Kjarninn - 22.08.2013, Side 7

Í skýrslu Fjármálaeftirlitsins (FME) um útlánahættu,
markaðsáhættu og eftirlit með peningaþvætti hjá Spari­
sjóðnum í Keflavík frá september 2008 voru gerðar alvar­
legar athugasemdir við veikleika í innri reglum sjóðsins,
áhættustýringu og eftirlitshlutverk stjórnar. Í framhaldi
af skýrslunni var ráðgjafi frá endurskoðunarfyrirtækinu
Deloitte ráðinn af stjórnendum sjóðsins til að koma með
tillögur um úrbætur. Í kjölfarið voru settar nýjar reglur um
áhættustýringu og útlán. Einnig voru settar nýjar starfs­
reglur stjórnar og erindisbréf fyrir þáverandi sparisjóðs­
stjóra, Geirmund Kristinsson.
Eftir að framangreindar reglur voru settar var ekki oftar
fjallað um skýrslu FME í fundargerð stjórnar. Nýjar reglur
breyttu engu um starfshætti sjóðsins, að því er fram kemur
í skýrslu PwC, því eins og áður hélt stjórn sjóðsins áfram að
mestu í höndum sparisjóðsstjórans, eða fram að þeim tíma er
FME skipaði tilsjónarmann inn í stjórn sjóðsins í júní 2009.
Þvert á móti voru heimildir Geirmundar rýmkaðar þegar
reglum um lánanefnd var breytt í þá veru að eftir breytingu
var hlutverk hennar einungis að fjalla um mál sem ekki voru
ákvörðuð af sparisjóðsstjóra.
Í skýrslunni gera skoðunarmenn PwC jafnframt
athugasemd við þá ótrúlegu staðreynd að á skoðunartímabil­
inu, sem náði frá 30. júní 2008 til 23. apríl 2010, gerði spari­
sjóðurinn ekki eitt formlegt veðkall.
Þótt nú séu liðin rúmlega þrjú ár frá falli Sparisjóðsins í
Keflavík hafa enn engar ákærur á hendur fyrri stjórn sjóðs­
ins litið dagsins ljós. Embætti sérstaks saksóknara hefur
haft umrædda skýrslu undir höndum í dágóðan tíma, sem og
fleiri sem komu að því að vinna úr málum sjóðsins.
engar verklagsreglur í lagi
Í skýrslu PwC fá starfshættir Sparisjóðsins í Keflavík al­
menna falleinkunn. Þrátt fyrir alvarlegar athugasemdir í
áðurnefndri skýrslu FME frá árinu 2008 voru engin viðmið
sett varðandi lausafé eða eiginfjárhlutfall sjóðsins. Haldið
var utan um peningamarkaðsinnlán sjóðsins í Excel­skjölum
3/12 kjarninn FJáRmáL