Fréttatíminn - 26.10.2012, Qupperneq 43

BARNAHJÁLP ABC 3
Frá starfinu í Úganda
Hjónin í heimsókn á Heimili litlu ljósanna á Indlandi
málið og viti menn, aðili sem vissi ekkert
um þessa þörf hringdi óvænt um daginn
og sagðist vilja gefa ABC tvær milljónir
króna. Daginn eftir höfðum við sent féð til
Pakistan og mikið vorum við þakklát og
fegin“ segir Guðrún Margrét.
Við höfum mjög stóra sýn
ABC hefur sett á fót fjörutíu skóla í átta
löndum Afríku og Asíu og styður í dag um
tólf þúsund börn til náms. Af þeim búa
um fjögur þúsund börn á heimavistum
ABC. Það eru börn sem koma úr virkilega
slæmum aðstæðum, eru á götunni eða
búa of langt frá skólanum til þess að geta
gengið þangað daglega. Það vantar stuðn-
ingsforeldra fyrir mörg þessara barna og
er ein mesta áskorunin í starfinu að mæta
þeirri þörf. Önnur stór áskorun er að mæta
þeim mismun sem skapaðist við gengis-
fall íslensku krónunnar þar sem yfir 90%
af tekjum ABC barnahjálpar á heimsvísu
koma frá Íslandi. Á heimasíðunni www.
abc.is <http://www.abc.is> er hægt að
finna börn sem vantar stuðning eða leggja
starfinu lið á annan hátt.
Aðspurð að því hve lengi þau ætla að
standa að þessu svarar Guðrún Margrét
ákveðin: „Þangað til að öll börn sem þess
þurfa hafa fengið þak yfir höfuðið og tæki-
færi til náms, þetta er það sem við stefnum
að og teljum vera okkar hlutverk.“ Hún
segir krefjandi og spennandi tíma fram
undan hjá barnahjálpinni, „við höfum mjög
stóra sýn og hlökkum til að vinna áfram að
þessu brýna máli.“
ABC hefur sett á fót fjörutíu skóla í átta löndum Afríku og Asíu
og styður í dag um tólf þúsund börn til náms. Af þeim búa um
fjögur þúsund börn á heimavistum ABC. Það eru börn sem koma
úr virkilega slæmum aðstæðum, eru á götunni eða búa of langt
frá skólanum til þess að geta gengið þangað daglega. Það vantar
stuðningsforeldra fyrir mörg þessara barna og er ein mesta
áskorunin í starfinu að mæta þeirri þörf.