Kjarninn - 22.08.2013, Blaðsíða 101

Í
slenska upptökuteymið StopWaitGo, skipað þeim
Ásgeiri Orra Ásgeirssyni, Pálma Ragnari Ásgeirs­
syni og Sæþóri Kristinssyni, seldi nýverið lag til
ensk­írsku poppsveitarinnar The Saturdays. Eru
það nokkur tímamót fyrir StopWaitGo enda njóta
stelpurnar í The Saturdays mikilla vinsælda í Bretlandi
og ætla að nota lagið sem kynningarlag fyrir fjórðu
breiðskífu sína sem væntanleg er síðar á þessu ári. Lagið
er diskódanslag í anda ríkjandi strauma í poppheimin­
um.
Þeir félagar í StopWaitGo eru hins vegar að fara á
svig við ríkjandi stefnu íslenskra tónlistarmanna sem
herjað hafa á erlendan markað, og reyna þeir nú að
öðlast frama í bandarísku poppmaskínunni í Hollywood.
Það er öfugt við íslenskt tónlistarfólk sem náð hefur
vinsældum erlendis með því að herja á hina svokölluðu
indí­senu og aðra afmarkaða geira tónlistarheimsins.
Nærtækustu dæmin um íslenska tónlist sem náð hefur
vinsældum erlendis eru að sjálfsögðu verk Bjarkar Guð­
mundsdóttur, Sigur Rósar og Of Monsters and Men sem
öll hafa notið fádæma vinsælda erlendis.
Pálmi Ragnar viðurkennir að á brattan sé að sækja
fyrir þá félaga í StopWaitGo. „Við erum bókstaflega rétt
að byrja enda fengum við okkar fyrsta stóra útgáfusamn­
ing í maí með The Saturdays og vorum að fá þær fréttir
fyrir stuttu að það lag yrði smáskífulag.“
Lag þeirra, Disco Love, er eina lagið sem komist
hefur í gengum allar síur í löngu og ströngu ferli sem
lag þarf að fara í gegnum áður en huga má að vinsæld­
um. Bandarískur umboðsmaður, Darryl Farmer að
nafni, hefur StopWaitGo á sínum snærum og sér þeim
fyrir verkefnum. Hann hefur samband við útgáfufyrir­
tæki í poppsenunni sem yfirleitt eru að leita að ein­
hverju sérstöku og einkennandi. Upptökuteymi, eins
og það sem þremenningarnir reka, reyna þá að búa
eitthvað til sem samræmist hugmyndum útgáfufyrir­
tækjanna sem svo annaðhvort hafna lögunum eða
02/07 kjarninn TÓnLIST
Smelltu til að hlusta á Disco Love,
lagið sem StopWaitGo gerði fyrir
the Saturdays.