau hafa
verið óbreytt frá upphafi.“ Hann kannaðist ekki
við önnur hlunnindi stjórnarinnar en launin.
Þegar Fréttatíminn leitaði aftur til hans vegna
þóknunar­ og hlunnindagreiðslna vísaði hann
á framkvæmdastjórann.
Launagreiðslur úr 50 í 90 milljónir
Þóknunar­ og hlunnindagreiðslur stjórnenda
hækkuðu um tvær milljónir króna milli áranna
2009 og 2009 samkvæmt ársreikningum við
það að tveimur konum var bætt við stjórnina.
Upphæðin fór úr 25,1 í 27,1 milljónir króna.
En búast má við því að hvor um sig hafi fengið
1.620 þúsund í árslaun.
Launakostnaður hjá Þróunarfélaginu, sem
sér um fyrrum eignir bandaríska hersins, þró­
ar og selur, var 51 milljón króna árið 2007 en
starfsmenn voru fimm en rétt tæpar 90 millj­
ónir í fyrra og starfsmenn þá níu, samkvæmt
ársreikningum félagsins. Launakostnaður milli
áranna 2010 og 2009 jókst um sextán milljónir.
Starfsmönnum fjölgaði um þrjá.
Gunnhildur Arna Gunnarsdóttir
gag@frettatiminn.is
75%
hækkun
launa-
greiðslna
á fjórum
árum.
Laun fjölmargra
framkvæmda- og
forstjórar félaga og
stofnana í meiri-
hlutaeigu ríksins voru
ákveðin af kjararáði í
fyrra eftir lagabreyt-
ingu. Meðal þeirra
voru laun forstjóra
Fjármálaeftirlitisins og
Samkeppniseftirlitsins,
Isavia, Íslandspósts,
Landspítalans, Lands-
virkjunar, allra annarra
orkufyrirtækja í eigu
ríkisins svo dæmi séu
nefnd. Einnig útvarps-
stjóra, umboðsmanns
skuldara og fleirri.
Anna Hermannsdóttir
lögmaður kjararáðs
segir flesta hafa
lækkað í launum.
Sá sem hæstu launin
fær af þeim sem settir
voru undir kjararáð
í fyrra er forstjóri Land-
spítalans. Hann
hefur um 8,2 prósent
af áætluðum útgjöldum
ríkisins til umráða og
er yfir 5.000 starfs-
mönnum. Laun hans
frá 1. mars á síðasta ári
eru 833.752 fyrir dag-
vinnu og 100 einingar í
yfirvinnu eða tæp 506
þúsund krónur. Sam-
tals tæp 1.340 þúsund
krónur. Framkvæmda-
stjóri Samskipta fær
lægstu laun þeirra sem
kjararáð mat í fyrra og
er með 586 þúsund í
heildarlaun.
Lesa má úrskurði
kjararáðs um launin á
vefnum: http://www.
kjararad.is/urskurdir/
allir/
Kjararáð
Kjartan Þór
Eiríksson fram-
kvæmdastjóri
hefur lækkað um
helming, að eigin
mati, í launum
frá því í fyrra.
Flugtengd starFsemi
Verslun og þjónusta
Háskólagarðar
menntun og þekking
ný íbúðasVæði
miðstöð grænnar orku
kVikmyndaVer
atVinnuþróun og nýsköpun
Heilsuþorp gagnaVer
Draumurinn um svæðið sem bandaríski herinn
skildi eftir. Þetta eru áætlanir Þróunafélagsins.
Neðri myndin sýnir svæðið eins og það er, með
hjálp Google earth.

auglýsingadeild
Fréttatímans í síma:
531 3310 eða á
auglysingar@frettatiminn.is
Spennandi
sérblað með
Fréttatímanum
um jólamatinn
2. desember
Jólamaturinn
Ef þú vilt koma að
skilaboðum þá
hikaðu ekki við að
hafa samband við:
6 fréttir Helgin 25.-27. nóvember 2011