Fréttatíminn - 26.10.2012, Síða 60

52 matur Helgin 26.-28. október 2012
 matur Haustborgarinn
Á vorin virðast allir hlaupa til og rífa grillin fram úr fylgsnum sínum. Á sama
tíma bylja á okkur auglýsingar
um allt sem tengist grillinu. Þetta
sama virðist ekki eiga við um
haustið og veturinn. Fáar aug-
lýsingar leggja áherslu á bestu
pottana til að elda í kjötsúpu og
enn sem komið er hefur slík ekki
verið framleidd um hve góðir ham-
borgarar eru steiktir á vel gerðri
pönnu. Þetta er auðvitað rugl
því það skiptir jafn miklu ef ekki
meira á hverju maturinn er eldaður
innandyra. Hamborgari eldaður
á þykkri og vel notaðri pottjárns-
pönnu er mörgum sinnum betri en
annar alveg eins eldaður á þunnri
teflon pönnu. Jafn vel enn betri en
grillaður.
Rétta kjötið
Best er að fara til kjötsalans og fá
hakk sem er með fituprósentu upp
á u.þ.b. tuttugu. Ekki vera alltaf að
kaupa fituhreinsað eitthvað sem selt
er úti í búð. Það þarf smá fitu í kjötið
svo það breytist ekki í skósóla.
Næsta skref er beikonið. Ó, já
það er beikon í haustborgaranum.
Það er best að fá það líka hjá kjöt-
eða pylsugerðarmanni. Skorið í
aðeins þykkari sneiðar. Saxa það
svo í tætlur. Búa til bolta úr hakkinu
og fletja smá. Fylla botninn með
beikoni og pressa kjötið svo á milli
tveggja smjörpappírslaga (þeir sem
eiga hamborgarapressur noti þær
að sjálfsögðu). Kryddið á þennan
ágæta borgara er mest megnis
pipar. Kannski smá salt á toppinn en
bara pínulítið því að beikonið sjálft
er brimsalt.
Pannan
Hita pönnuna. Passa að hún sé vel
heit en þó ekki rjúkandi. Sjö af tíu
hitastigum. Steikja beikonhliðina
þangað til að fitan byrjar að taka
sig en er ekki orðið stökkt. Snúa
varlega við og elda hina hliðina.
Fitan úr beikoninu lekur yfir kjötið
og gerir allt djúsí og fínt. Þá er
plattanum snúið aftur á beikon-
hliðina og ostur, beittur eins og
t.d. cheddar, er settur á. Þá er smá
vatni, c.a. einni matskeið, dreitlað
í jaðarinn á pönnunni og lok sett
yfir. Við þetta myndast gufa sem
bræðir ostinn en kemur ekki í veg
fyrir að botninn verði stökkur og
góður. Hamborgara á að elda í
gegn en þó ekki þannig að hægt sé
að spila með þeim hokkí.
Samsetning
Þá er um að gera að hvíla borgar-
ann aðeins á meðan brauðið er
glóðað í fitunni á pönnunni. Um
að gera að prófa sig áfram í hvaða
brauð er keypt. Ekki eru allar versl-
anir með það sama og kjötkaup-
mennirnir láta oft baka fyrir sig
dúnmjúk brauð.
Val á meðlæti er auðvitað ein-
staklingsbundið sem og sósurnar.
Súrsaðar gúrkur eru samt nauðsyn-
legar. Það margborgar sig þó að
prófa nokkrar tegundir því eins og
með brauðið eru þær svo sannar-
lega ekki allar eins af guði gerðar.
 kynning
Samlokur fyrir
alla fjölskylduna
Á Nýbýlavegi í Kópavogi er samloku-
staðurinn Supersub. Þar er hægt að
fá 20 tegundir af samlokum auk þess
sem boðið er upp á þunnbotna pitsur,
salöt og fundarbakka.
Staðurinn er sérlega fjölskyldu-
vænn með 40 fermetra boltaland
og krakkahorn fyllt með leiktækjum
þannig að engum þarf að leiðast
heimsóknin. Yngri kynslóðinni býðst
að útbúa sína eigin pítsu, fylgjast
með henni fara inn í ofn og alla
leiðina á diskinn.
Subersub, sem að tekur 70 manns
í sæti, hentar sérlega vel fyrir
barnaafmæli og ekkert aukagjald er
tekið fyrir það annað en að kaupa
matinn á staðnum. Þeir sem svo
kjósa fá svo að koma með kökuna að
heiman eða beint úr bakaríinu.
Einnig er hægt að fara með
veisluna heim því veislubakkarnir
á Supersub eru sérlega vinsælir og
henta við öll tækifæri. Ef pantaðir eru
þrír bakkar eða fleiri eru bakkarnir
sendir frítt heim að dyrum.
Supersub er á Facebook og vinir fá
sérstök tilboð.
Haraldur
Jónasson
hari@ frettatiminn.is
Í botninn með beikonið
Nú eru flestir búnir að setja grillið inn í skúr og þá þarf að grípa til annarra
ráða við eldamennskuna. Nú skal steikja borgarann.