Fréttatíminn - 15.03.2013, Page 10

Kitlaðu bragðlaukana með þriggja rétta matseðli
og eigðu kósýkvöld að hætti Nauthóls.
KÓSÝ Á KVÖLDIN
www.nautholl.is www.facebook.com/nautholl nautholl@nautholl.is S. 599 6660
FYRSTA
SVANSVOTTAÐA
VEITINGAHÚSIÐ
Á ÍSLANDI
Nóatúni 4 Sími 520 3000
www.sminor.is
Ryksuga
VS 59E20
2200 W. Sjálfinndregin
snúra. 3,5 lítra poki.
Vinnuradíus: 8 metrar.
Tækifærisverð:
15.900 kr. stgr.
(Fullt verð: 22.900 kr.)
F yrirtækið sem stendur á bak við þessa ferðakaupstefnu nefnist IcelandReps. Þær Þórunn Reynis-
dóttir, Guðný Pálsdóttir og Þóra Guðmunds-
dóttir stofnuðu fyrir rúmum mánuði þetta
ráðgjafa- og þjónustufyrirtæki sem snýr
að ferðaþjónustu. Þær stöllur eru engir
nýgræðingar í þessum geira því samanlagt
búa þær yfir nærri hundrað ára reynslu í
störfum tengdum ferðaþjónustu. Þær hafa
boðað til ferðakaupstefnu á vormánuðum
og eru einnig að fara af stað með sjónvarps-
þátt á sjónvarpstöðinni ÍNN sem fjallar um
ferðamál.
Á ferð og flugi
Fyrsti þátturinn var sýndur á sjónvarpstöð-
inni ÍNN í vikunni. Hann heitir Á ferð og
flugi og verður sýndur á miðvikudagskvöld-
um. Í þættinum verður farið yfir ferðamál og
allt sem þeim tengjast á víðum grundvelli.
Þær hlakka til að takast á við verkefnið og
hrista aðeins upp í ferðamannabransanum.
Hann hefur verið í miklum blóma á Íslandi
undanfarið. Guðný segist nokkuð viss um
að ferðaþjónusta verði það sem allt snýst um
á næstu tíu árum. „Við þurfum að fara að
spyrja okkur spurninga til þess að undir-
búa okkur. Hvernig eigum við að taka á
móti tveimur milljónum ferðamanna? Þetta
er rosalega há tala fyrir lítið land eins og Ís-
land. En við erum með allt til þess, það þarf
bara að gera þetta vel,“ segir Guðný.
Þórunn bætir því við að ferðamenn sem
komu hingað til lands á síðasta ári hafi verið
rúmlega 600 þúsund. „Til samanburðar má
nefna land eins og Möltu þar sem rúmlega
450 þúsund manns búa. Þangað koma
rúmlega ein og hálf milljón ferðamanna
á ári. Með þennan mikla vöxt hér á landi
finnst okkur klárlega vanta fyrirtæki eins
og IcelandReps.“
Hröð fjölgun ferðamanna
á næstu árum
Guðný segir ætlunina vera að hafa áhrif á
Ísland sem áfangastað og alla þessa ferða-
menn sem eru að koma til landsins þannig
að landið eyðileggist ekki. „Við þurfum að
standa við það sem við erum að selja og
hver einasti ferðamaður á að upplifa landið
eins og það gerist best.“ Þær eru sammála
um að þessi mikli vöxtur sem við höfum
séð síðustu ár sé aðallega fólginn í þremur
atriðum; athyglinni vegna fjármálahrunsins,
gossins í Eyjafjallajökli og gengi krónunnar.
Varðandi framtíðarmöguleika í ferða-
þjónustu segja þær mikilvægast að efla
vetrarmánuðina. Þóra segir það mjög
mikilvægt að lengja tímabilið og auka vægi
landsbyggðarinnar. „Við verðum að lengja
tímabilið og efla allt landið svo þetta sé ekki
allt hér á höfuðborgarsvæðinu. Akureyri
er til dæmis mjög góður staður og hentar
mjög vel til frekari uppbyggingar í ferða-
þjónustu.“
Margfeldisáhrifin eru mikil
Þær vinna nú að skipulagningu ferðakaup-
stefnu sem nefnist Iceland Travel Workshop
og verður haldin á Radisson Blu Hótel Saga
helgina 16. - 19. maí næstkomandi. Þær hafa
fengið til liðs við sig Keflavíkurflugvöll, Ís-
landsbanka, Radisson Blu, Opna Háskólann
og Ferðamálastofu.
