Kjarninn - 22.08.2013, Side 67

kröfuhafarnir séu að meta stöðu sína og hvað sé
raunhæft. Vonandi gerist það fljótlega.“
skort hefur á langtímahugsun
Nánast allar ríkisstjórnir sem setið hafa við stjórnvölinn á
Íslandi frá stofnun lýðveldisins hafa lofað að sýna aukinn aga
í stjórn ríkisfjármála og ríkisstjórn Sigmundar Davíðs er þar
engin undantekning. Hagsaga þjóðarinnar sýnir að þau loforð
hafa sjaldnast verið efnd.
Þegar Sigmundur Davíð er spurður að því af hverju þjóðin
ætti frekar að trúa honum og hans stjórn en fyrirrennurum
segir hann að skýran lærdóm megi draga af reynslu síðustu
áratuga. „Grundvallaratriðið er að það hefur skort á langtíma­
hugsun í ríkisfjármálum á Íslandi. Málin hafa verið hugsuð
til eins árs í senn, eða til fjögurra ára hið mesta. Það hefur oft
leitt til rangrar ákvörðunartöku. Menn hafa til dæmis ráðist
í niðurskurð eða skattahækkanir sem valda tekjuskerðingu
til lengri tíma. Það þarf að hugsa um heildaráhrif ákvarðana
til langs tíma. Dæmi um þetta er til dæmis niðurskurður
á heilbrigðisþjónustu á landsbyggðinni. Þar var enginn
kostnaður reiknaður á móti sparnaði. Það var eins og að
reiknað yrði með að sjúklingarnir myndu bara hverfa. En
auðvitað þurfti að færa þá til og það kostaði. Þegar farið var að
reikna heildaráhrifin kom í ljós að sparnaðurinn var enginn.“
5/12 kjarninn VIðmæLAnDI VIKunnAR
sigMundur daVíð uM aðildarViðræður
Við eVrópusaMbandið
Sigmundur Davíð vill ekki svara
því beint hvenær von sé á því að
þjóðaratkvæðagreiðsla eigi sér stað
um framhald aðildarviðræðna. „ég
hef fengið þessa spurningu býsna
oft að undanförnu, meðal annars
á ferð minni um Brussel. ég hef
aldrei viljað svara henni. næst á
dagskrá er umræða um málið í þingi
í haust í kjölfar kynningar á mati á
umsóknar ferlinu til þessa og þróunar
innan sambandsins. En menn hljóta
auðvitað, við ákvörðun um hugsan-
lega þjóðaratkvæðagreiðslu, að líta
til þess hvort aðstæður séu hentugar
til slíks. Það færi til dæmis varla vel
á því að fara í þjóðaratkvæðagreiðslu
um aðild á sama tíma og við stæðum
í hörðum deilum við sambandið
vegna makrílveiða.“