Kjarninn - 22.08.2013, Síða 6

F
jármálaeftirlitið fól endurskoðunarfyrirtækinu
Price Waterhouse Coopers að gera úttekt á tiltekn­
um þáttum í starfsemi Sparisjóðsins í Keflavík,
með samningi dagsettum 7. júlí árið 2010. Á
þeim tíma hafði Fjármálaeftirlitið tekið stjórn
sparisjóðsins yfir, vikið stjórn hans frá og skipað bráða­
birgðastjórn. Ákvörðun FME um að taka sparisjóðinn yfir
byggðist á því að frá lokum mars árið 2009 hafði eiginfjár­
staða hans verið undir lögbundnum mörkum og ítrekaðar
samningsviðræður við kröfuhafa um fjárhagslega endur­
skipulagningu skilað engu.
Price Waterhouse Coopers (PwC) skilaði Fjármála­
eftirlitinu niðurstöðum sínum í formi svartrar skýrslu þann
7. apríl árið 2011. Kjarninn hefur umrædda skýrslu undir
höndum, en henni hefur verið haldið frá stofnfjárhöfum,
sem margir hverjir urðu fyrir miklum fjárhagslegum bú­
sifjum vegna falls sjóðsins. Stofnfjáreigendur í Sparisjóðnum
í Keflavík voru 1.750 talsins, en þeir töpuðu tæplega sautján
milljörðum króna á falli sparisjóðsins.
Kjarninn birtir nú skýrslu PwC í heild sinni. Skýrslan er
í senn ótrúleg og skuggaleg yfirlestrar. Ekki stóð steinn yfir
steini í rekstri sparisjóðsins.
Vítaverð vinnubrögð – mögulega saknæm
PwC óskaði ekki eftir aðgengi að tölvupóstum starfsmanna
sjóðsins, en áréttar í skýrslunni að Fjármálaeftirlitið verði að
ákveða hvort ráðast eigi í frekari rannsóknir á sviði saka­
mála byggðar á niðurstöðum skýrslunnar. Þannig yrðu tölvu­
póstar og síðar yfirheyrslur yfir lykilstjórnendum sjóðsins
grunnur að frekari rannsókn ásamt niðurstöðum PwC.
Í almennum niðurstöðum PwC í skýrslunni segir hins
vegar: „Stjórn og stjórnendur [Sparisjóðsins í Keflavík, innsk.
blaðamanns] voru undir miklum þrýstingi að sýna góða
afkomu, tryggja fjármögnun og halda uppi virði sjóðsins.
Stutt getur verið á milli þess sem augljóslega telst ekki til
venjulegra viðskiptahátta og þess sem hugsanlega gæti verið
saknæmt.“
fjárMál
Ægir Þór Eysteinsson
aegir@kjarninn.is
Deildu með
umheiminum
2/12 kjarninn FJáRmáL
Smelltu til að sækja
leyniskýrsluna