Fréttatíminn - 25.11.2011, Page 40

6 jól Helgin 25.-27. nóvember 2011
S kátahnútar sem Ragnheiður Ösp vöruhönnuður lærði að hnýta á unga aldri urðu henni
innblástur að hnýttum púðum sem
hún hannaði og framleiðir úr íslenskri
ull. Léttari útgáfu af þessum
hnýttu púðum setti hún saman
þegar Fréttatíminn fór þess
á leit við hana. Útkoman er
skrautlegt, fallegt og óvenjulegt
jólaskraut.
„Ég var búin að ganga með þessa
hugmynd í hausnum og þegar ég
var beðin um að gera eitthvað jólalegt
fyrir Fréttatímann ákvað ég að láta
hana verða að veruleika. Ég fékk
Glófa í Kópavogi, sem prjónar allt
fyrir mig, til að prjóna mjó ullarbönd
úr einbandi og ég hnýtti þau saman,“
segir Ragnheiður Ösp.
„Ég datt niður á stórkostlega
og fallega bók um hnúta þegar
ég var að ráfa á netinu og
pantaði hana samstundis.
Hún varð svo kveikjan að
því að ég fór að gera þessa
púða, en ég hafði verið
heilluð af hnútum frá því ég
var skáti sem lítil stelpa. Ég
hef mjög gaman af því að taka
hluti úr samhengi, leika mér með
stærðir og beita gömlum aðferðum á
nýjan máta.”
Ragnheiður Ösp rekur vinnustofu
ásamt fleiri hönnuðum á Laugavegi 25
þar sem hún situr nú iðin við að fram-
leiða vörur fyrir jólin, því alla laugar-
daga fram að jólum mun vinnustofan
standa gestum og gangandi opin.
Hún vinnur mikið með íslensku
ullina eins og svo margir aðrir
hönnuðir af hennar kynslóð
sem hafa blásið nýju lífi í
ullariðnaðinn á Íslandi.
„Já þetta er aðalmálið
núna og allir óðir í ullina.
En það er líka svo auðvelt
að vinna með hana og hún
er ódýr, þetta er hráefni sem
við höfum við höndina og
eigum að nýta.“
En hvernig verða jólin hjá
Ragnheiði?
„Jólunum eyði ég alltaf í faðmi
stórfjölskyldunnar. Ég og maðurinn
minn förum til Keflavíkur til mömmu
og pabba í mat og svo borðum við
eftirréttinn hjá ömmu, en það eru
engin jól án hans. Að því loknu hittast
systkini pabba og börnin þeirra, þar
á meðal systir hans sem býr erlendis,
um kvöldið og þá er mikið talað og
börnin eru hlaupandi út um allt,“ segir
Ragnheiður Ösp og bætir við að mikil
áhersla sé lögð á að allir í fjölskyld-
unni hittist yfir hátíðarnar.
„Ein jólin bjuggum við öll í hinum
og þessum löndum en komum heim
um jólin og gistum öll hjá afa og
ömmu. Við vorum sennilega ellefu í
allt í allt og húsið var svo pakkað að
afi, sem er þúsundþjalasmiður, brá á
það ráð að tjalda í verkstæðinu sínu
sem stendur við litla timburhúsið
þeirra og svaf því í tjaldi öll jólin. Til
að toppa þetta festi hann jólastjörnu
efst á tjaldið. Það voru eftirminnileg
jól,“ segir Ragnheiður Ösp.
Húsið var svo
pakkað að afi
sem er þúsund-
þjalasmiður brá á
það ráð að tjalda
í verkstæðinu
sínu sem stendur
við litla timbur-
húsið þeirra og
svaf því í tjaldi öll
jólin. Til að toppa
þetta festi hann
jólastjörnu efst á
tjaldið.
 jólaHönnun úr íSlenSkum lopa
Sækir innblástur í æskuna
Ragnheiður Ösp útbjó jólaskraut úr hnútum en á þeim hefur
hún haft mikinn áhuga á allt frá því hún var skáti.
Skrautlegt og fallegt jólaskraut úr ís-
lenskum lopaböndum hnýtt eftir kúnstar-
innar reglum.
Jólagjafir
prjónakonunnar
Laugavegi 59, 2. hæð | Sími 551 8258 | www.storkurinn.is
Skeifunni 8 • 108 Reykjavík • Sími: 517-6460
www.belladonna.is
Flott föt fyrir
flottar konur,
Alltaf
eitthvað
nýtt og
spennandi
Stærðir
40-60.
Leitið upplýsinga á auglýsingadeild
Fréttatímans í síma 531 3310 eða á
valdimar@frettatiminn.is
Fréttatímanum er dreift á heimili á höfuðborgar-
svæðinu og Akureyri og í lausadreifingu um allt land.
Dreifing á bæklingum og fylgiblöðum með
Fréttatímanum er hagkvæmur kostur.