Fréttatíminn - 10.05.2013, Blaðsíða 32

Reddið frídagaruglinu
T
Túlipanarnir sem við settum niður síðast-
liðið haust eru óttalega ræfilslegir enda
hefur vorið verið kalt. Eiginlega er ekki
hægt að kalla þessa ræfla túlipana, það
hafa ekki komið nein blóm. Við sem
búum á suðvesturhorninu getum þó
ekki leyft okkur að kvarta. Myndir sem
berast norðan úr landi sýna að þar er enn
harður vetur þótt stutt sé í miðjan maí.
Þar hafa bændur orðið að grafa sig niður
á heyrúllur og sums staðar standa aðeins
efri hæðir húsa upp úr sköflunum. Börn
nyrðra munu, að því er fréttir herma, hafa
misst áhuga á snjókarlagerð í febrúar
enda byrjaði að snjóa í september, meðan
tré voru enn laufguð.
Garðvinna og vorverk eru því seint á
ferð og að vonum ekki hafin fyrir norðan,
nema það sem ekki verður umflúið. Sauð-
burður stendur yfir, náttúran hefur sinn
gang þrátt þótt hafa verði fé á húsi.
Þeir sem hafa ætlað að nota sér
frídagasúpuna í miðri viku, sem fylgir
þessum árstíma, til garðyrkjustarfa hafa
því orðið að doka við. Vonandi er þess þó
ekki langt að bíða að úr rætist. Í bjart-
sýniskasti síðla vetrar sá ég fyrir mér
að ég gæti notað þessa daga, sumardag-
inn fyrsta, 1. maí, uppstigningardag og
annan hvítasunnudag, til útiverka, jafnvel
málað eitthvað, en ekki hefur orðið af
því. Uppstigningardagur var í gær og því
er bara hvítasunnan eftir. Vera kann að
þá verði farið að hlýna svo ég geti dregið
fram pensilinn.
Bærilegt veður hefði þó litlu breytt með
þessi fimmtudagsfrí (og miðvikudags-)
í apríl og maí. Þau þvælast fyrir á ansi
mörgum vinnustöðum, þar á meðal mín-
um. Blað sem klárað er á fimmtudags-
kvöldi þolir hvorki frí á miðvikudegi né
fimmtudegi. Ég hef því unnið alla þessa
frídaga og hið sama gildir um flesta sam-
starfsmenn mína. Frídagarnir hafa því
aðeins verið að nafninu til og létta ekki
öllum lífið.
Á fimm vikna samfelldum kafla núna í
apríl og maí eru fjórar vikur þessu marki
brenndar. Sumardagurinn fyrsti var
fimmtudaginn 25. apríl. Verkalýðsdagur-
inn, 1. maí, var á miðvikudaginn í liðinni
viku og í gær, fimmtudag, var uppstign-
ingardagur. Var þá mörgum nóg boðið.
Næsta vika er án frídags en í vikunni þar
á eftir er annar í hvítasunnu, tiltölulega
saklaust mánudagsfrí.
Þótt maður eigi almennt ekki að amast
við frídögum þá verður að viðurkennast
að tiltölulega lítið gagn er að þessum
árvissu vorfrídögum í miðri viku. Vilji
menn halda í þá er miklu gáfulegra að
flytja þá upp að helgi, helst á föstudaga.
Það hentar auðvitað ekki öllum en þeir
eru samt til minni vandræða og heppi-
legri þar en ef haldið er í núverandi
ástand.
Hvaða máli skiptir það þótt frí vegna
sumarkomunnar sé flutt af fimmtudegi
yfir á föstudag? Nákvæmlega engu. Þótt
vetrarkvaldir mörlandar fagni sumrinu
að vonum verður að viðurkennast að
hending ein er ef bærilegt veður er á
sumardaginn fyrsta. Menn dást að vísu
að skátum sem fara í skrúðgöngu með
blá lærin en þeir verða að gæta verulega
að sér til að fá ekki blöðrubólgu.
Sama á við um fimmtudagsfríið sem
var í gær, uppstigningardag. Flestum
þætti án efa þægilegra að hafa unnið í
gær og taka fríið síðan út í dag, föstu-
dag, þannig að helgin væri þriggja daga.
