Fréttatíminn - 25.11.2011, Blaðsíða 75

S íðastliðinn fimmtudag birtist grein
eftir Baldur Kristjáns-
son og Teit Atlason
í Fréttatímanum
undir yfirskriftinni
Flóttamaður – Glæpa-
maður. Teitur Atlason
birti einnig pistil á
bloggi sínu á dv.is 19.
nóvember síðastliðinn
þar sem lýst var eftir
afdrifum tiltekinna
hælisleitenda hérlend-
is. Fagna ber að slíkir
þungavigtarmenn í bloggheimi
og á vegum Þjóðkirkjunnar skuli
sýna málefninu áhuga og er ekki
vanþörf á að fram fari umræða um
þessi málefni og í reynd önnur mál
er varða innflytjendur á Íslandi.
Í grein þeirra Baldurs og Teits
er vikið að aðstæðum hælisleit-
enda í Reykjanesbæ og þær sagðar
alræmdar, vísað er til þess að stað-
setningin auki á einangrun, hafi
verið valin vegna nálægðar við
Keflavíkurflugvöll og þá er vísað
til þess að maður sem þar dvaldi í
sex ár hafi reynt að taka líf sitt.
Innanríkisráðuneytið ákvarðar
hvar vistun hælisleitenda er, en
undirritaðri er ekki kunnugt hvað
olli vali á staðsetningunni. Í um-
ræðunni um þessi mál kemur oft
fram að Reykjavík sé sá staður
sem hælisleitendur eigi að búa
á. Vert er að benda á að tæplega
helmingur landsmanna býr utan
höfuðborgarsvæðisins og býr því
ekki í beinni nálægð við stjórnsýsl-
una eða menninguna í höfuðborg-
inni. Þjónustu og menningu er
þó að finna í öðrum landshlutum
og Reykjanesbær hefur verið vel
í stakk búinn að taka við hælis-
leitendum. Nálægðin við Reykja-
vík er ótvírætt kostur. Á það er
bent að ef til breytinga kemur á
vistuninni er þjónustan útboðs-
skyld og öll sveitarfélög geta tekið
þátt í slíku útboði. Það er alls ekki
sjálfgefið að Reykjavík yrði ofan
á. Í Reykjanesbæ eru aðstæður
góðar og starfsfólk félagsþjónust-
unnar sinnir hælisleitendum af
fagmennsku og alúð. Öllum hælis-
leitendum er tryggt húsnæði, fæði,
aðgangur að heilbrigðisþjónustu,
sálfræðiaðstoð og afþreyingu.
Þá fá barnafjölskyldur húsnæði
við hæfi og börnum er tryggð
skólaganga (leik-, grunn- eða
framhaldsskóla). Hælisleitendur
sem finna sér atvinnu geta fengið
atvinnuleyfi og sjá sjálfir fyrir sér á
meðan dvöl þeirra stendur. Enginn
hefur dvalið á vegum Útlendinga-
stofnunnar í sex ár í Reykjanesbæ.
Hins vegar hafa einstaklingar sem
farið hafa með mál sín
fyrir dómstóla dvalið
á Íslandi í svo langan
tíma. Það er umhugs-
unarefni hvort eðlilegt
sé að löggjöfin bjóði
upp á svo langan máls-
meðferðartíma, en það
er biðin sem reynist
flestum hælisleitend-
um erfiðust, ekki stað-
setning dvalarstaðar.
Í greininni er stað-
hæft að köld laga-
hyggja einkenni
afstöðu íslenskra stjórnvalda
í málum flóttamanna: ,,The
computer says no“. Í bloggpistli
Teits lýsir hann tilurð pistilsins
þannig að hann hafi haft sam-
band við Útlendingastofnun og
spurst sérstaklega fyrir um mál
pars frá Írak. Lýsing hans á sam-
talinu er nokkuð raunsönn. Við hjá
Útlendingastofnun erum bundin af
ákvæðum laga um persónuvernd
og ber að sýna þeim trúnað sem til
okkar leita. Við gefum ekki upplýs-
ingar um einstök mál til annarra
en þeirra sem hafa fengið til þess
heimild (að lögum eða með um-
boði). Þegar í stofnunina hringir
maður sem krefst upplýsinga um
einstakling(a) án þess að hafa fyrr-
greinda heimild og gefur jafnframt
ekki upp ástæðu fyrir forvitni sinni
þá hringja eðlilega viðvörunar-
bjöllur. Sérstaklega í ljósi þess að
hér er um að ræða fólk sem er að
flýja aðstæður og heimkynni og
vill af augljósum ástæðum ekki að
gefið sé upp nokkuð um hagi þess
án heimildar. Það er ánægjuefni
að komast að því að tilgangurinn
reyndist vera vilji til umræðu um
málaflokkinn en það er mikil-
vægt að umræðan byggist ekki á
sleggjudómum út frá einstökum
málum heldur sé horft yfir heildar-
myndina og hugað að réttindum
allra hælisleitenda og flóttamanna.
Vonandi halda þeir Teitur og
Baldur áfram að ræða málefni
hælisleitenda og innflytjenda, það
er vissulega engin vanþörf á. En
gæta þarf þess að umræðan sé
upplýst og málefnaleg. Til þess
mun Útlendingastofnun ljá atbeina
sinn ef eftir því verður leitað.
viðhorf 39Helgin 25.-27. nóvember 2011
Kristín Völundardóttir
forstjóri Útlendinga-
stofnunar
Svar vegna greinaskrifa
Um flóttamenn og afdrif þeirra
2011 árgerðir af bílum til kaups
eða leigu á einstökum kjörum
Við gerum
betur!
Sparaðu allt að 2 milljónum
með kaupum á AVIS bíl
Komdu og skoðaðu úrvalið í Knarrarvogi 2
S. 591 4000 avisbilar.is
* Avis bílar eru nýskráðir vorið 2011 og eknir rúmlega 20.000 km.
Kaupauki er í formi gjafakorts frá Íslandsbanka.
verð nýrra bíla skv. verðupplýsingum frá bílaumboðum 10. nóv.
VW Polo
1,2 TDI Diesel
Nýr bíll: 2.580.000 kr.
Avis bíll: 2.060.000 kr.
Kaupauki: 150.000 kr.
Þú sparar: 670.000 kr.
Nissan Qashqai
sjálfskiptur
Nýr bíll: 5.440.000 kr.
Avis bíll: 4.340.000 kr.
Kaupauki: 200.000 kr.
Þú sparar: 1.300.000 kr.
Kia Cee’d Wagon
5 dr LX 1,6 Diesel, sjálfskiptur
Nýr bíll: 3.797.000 kr.
Avis bíll: 3.097.000 kr.
Kaupauki: 150.000 kr.
Þú sparar: 850.000 kr.
Fólksbílar, skutbílar,
jepplingar og jeppar.
* * *
E
N
N
E
M
M
/
S
IA
•
N
M
48
87
6
Leitið upplýsinga á
auglýsingadeild Fréttatímans
í síma 531 3310 eða á
valdimar@frettatiminn.is
Fréttatímanum er dreift
á heimili á höfuðborgar-
svæðinu og Akureyri og
í lausadreifingu um allt
land. Dreifing á bækl-
ingum og fylgiblöðum
með Fréttatímanum
er hagkvæmur kostur.