Fréttatíminn - 10.05.2013, Blaðsíða 6
Ora grillsósur fást í næstu verslun!
Bernaisesósa
Stykkishólmur
Gæðagisting
Gæðagisting í Stykkishólmi.
Dags, -helgar og vikugisting í vor, - vikugisting (lágmark)
í júni / júlí / ágúst / september.
Gistrými fyrir allt að 7 manns. Öll nútíma þægindi og heitur
pottur. Frábær staðsetning. Göngufæri í sund.
Veitingarstaðir á heimsmælikvarða - FRÍTT GOLF-
www.orlofsibudir.is s. 861 3123
Parlogis hefur hlotið Jafnlaunavottun VR, fjórða fyrirtæk-
ið í landinu sem hlýtur þessa vottun, að því er fram kemur
í tilkynningu VR. Fyrirtækið hefur fengið staðfestingu á
því að búið er að kerfisbinda launaákvarðanir, koma upp
jafnlaunakerfi samkvæmt kröfum ÍST 85 jafnlaunastaðals
og verður nú kerfisbundið fylgst með því að ekki sé verið
að mismuna starfsfólki í launum eftir kyni hjá fyrirtæk-
inu.
Jafnlaunavottun VR var kynnt í febrúar og er ætluð
fyrirtækjum og stofnunum sem vilja sýna svart á hvítu að
launastefna þeirra og mannauðsstjórnun mismuni ekki
konum eða körlum. „Einnig getur vottun af þessu tagi
bætt starfsanda, styrkt ímynd og jafnvel gert fyrirtækjum
auðveldara um vik að fjármagna sig. Á þriðja tug fyrir-
tækja og stofnana hafa nú þegar sótt um og má búast við
að fleiri bætist í hópinn innan skamms. Á næstu vikum
er þess vænst að fleiri þátttakendur ljúki vottunarferlinu
og sýni fram á að leiðréttingar hafi verið gerðar þar sem
þeirra er þörf. Þau fyrirtæki og stofnanir sem skrá sig til
þátttöku skuldbinda sig til þriggja ára í senn,“ segir enn
fremur.
Ólafía B. Rafnsdóttir, formaður VR, og Helga Árnadótt-
ir afhentu Parlogis vottunina við athöfn hjá fyrirtækinu.
„Það hefur verið afar ánægjulegt að sjá hversu vel fyrir-
tæki og stofnanir taka í þetta verkefni og nú erum við að
sjá hvaða áhrif það hefur og mun hafa á íslenskum vinnu-
markaði á komandi árum. Stór og öflug fyrirtæki ásamt
stofnunum hafa ákveðið að ganga til liðs við VR og beita
sér með beinum hætti í baráttunni gegn kynbundnum
launamun,“ segir Ólafía B. Rafnsdóttir, formaður VR. -jh
Parlogis Jafnlaunavottun vr
Kerfisbundið fylgst með launum kynjanna
Ólafía B. Rafnsdóttir, formaður VR, Guðný Rósa Þorvarðardóttir,
forstjóri Parlogis, Íris Ósk Hjaltadóttir, launafulltrúi Parlogis, Helga
Árnadóttir, framkvæmdastjóri VR, og Jóhann Ingi Kristjánsson,
stjórnarformaður Parlogis.
Sífellt þróaðri aðferðir tölvuþrjóta
Tölvuárásir á notendur Twitter sýna
að tölvuþrjótar beita sífellt þróaðri og
flóknari aðferðum, ekki síst gegn fyrir-
tækjum, en um slíkt var meðal annars
fjallað á öryggisráðstefnu Nýherja og
IBM, Viðbúnaðarstig RAUTT, síðastliðinn
miðvikudag. Þar fóru öryggissérfræðingar
frá IBM og SecureDevice yfir öryggismál
upplýsingakerfa, allt frá eftirliti yfir í fyrir-
byggjandi öryggisráðstafanir og lausnir
sem stöðva ógnir á netinu, hvort heldur
þær birtast í snjalltækjum, fartölvum eða
tölvukerfum fyrirtækja.
„Tölvuveiran TorRAT,“ segir á síðu Nýherja,
„hefur að undanförnu valdið usla meðal Twitter notenda í Hollandi, en óværan kemst
yfir Twitter aðgang notenda í gegnum sýkt tæki og sendir út skilaboð frá notendum sem
getur haft áhrif á hvers konar markaði og iðnað, að sögn öryggisfyrirtækisins Trusteer.
Sprenging í vexti stafrænna gagna og kröfur um að hægt sé að nálgast gögn hvar og
hvenær sem er veldur fyrirtækjum vaxandi áhyggjum og auknum kostnaði. Á sama
tíma gera tölvuárásir fyrirtækjum erfiðara um vik um að geyma gögn í öruggu skjóli frá
óprúttnum aðilum og að halda uppi eðlilegri starfsemi.“ - jh
Ert þú með allt undir kontról? Svo spyr
Nýherji sem efndi til ráðstefnu um
öryggismál upplýsingakerfa. Mynd /
Síða Nýherja
Kortaþjónustan hefur kært stóru viðskiptabankana á Íslandi fyrir aðkomu þeirra að samráðs-
málum á undanförnum árum. Samkeppniseftirlitið rannsakar hvort bankar hafi veitt Borgun
og Valitor betri kjör en Kortaþjónustunni á svokölluðum milligjöldum, sem eru þau gjöld sem
færsluhirðar greiða til bankanna.
