Fréttatíminn - 21.09.2012, Síða 76

TILBOÐ
Þriggja rétta Asíuferð
3.990 kr
60 Bita Sushi bakki
8.500 kr
Borðapantanir í síma
571 5522
Á Buddha Café finnur þú áhugaverða blöndu
af japanskri eldamennsku og kantónískum réttum.
Bragðlaukarnir flytja þig til Japans þegar við
færum þér nigiri-maki-sashimi og aðra frábæra
sushi rétti framleidda í eldhúsi okkar.Við uppfyllum
löngun þína í japanska forrétti með
Tempura súpum sem verma bæði sál, bragðlauka
og salöt fyrir hollustuna.Japanska eldhúsið er
ánægjuleg upplifun jafnt fyrir augu sem og bragðlaukana.
Kantónísku sérréttirnir okkar bjóða þér síðan í
ferðalag í gegnum ekta Kantóníska eldhúsið
- réttir sem þegar eru gestum okkar að góðu kunnir.
Borðaðu á staðnum eða taktu hann með www.buddhacafe.is
Pabbi Þórdísar Nadiu
er frá Túnis og það kann
að hafa eitthvað um
það að segja að Túnis
er uppáhalds staðurinn
hennar. Ljósmynd/Hari
 Í takt við tÍmann ÞórdÍs nadia semichat
Er með hipsterafóbíu
Þórdís Nadia Semichat varð 28 ára á miðvikudaginn. Hún er nýbyrjuð í Listaháskólanum þar sem
hún lærir Fræði og framkvæmd en áður hefur hún getið sér gott orð sem magadanskennari og
rappari. Þórdís Nadia þolir ekki Kaffibarinn.
Staðalbúnaður
Ég geng aldrei í buxum, ég er eiginlega alltaf í pilsi eða
kjól. Stíllinn minn er frekar afslappaður. Mamma kaupir
mikið af fötum á mig en ég geri það stundum og þá oft-
ast „second hand“ föt. Enda er ég oft í svolítið götóttum
fötum, þau eru það ódýr að þau eyðileggjast strax. Ég
geng alltaf með hring sem ég fékk í afmælisgjöf þegar
ég var tvítug. Og ég geng líka alltaf með hring sem ég
keypti í Túnis fyrir tveimur árum. Og eyrnalokka sem
ég keypti líka þar.
Hugbúnaður
Þegar ég fer á kaffihús og vil bara eiga gott spjall við
vini mína fer ég oftast á Tíu dropa. Það er mjög sjaldgæft
að geta farið á kaffihús á virkum dögum þar sem er ekki
einhver Mánudagsklúbbur í gangi. Þegar ég fer út að
djamma fer ég oftast á Næsta bar af því það er svo kósí.
Mér finnst mjög mikilvægt að geta talað við fólk. Ég þoli
ekki Kaffibarinn og fer aldrei þangað enda er ég með
hipsterafóbíu. Ég fer oft í bíó og þá oftast í Bíó Paradís
sem er mjög næs. Annars er ég að horfa á Summer
Heights High sem er ástralskur grínþáttur, leikinn en á
að líta út fyrir að vera raunveruleikaþáttur. Aðalleikar-
inn leikur þrjár persónur í menntaskóla, einn kennara,
sextán ára stelpu og strák með hegðunarvandamál.
Vélbúnaður
Mamma er alveg ágætlega góð í að tína símanum sínum.
Ég fæ því oftast símann hennar þegar hún er búin að
kaupa sér nýjan og hinn kemur í leitirnar. Nú er ég bara
með gamlan Nokia-síma sem er ágætt því ég meika ekki
Instagram og svona. Samt er ég algjör hræsnari af því
ég á Macbook Pro tölvu sem ég varð að kaupa af því hún
er svo falleg. Kærastinn minn var að hlæja að því að það
eina sem ég geri í henni er að fara á Facebook og DV.is.
Ég kann eiginlega ekkert að nota hana. Ég á 943 vini á
Facebook og verð að viðurkenna að ég er háð. Ég bara
þori ekki að reikna út hversu miklum tíma ég eyði þar
inni. Ég er líka svolítið háð golfleik sem er í Nokia-sím-
anum mínum.
Aukabúnaður
Ég bý í miðbænum svo ég borða oft úti. En ég tek svona
köst þar sem ég elda mjög mikið í tvær vikur og skoða
matarblogg og svona. Ég er mjög hrifin af arabískum
mat og öllu sem er sterkt. Ég er eiginlega háð sterkum
mat sem þýðir að ég get oftast ekki boðið fólki í mat –
ég set chili og hvítlauk út í allt sem ég geri. Það fer eftir
skapi hvað ég panta mér þegar ég fer á bar en oftast er
það rauðvín. Mér finnst mjög gaman að dansa og kenni
magadans í Kramhúsinu. Í sumar fór ég til Túnis, fór
í Sahara-eyðimörkina og heimsótti Tataouine þar sem
Star Wars var tekið upp. Ég myndi örugglega segja að
Túnis sé uppáhalds staðurinn minn.
L eikkonan unga, Emma Wat-son, sem þekktust er fyrir að leika Hermione Granger í
Harry Potter-myndunum heiðraði
eins og kunnugt er Íslendinga með
nærveru sinni í sumar þegar hún
lék í stórmynd Darrens Aronofsky,
Noah.
Leikkonan hefur þegar úttalað
sig um miður geðslega íslenska
eldamennsku og stórfurðulega
drykkjusiði þjóðarinnar í fjöl-
miðlum ytra og nú hefur hún
einnig upplýst að hún hafi ekki séð
sér fært að kynna sér íslenska reða-
flóru á Hinu íslenzka reðasafni.
Watson var í spjalli hjá Josh Horowitz
á MTV-sjónvarpsstöðinni ásamt vini sín-
um og mótleikara í Noah, Logan Lerman
og þar bar hið einstaka safn á góma.
Horowitz hafði haft spurnir af Reðasafn-
inu og spurði leikarana ungu hvort þeir
hefðu sótt þennan vinsæla ferðamanna-
stað við Laugaveginn heim. „Ég heyrði
af þessu en ég fór ekki,“ svaraði Watson
og Lerman sló á létta strengi og botninn
í reðaumræðuna: „Það var mjög erfitt að
komast þarna inn.“
Sigurður Hjartarson stofnaði Reðasafnið
fyrir margt löngu en þar hefur hann safnað
saman reðum af allri spendýrafánu eins
lands, meðal annars karlmannslim.
 emma Watson sá ýmisLegt á ÍsLandi
Komst
ekki á
Reða-
safnið
Emma Watson kom víða við í Íslandsferð
sinni en láðist að kíkja á Reðasafnið sem hún
heyrði um á meðan hún var á landinu.
76 dægurmál Helgin 21.-23. september 2012