Kjarninn - 22.08.2013, Page 110

Hrokafullur og sjálfumglaður
Taleb er einn hrokafyllsti og sjálfumglaðasti rithöfundur
sem ég hef lesið en á einhvern klókinn hátt tekst honum
oftast að sannfæra mig um að hann viti best. Þegar ég
les Antifragile líður mér eins og ég sé að hlusta á langa
einræðu frá Taleb og mig langar mest að spjalla við hann
og spyrja hann nánar út í suma hluti og rökræða aðeins
við hann um aðra. Ritstíll Taleb skapar þessi hughrif því
hann setur hlutina beint fram eins og sá sem allt veit.
Ég geri ráð fyrir að þeim sem finnst Taleb hrokafullur
eigi erfitt með að lesa Antifragile en hafa verður í
huga að Taleb hefur sannað að hann hefur oft haft rétt
fyrir sér þrátt fyrir skoðanir sem ekki hafa samræmst
meginstraumunum.
Antifragile sameinar fyrri metsölubækur Talebs,
Black Swan og Fooled by Randomness, en eins og hann
tekur fram í bókinni var það tilviljun að hugrenningar
hans leiddu hann að einni niðurstöðu sem lítur dagsins
ljós í Antifragile.
Bókin er í raun sjö styttri bækur þannig að hægt er
að lesa hana í sjö hlutum. Á köflum er bókin svolítið
langdregin en auðvelt er að staldra mismunandi lengi
við kafla eftir áhugasviðum. Góður inngangur er að
hverjum kafla þannig að auðvelt er að hlaupa létt yfir þá
kafla sem vekja minnstan áhuga.
Texti Antifragile minnir stöðugt á að taka engum
hlutum sem gefnum og að efast um réttmæti þeirra
staðreynda sem taldar eru almenn vitneskja. Bækur á
borð við Antifragile er nauðsynlegt að lesa reglulega til
að sjá hlutina í kringum sig í gagnrýnara ljósi.
3/05 kjarninn ExIT
Smelltu til að
fræðast um
fjárfestinn Taleb
malcolm Gladwell, höfundur
metsölubókanna Tipping
Point, Blink og Outliers,
hefur skrifað frábæra grein
um Taleb. Gladwell varpar
ljósi á fjárfestinn Taleb og
hvernig hann veðjaði gegn
flestum öðrum og græddi
á fjármálakreppu. Í stuttu
máli veðjaði Taleb á fall
markaða og á meðan vel
gekk á mörkuðunum tapaði
hann peningum á hverjum
degi en þegar hrunið kom
stórgræddi hann. mjög
skemmtilegt sjónarhorn á
áhugaverðan mann.
Smelltu til að
lesa greinina
Smelltu ilað loka