„Það hafa verið haldnar nokkrar svona
kaupstefnur áður en við ætlum að gera þetta
öðruvísi og láta þetta snúast um áfangastað-
inn Ísland og ekkert annað. Við erum mjög
spenntar fyrir því að fá sem flesta í íslenskri
ferðaþjónustu til að taka þátt í þessu með
okkur, Ísland kynnir sig ekki sjálft,“ segir
Guðný.
Kaupstefnan er vettvangur fyrir alla þá
þjónustuaðila sem eru að selja Ísland sem
áfangastað. Þórunn segir ætlunina vera
að veita þeim góðan vettvang til þess að
erlendir söluaðilar geti kynnt sér þessa
mikla flóru. Til þess að kynnast landinu
nánar verður heill dagur kaupstefnunnar
undirlagður í skoðunarferðir og annað
slíkt. Þórunn er á því að til þess að auka
heildarumsvif ferðaþjónustuaðila á Íslandi
verði fleiri að koma að borðinu til að kynna
landið og þjónustuna sem er í boði. „Í ís-
lenskt ferðamálaumhverfi vantar að mínu
mati hlutlausa aðila á borð við okkur. Það
skiptir miklu máli að það séu fleiri að vinna
að því að markaðssetja Ísland. Margfeldisá-
hrifin verða svo mikil fyrir okkur öll”, segir
Þórunn.
Bjarni Pétur Jónsson
bjarni@frettatiminn.is
Greiningardeild Íslandsbanka spáir
því að Seðlabankinn haldi stýrivöxtum
óbreyttum á næsta vaxtaákvörðunar-
fundi á miðvikudaginn í komandi viku.
„Meginforsenda spárinnar er að krónan
hefur styrkst talsvert undanfarið og hag-
vöxtur undanfarið hefur verið öllu hægari
en Seðlabankinn hafði reiknað með í sinni
nýjustu spá. Verðbólguhorfur hafa því
batnað nokkuð frá síðustu vaxtaákvörð-
un. Á móti vegur að verðbólgan hefur
aukist nokkuð frá síðustu vaxtaákvörðun
og verður verðbólga væntanlega nokkuð
yfir spá Seðlabankans fyrir fjórðunginn.
Þá er verðbólguspá Seðlabankans nokkuð
bjartsýn varðandi hversu hratt bankinn
reiknar með hjöðnun verðbólgunnar á
næstu mánuðum. Við reiknum með að
verðbólgan hjaðni, en hægar en Seðla-
bankinn spáir,“ segir greiningardeildin.
Gengi krónunnar hefur hækkað um
3,3% frá síðasta vaxtaákvörðunarfundi,
6. febrúar. Verðbólgan hefur aukist
nokkuð frá síðasta vaxtaákvörðunar-
fundi nefndarinnar, úr 4,2% í 4,8%, enda
var 1,6% hækkun vísitölu neysluverðs í
febrúar mesta hækkun í einum mánuði
frá því skömmu eftir hrun. Hagvöxtur
mældist nokkru minni á síðasta ári
en Seðlabankinn gerði ráð fyrir í sinni
síðustu spá. Vöxturinn var 1,6%, og
hægði verulega á honum frá árinu
2011 þegar hagvöxtur mældist 2,9%.
Seðlabankinn hafði hins vegar spáð 2,2%
hagvexti 2012.