Sá sem verður
fyrir alvar-
legum brotum
situr eftir jafn
snauður og
áður eftir að
gerandinn
hefur verið
sektaður.
Þetta eru allt
fyrirtæki sem
brjóta af sér
svo það er
aldrei neinn
persónulega
ábyrgur.
samkePPnismál meint samráð bankanna við innheimtu milligJalda
Bankarnir til rannsóknar
hjá Samkeppniseftirlitinu
v ið teljum að allir stóru bank-arnir hafi haft samráð um að veita Borgun og Valitor ívilnandi kjör og
aðstæður á kortamarkaði og sendum Sam-
keppniseftirlitinu kvörtun vegna þess árið
2009. Bankarnir sem gefa út greiðslukortin
höfðu þá, að okkar mati, mismunað færslu-
hirðum með því að innheimta lægri milli-
gjöld af Borgun og Valitor,“ segir Jóhannes
Ingi Kolbeinsson, framkvæmdastjóri Korta-
þjónustunnar. Færsluhirðar eru þeir sem
gera upp kortafærslur fyrir söluaðila og fá
greidda þóknun og hluti af henni eru milli-
gjöld sem eru svo greidd til bankans. Að
mati Jóhannesar hefur þetta meinta samráð
bankanna valdið því að Kortaþjónustan hafi
ekki sömu möguleika á markaði og aðrir
auk þess að skapa skekkju á markaðnum.
Samkvæmt upplýsingum Páls Gunnars
Pálssonar, forstjóra Samkeppniseftirlits-
ins, er rannsókn málsins vel á veg komin en
óljóst er hvenær henni lýkur.
Aðgerðir gegn Kortaþjónustunni
Fyrirtækið Kortaþjónustan var stofnað árið
2002 og telur Jóhannes að bankarnir hafi
haft samráð um það frá upphafi að fæla við-
skiptavini frá fyrirtækinu. „Sem eitt dæmi
um aðgerðir bankanna má nefna að ef versl-
anir voru í samstarfi við Kortaþjónustuna
birtist tilvísunin „erlend viðskipti“ á yfirliti
reikningseigenda. Slíkt veldur að sjálfsögðu
ruglingi og notuðu bankanir þetta til að
fæla fyrirtæki frá því að vera í viðskiptum
við Kortaþjónustuna. Við sendum inn kvört-
un vegna þessa árið 2009 og hálfu ári síðar
hættu allir bankarnir þessu svo þeir voru
mjög í takt í þessu máli,“ segir Jóhannes.
Skaðabætur vegna fyrri dóma
Valitor féllst á greiðslu stjórnvaldssektar
að upphæð 385 milljónir króna árið 2007
vegna víðtækra brota á samkeppnislögum
sem beindust gegn Kortaþjónustunni. Í
apríl síðastliðnum var fyrirtækið Valitor svo
dæmt til að greiða 500 milljónir vegna mis-
notkunar á ráðandi stöðu en það er hæsta
sekt sem fyrirtæki hefur verið krafið um á
Íslandi vegna samkeppnislagabrota.
Þrátt fyrir að ítrekað hafi verið brotið
gegn Kortaþjónustunni hefur fyrirtækið
ekki fengið greiddar skaðabætur en hefur
nú höfðað einkamál gegn Valitor, Borgun
og Greiðsluveitunni vegna kortasamráðs-
málsins frá 2007. „Sá sem verður fyrir
alvarlegum brotum situr eftir jafn snauður
og áður eftir að gerandinn hefur verið sekt-
aður. Þetta eru allt fyrirtæki sem brjóta
af sér svo það er aldrei neinn persónulega
ábyrgur,“ segir Jóhannes og leggur áherslu
á að mikilvægt sé að endurskoða sam-
keppnislög svo hægt verði að draga ein-
staklinga til ábyrgðar fyrir brot. „Um leið
og einhver finnur þetta á eigin skinni og
þarf að borga eða afplána fangelsisvist þá
fer fólk að hugsa sig um. Eins og staðan er
núna borgar sig að brjóta samkeppnislög.
Það versta sem gæti gerst er að þurfa að
greiða sekt.“
Dagný Hulda Erlendsdóttir
dagnyhulda@frettatiminn.is
Jóhannes Ingi Kolbeinsson er framkvæmda-
stjóri Kortaþjónustunnar en fyrirtækið hefur
kært bankana til Samkeppniseftirlitsins
vegna meints samráðs og samkappnis-
hamlandi aðgerða gegn keppinautum á sviði
færsluhirðingar. Mynd/Hari
6 fréttir Helgin 10.-12. maí 2013