Kjarninn - 22.08.2013, Side 24

má benda á að öll landsframleiðsla Íslendinga var um 1.700
milljarðar króna í fyrra, eða 68 prósent af þeirri upphæð sem
Davidson Kempner stýrir. Burlington, eða aðrir sjóðir David­
son Kempner, eru langstærstu kröfuhafar Glitnis, ásamt því
að vera fimmti stærsti kröfuhafi Kaupþings og eiga kröfur á
Landsbankann. Þeir eiga einnig stóran hlut í Straumi, Klakka
(áður Exista) og Bakkavör. Talið er að Burlington hafi keypt
alls kyns kröfur og hluti í íslenskum fyrirtækjum, að lang­
mestu leyti í fjármálageiranum, fyrir vel á annað hundrað
milljarða króna frá hruni.
Sú upphæð endurspeglar ekki umfang samþykktra krafna
Burlington í bú bankanna. Sú upphæð er mun hærri. Kröfur
Burlington á Glitni einan voru til að mynda 241 milljarður
króna í lok maí. Sjóðurinn hafði þá keypt kröfur upp á 110
milljarða króna að nafnvirði frá því í byrjun mars. Þau
uppkaup vekja athygli, enda fóru þau fram á þeim tíma sem
digurbarkalegar yfirlýsingar stjórnmálamanna um upptöku á
eignum kröfuhafa féllu nánast daglega. Ljóst er að vogunar­
sjóðurinn sem oft er nefndur „eigandi Íslands“ í einka­
samtölum hræddist ekki kosningaáróðurinn.
Auk Burlington hafa vogunarsjóðir á borð við York
Capital, Perry Luxco, Hillcrest Investments og margir fleiri
keypt mikið af kröfum á íslensk fjármálafyrirtæki á undan­
förnum árum. Mestu uppkaupin áttu sér stað á árinu 2009 og
framan af árinu 2010. Á þeim tíma voru kröfurnar seldar á
hrakvirði.
Vogunarsjóður sem keypti kröfu á Glitni í uppboðunum
sem fóru fram í nóvemberbyrjun 2008 greiddi þrjú prósent af
virði kröfunnar fyrir hana. Það þýðir að krafa upp á einn millj­
arð króna var seld á 30 milljónir króna. Alþjóðlegir bankar,
meðal annars hinn breski Barclays, halda utan um verðþróun
á kröfum á íslensku bankana. Samkvæmt tölum frá Barclays
voru væntar endurheimtir á Glitni 30 prósent í lok apríl. Það
þýddi að ef milljarðskrafan yrði seld á þeim degi hefði hún
tífaldast í verði og myndi hún fara á 300 milljónir króna.
Hagnaður inn yrði því 270 milljónir króna. Á sama tíma hafa
kröfur á Kaupþing tæplega fjórfaldast í verði frá hruni
8/11 kjarninn EFnAHAGSmáL
Smelltu til að lesa um
Paulson Credit Opportunities
risi Kaupir KröFur
Paulson Credit Opportunities
master keypti kröfur á Glitni
fyrir tæpa 15 milljarða
króna í mars. Stofnandi og
stjórnandi þess sjóðs er John
Paulson en fyrirtæki hans,
Paulson & Co., er sjöundi
stærsti vogunarsjóður
Bandaríkjanna. Paulson
sjálfur er í 91. sæti yfir
ríkustu menn heims.
Hann öðlaðist heimsfrægð
þegar upp komst að hann
hafði veðjað stórkostlega á
fall húsnæðislánamarkaðins
í Bandaríkjunum. á árinu
2007 einu saman hagnaðist
Paulson & Co. um 15
milljarða dala.
Smelltu til að loka