Heimilisritið - 01.08.1951, Blaðsíða 45
-----------—-----s
FORSTOFA. — Ef þig dreymir að þú gangir um stóra forstofu eða and-
dyri í ókunnugu húsi, merkir það, að þú munt brátt þurfa að taka
ákvörðun í mikilvægu máli. Ef ti! vill mun þér ekki verða ljóst,
hversu afleiðingarrík ákvörðunin getur verið, en undir henni er kom-
ið, hvort þú munir eiga við næg fjárráð að búa eða ekki.
FOSS. — Að sjá foss í draumi veit á rósamt og gifturíkt líf. Þú verður
ekki auðug(ur), en þig mun heldur ekki skorta öryggi né frið.
I ÓTUR. — Dreymi þig fót þinn meiddan, máttu búast við fátækt í
hjónabandi, vegna óreiðu maka þíns í peningamálum. Missa fót:
atvinnuleysi, eignatjón eða kvalir bíða þín. Ganga haltur: vandræði
steðja að. Ganga haltur við staf: þér mun verða hjálpað í aðsteðjandi
vandræðum. Brenna sig á fæti: ærutjón. Bólginn fótur: veikindi. Fóta-
bað: erfiðleikar. Líkþorn á fæti: miklir peningar í vændum.
FRAKKI. — Sjá Yfirhöfn.
FRAMTÍÐ. — Ef þig dreymir eitthvað á þá leið, að þú sért horfin(n)
úr nútímanum fram í framtíðina, máttu vissulega gleðjast. Þér mun
verða gefið nýtt tækifæri, og skyssa, sem þú eitt sinn gerðir, mun
gleymast.
FRÉTT. — Fréttir, sem þig dreymir að þú heyrir, tákna ávallt það gagn-
stæða.
FRÍÐLEIKSKONA. — Ef stúlku dreymir, að hún sé eftirsótt fríðleiks-
kona á skemmtunum, mun hún brátt kynnast karlmanni, sem hefur
það eitt markmið að daðra við hana.
FRIÐUR. — Draumur er fjallar um frið, ró og kyrrð, táknar einnig kyrr-
láta og friðsama daga.
FRÍMERKI. — Að dreyma frímerki boðar þér einhver sambönd við skrif-
stofu, sem mun færa þér aukna ábyrgð.
FROÐA. — Dreymi þig að þú sjáir froðu ofan á drykknum í glasinu
þínu, er það fyrirboði þess, að þú munt innan skamms eyða æmum
pcningum í skemmtun, sem þú nýtur ekki nema að litlu leyti.
FROSKUR. — Það er fyrir góðu að dreyma frosk. Þér mun vegna vel í
stöðu þinni, þú munt eignast góða vini og efnileg böm. Sé draum-
urinn þess efnis að þú drepir frosk eða reynir það, boðar það þér hins-
vegar margvíslega erfiðleika og jafnvel skjótra æviloka.
FROST. — Að dreyma frosthörkur eða hrím er fyrir erfiðleikum, eink-
um ef mann dreymir það að sumarlagi.
FROSTDINGULL. — Að dreyma frostdingula í þakskeggi er fyrir giftu-
ríkum endi á ástarævintýri. Þeim, sem giftir hafa verið, táknar það
nýtt hjónaband, hamingjusamara en það fyrra. Verzlunarfólki boðar
það heppni.
FRUMSKÓGUR. — Ef þig drcymir að þú sért að brjótast í gegnum frum-
skóg, er það fyrirboði þess að þú munt eiga í miklum örðugleikum
við að ala upp barn, en samt mun það takast vel að lokum.
HEIMILISRITIÐ
43