Greiningin telur að vegna þess hve
hægur efnahagsbatinn er um þessar
mundir og vegna þess að verðbólgan
ætti að hjaðna nokkuð á næstu mán-
uðum muni peningastefnunefnd Seðla-
bankans halda stýrivöxtum bankans
óbreyttum út þetta ár. -jh
 EFnahagshorFur lítill hagvöxtur
Óbreyttum stýrivöxtum spáð
 iðnþing 2013 BrEytingar á norðurslóðum, alþjóðlEg tækniþróun og EFnahagslEg Framvinda í Evrópu
Tækifæri og ógnir sem Ísland stendur frammi fyrir
Jónas
Haraldsson
jonas@
frettatiminn.is
Fjallað var um þau efnahagslegu tækifæri
og ógnir sem Ísland stendur frammi fyrir
á næstu árum á Iðnþingi sem haldið var
í gær, fimmtudag. Breytingar á norður-
slóðum, alþjóðleg tækniþróun og efna-
hagsleg framvinda í Evrópu munu eiga
stóran þátt í að móta það landslag sem
hagkerfi Íslands verður búið. Marka þarf
skýra stefnu til framtíðar um hvernig
eigi að takast á við þær ógnir sem felast í
breytingum á umhverfinu og hvernig eigi
nýta þau tækifæri sem skapast.
Erindi fluttu Svana Helen Björnsdótt-
ir, formaður Samtaka iðnaðarins, Brad
Burnham hjá Union Square Ventures,
dr. Laurence C. Smith, prófessor í jarð-
og geimvísindum við UCLA og Matthias
Krämer, framkvæmdastjóri hjá BDI, Sam-
tökum iðnaðarins í Þýskalandi.
Formenn stjórnmálaflokkanna tóku
þátt í pallborðsumræðum, þeir Sigmund-
ur Davíð Gunnlaugsson, formaður Fram-
sóknarflokksins, Bjarni Benediktsson,
formaður Sjálfstæðisflokksins, Árni Páll
Árnason, formaður Samfylkingarinnar,
Katrín Jakobsdóttir, formaður Vinstri
grænna og Guðmundur Steingrímsson,
formaður Bjartrar framtíðar. Orri Hauks-
son, framkvæmdastjóri Samtaka iðnaðar-
ins, stýrði umræðum en fundarstjóri var
Guðbjörg Edda Eggertsdóttir, forstjóri
Actavis.
Brad Burnham starfar hjá fjárfestingar-
fyrirtækinu Union Square Ventures í New
York. Hann hefur fjárfest í fjölda tækni-
fyrirtækja og samfélagsmiðla með árang-
ursríkum hætti, t.d. Twitter og Tumblr.
Brad telur að lagaumhverfið á netinu
muni versna umtalsvert á næstu árum,
sérstaklega í Bandaríkjunum. Hann hefur
lagt til að Íslendingar nýti sér tækifærið
og skapi hér á landi kjörlendi nýsköpunar
og tækniframfara á netinu, með einföldu
lagaumhverfi og umhverfisvænum gagna-
iðnaði.
Dr. Laurence C. Smith er prófessor í
jarð- og geimvísindum við UCLA háskóla
í Bandaríkjunum. Hann hefur rannsakað
náttúrulega og efnahagslega framvindu
á nyrsta parti jarðar, meðal annars á Ís-
landi. Laurence hefur sett óvenjulega lýð-
fræði Íslendinga í sérstakt samhengi –
ekki síst þegar borið er saman við aðrar
norðurþjóðir.
Matthias Krämer er framkvæmdastjóri
sviðs lítilla og meðalstórra fyrirtækja
hjá BDI, Samtökum iðnaðarins í Þýska-
landi. Hann ræddi efnahagsþróun Evrópu
næstu ár, samkeppnishæfni mismunandi
greina og landa og fjármálakreppuna.
 FErðir áFangastaðurinn ísland
Hvernig eigum við að
taka á móti tveimur
milljónum ferðamanna?
Kynna möguleika Íslands á ferðakaupstefnu.
Þóra Guðmunds-
dóttir, Guðný
Pálsdóttir og
Þórunn Reynis-
dóttir.
Ljósmynd/Hari
Þær stöllur
eru engir
nýgræðing-
ar í þessum
geira því
samanlagt
búa þær
yfir nærri
hundrað
ára reynslu
í störfum
tengdum
ferðaþjón-
ustu.
10 viðskipti Helgin 15.-17. mars 2013