Fréttatíminn - 21.09.2012, Qupperneq 66

66 bíó Helgin 21.-23. september 2012
Ólafur
Darri er
auðvitað
ótrúlegur
leikari
sem
virðist
ekkert
ofviða.
 Frumsýndar  Bíódómur djúpið
a llir Íslendingar sem komnir eru til einhvers vits og ára þekkja þá sorglegu en um leið mögnuðu sögu
sem Baltasar rekur í Djúpinu. Að kvöldi 11.
mars árið 1984 sökk Hellisey VE 503 austur
af Stórhöfða. Aðeins einn maður komast lífs
af úr sjávarháskanum með því að synda í land
til Vestmannaeyja í köldum sjónum í um sex
klukkustundir. Þegar Guðlaugur Friðþórs-
son náði landi eftir ótrúlega þrekraunina í
sjónum beið hans þrautaganga til byggða yfir
hraunið í Eyjum.
Þjóðin stóð á öndinni þegar spurðist af
seiglu og hörku þessa 22 ára gamla sjómanns
en sjálfur var hann hógværðin uppmáluð,
syrgði látna félaga sína og vildi sem minnst
úr þessu gera. Og það vill hann enn en Djúp-
ið er engu síður orðið að veruleika. Viðfangs-
efnið er sannarlega viðkvæmt og vandmeð-
farið en myndin er Baltasar og öllum sem að
henni standa til mikils sóma.
Sjóskaða hafa ekki verið gerð slík skil áður
í íslenskri kvikmynd og með því að segja
söguna af virðingu og auðmýkt tekst Baltasar
að heiðra minningu þeirra sem fórust með
Hellisey og í raun allra þeirra ótal íslenskra
sjómanna sem hafið hefur tekið.
Sagan sem Baltasar segir er sönn og það
er myndin líka. Þegar bátnum hvolfir á auga-
bragði skellur sjórinn ekki aðeins á áhöfn-
inni heldur einnig áhorfendum sem sogast
inn í atburðarásina og ískaldan veruleikann
með magnaðri kvikmyndatöku, frábærum
neðansjávartökum og áhrifaríkum leik.
Maður minnist þess ekki að hafa séð jafn
„ekta“ skipskaða í bíó enda er ekkert í plati
hjá Baltasar. Hann sökkti skipi með leikur-
um og tökuvélum innanborðs og nær miklu
meiri áhrifum í Djúpinu en miklir kallar eins
og James Cameron og Wolfgang Petersen
hafa gert í risamyndunum Titanic og Perfect
Storm þar sem treyst er á tölvubrellur frekar
en að vaða í málin að hætti Íslendinga.
Sagan er harmþrunginn en Baltasar missir
sig aldrei út í óþarfa tilfinningasemi og með
traustum leikurum og næmu myndmáli
snertir hann strengi í brjóstum áhorfenda.
Maður heyrði fullorðna karlmenn snökta og
sjúga upp í nefið í salnum. Minna er meira í
þessu tilfelli og með tilgerðarleysinu kallar
Baltasar fram nístandi sorg og sársauka og
gerir myndina um leið enn kröftugri og eftir-
minnilegri.
Leikurinn í myndinni er sérkapítuli út af
fyrir sig og hér er ekki pláss til þess að ausa
alla þá lofi sem eiga það skilið. Ólafur Darri
er auðvitað ótrúlegur leikari sem virðist
ekkert ofviða og hann fer gríðarlega vel með
aðalhlutverkið. Svo vel að hann er ekki að
leika. Hann bara er.
Aðrir skipverjar gefa heldur ekkert eftir
og það er sérstaklega ánægjulegt að sjá hinn
léttleikandi Jóhann G. Jóhannsson í hlutverki
besta vinar Ólafs Darra. Hann þarf endilega
að láta sjá oftar til sín í bíó.
Þorbjörg Helga Þorgilsdóttir leikur unga
ekkju Jóhanns G. og er svo góð í hlutverkinu
að mann skortir eiginlega orð.
Í Djúpinu smellur einfaldlega allt saman
og ekkert klikkar. Leikur, kvikmyndataka,
klipping, sagan sjálf, efnistökin og nálgun
handritshöfunda og leikstjóra miða öll að því
að hámarka áhrif þessarar mögnuðu myndar.
Baltasar Kormákur hefur fyrir löngu sannað sig sem snjall, útsjónarsamur og frjór kvikmyndaleik-
stjóri en með Djúpinu hefur hann skilað sínu besta verki hingað til. Djúpið er einfaldlega mögnuð
upplifun sem lætur engan ósnortinn.
Þórarinn
Þórarinsson
toti@frettatiminn.is
Judge Dredd á að baki langan og
blóðugan feril í myndasögum en á það
til að skjóta upp sínum hjálmvarða kolli
í bíómyndum. Sylvester Stallone lék
Dredd í myndinni Judge Dredd árið 1995
en hún er best geymd gleymd.
Hörkutólið er nú mætt aftur til leiks og
meira að segja í þrívídd og nú er Karl
Urban undir hjálminum og útdeilir grimmu
réttlætinu í framtíðarborginni Mega City
One. Glæpahyski veður uppi í borginni, lög-
hlýðnum borgurum til mikillar skelfingar.
Þeir einu sem standa í vegi óþjóðalýðsins
eru hinir svokölluðu dómarar, laganna
verðir sem hafa leyfi til þess að rannsaka
mál, dæma í þeim á staðnum og taka þá
dæmdu af lífi.
Fremstur í flokki dómaranna er Joseph
Dredd sem gefur ekkert eftir og tekur á
pakkinu af fullri hörku. Þegar hann er
að þjálfa nýliða í faginu, Cassöndru
Anderson, fá þau útkall í hverfi þar sem
dópdrottning hefur komið sér fyrir í
rammgerðu 200 hæða húsi og dómararnir
ákveða að ryðjast til inngöngu og fikra sig
upp á topp til þess að koma höndum í hár
kellu.
Aðrir miðlar: Imdb: 7.8, Rotten Tomato-
es: 89%, Metacritic: 72%
Dómari og böðull
Karl Urban leikur Dredd í þessari umferð.
Maður í sjónum!
Ólafur Darri sýnir lágstemmdan stórleik í Djúpinu og félagar hans í áhöfninni gefa heldur ekkert eftir í magnaðri og eftirminni-
legri mynd.
 Frumsýnd LandaBrugg Frá nick cave
Lögleysa á bannárunum
Tónlistarmaðurinn drunga-
legi Nick Cave og leikstjórinn
John Hillcoat hafa átt farsælt
samstarf í gegnum tíðina og
Hillcoat fer ákaflega vel að
leikstýra myndum eftir hand-
ritum Cave. Þeir gerðu fyrir
nokkrum árum hina þrúgandi
ofbeldisfullu The Proposi-
tion, ástralskan vestra með
naglanum Ray Winstone og
Guy Pierce í aðalhlutverkum
og eru nú mættir til leiks
með hinni stjörnum prýddu
Lawless.
Myndin fjallar um þrjá
bræður sem gera það gott
með landasölu og bruggi á
bannárunum í Bandaríkj-
unum. Boundurant-bræðurnir
halda til í fjalllendi Virginíu
og framleiða þar 96% spíra
sem nýtur mikilla vinsælda.
Þeir þurfa síðan að snúa vörn
í sókn þegar spilltur lögreglu-
maður vill fá hluta af gróða
þeirra. Bræðurnir þurfa líka
að hafa áhyggjur af fleiru en
löggunni þar sem mafían í
Chicago er ekkert sérlega
hress með þá heldur og vart
má milli sjá hvor andstæðing-
urinn er hættulegri.
Tom Hardy, Jason Clarke og
Shia LaBeouf leika bræðurna
en Guy Pierce leikur lögg-
una vondu auk þess sem sá
frábæri leikari Gary Oldman
kemur við sögu.
Aðrir miðlar: Imdb: 7.7, Rotten
Tomatoes: 65%, Metacritic: 58%
Tom Hardy leikur bróðirinn sem
stjórnar bruggarafjölskyldunni og er
heldur betur harður í horn að taka.
Barnagirnd á RIFF
Alþjóðlega kvikmyndahátíðin í Reykjavík
hafst á fimmtudaginn og að vanda er
úrval mynda sem þar verða sýndar
fjölbreytt og snerta á mörgum flötum
mannlegrar tilveru og þeir eru ekki allir
jafn geðslegir.
Austurríski leikstjórinn Sebastian Meise
á tvær myndir á hátíðinni sem báðar
fjalla um þann viðbjóð sem barnagirnd
er. Heimildamyndin Stigið fram (Outing)
var gerð á fjórum árum. Hún dregur upp
mynd af fornleifafræðinemanum Sven.
Hann hefur verið þjakaður af barnagirnd
frá unga aldri og stígur fram til að tala
opinskátt um baráttuna við þessar for-
boðnu langanir.
Kyrralíf (Stillleben) er leikin mynd um
föður sem borgar vændiskonu til að leika
hlutverk dóttur sinnar. Þegar duldum
þrám föðursins er ljóstrað upp tekur
fjölskyldan að gliðna í sundur. Myndin
kannar hvernig hugsanirnar einar geta
haft eitraðar og hörmulegar afleiðingar í
óvenjulegri mynd um óhuggulegt efni.
Kyrralíf skyggnist inn í skuggalegustu kima mannssálarinnar.
MEÐ STUÐNINGI REYKJAVÍKURBORGAR OG KVIKMYNDAMIÐSTÖÐVAR ÍSLANDS  MIÐASALA: 412 7711
KOMDU Í KLÚBBINN!
bioparadis.is/klubburinn
Sjá sýningartíma á BIOPARADIS.IS og MIDI.IS
SKÓLANEMAR: 25% afsláttur
gegn framvísun skírteinis!
NÝTT Í BÍÓ PARADÍS!
TILNEFND TIL
KVIKMYNDAVERÐLAUNA
NORÐURLANDARÁÐS
MEISTARAVERK SEM HLAUTÓSKARINN
2012 SEM BESTA ERLENDA MYNDIN
A SEPARATION
*****
“Ein besta
mynd ársins.”
- Fbl