Færsla frídagsins ætti ekki að koma í veg
fyrir það að kristnir menn minnist upp-
risu Krists.
Samtök atvinnulífsins og launþega-
hreyfingin hafa um langt árabil rætt um
að færa þessa daga upp að helgi og við lá
að samkomulag næðist þar um á níunda
áratug síðustu aldar. Skoðanakönnun
sem gerð var fyrir tveimur árum sýndi að
tveir þriðju aðspurðra vildu að frídagar
í miðri viku yrðu færðir upp að helgi.
Málið komst aftur á dagskrá í fyrra þegar
Róbert Marshall alþingismaður flutti
frumvarp þar um þar sem sagði meðal
annars: „Veita skal frídaga vegna upps-
tigningardags og sumardagsins fyrsta
næsta föstudag eftir þann dag sem þá ber
upp á, nema um annan hátíðisdag sé að
ræða og skal þá veita frí miðvikudaginn á
undan.“ Þar á þingmaðurinn við að þessa
daga getur borið upp á skírdag. Í greinar-
gerð með frumvarpinu sagði að ekki
væri verið að leggja til að helgi eða hefð
viðkomandi daga yrði færð, breytt eða
rýrð heldur eingöngu að það frí sem þeim
fylgir yrði fært til hagræðis fyrir laun-
þega, fjölskyldur þeirra og atvinnurek-
endur. „Stakir frídagar eru á margan hátt
óheppilegir á vinnustöðum. Þeir skapa
óhagræði og draga úr framleiðni. Á
sama hátt nýtist stakur frídagur
launþegum ekki nema að nokkru
leyti, með vinnudag á undan
og eftir,“ sagði enn fremur í
greinargerðinni. Þingmaður-
inn lagði einnig til að verka-
lýðsdagurinn (1. maí) yrði
haldinn hátíðlegur fyrsta
mánudag í maí og veitt
almennt frí þann
dag. Hann benti á
fordæmið frá árinu
1983 er frídagur
verslunarmanna var
gerður að almennum
frídegi fyrsta mánu-
dag í ágúst. „Verka-
lýðshelgin“ gæti því
orðið fríhelgi með sama
hætti og verslunar-
mannahelgin.
Félagarnir Sig-
mundur Davíð og
Bjarni eru í óða önn
að mynda ríkisstjórn
þessa dagana og
taka þar á erfiðum
úrlausnarmálum
sem sum verða vart
til vinsælda fallin. Í
þeirri súpu allri gætu
þeir fóstbræður náð
sér í nokkur prik hjá
teygðri alþýðu manna
með því að redda þessu
frídagarugli – og búa til
langar helgar í stað hinna
óheppilegu stöku frídaga.
Ekki er að efa að Björt
framtíð, með Róbert
Marshall í fararbroddi,
styður breytinguna.
Jónas
Haraldsson
jonas@
frettatiminn.is
HELGARPISTILL
Te
ik
ni
ng
/H
ar
i
Otrivin Comp, nefúði, lausn. Innihaldslýsing: Xýlómetazólínhýdróklóríð 0,5 mg/ml og ipatrópíumbrómíð.
Ábendingar: Einkenni nefstíflu (þrútinnar nefslímhúðar) og nefrennslis af völdum kvefs. Skammtar og
lyfjagjöf fyrir fullorðna eldri en 18 ára: 1 úðaskammtur í hvora nös eftir þörfum, að hámarki þrisvar á
sólarhring. Að minnsta kosti 6 klukkustundir skulu líða milli tveggja skammta, draga skal úr skömmtum
þegar einkenni lagast. Ekki má nota Otrivin Comp lengur en 7 daga þar sem langvarandi notkun
xýlómetazólínhýdróklóríðs getur leitt til bólgu í nefslímhúð og aukinnar slímmyndunar. Snýttu þér.
Fjarlægðu glæru plasthettuna. Skorðaðu úðaflöskuna milli fingranna. Úðað er með því að þrýsta
kraganum niður að flöskunni. Hallaðu höfðinu örlítið fram. Stúturinn á úðaflöskunni er settur upp í nösina.
Úðað er einu sinni, um leið og andað er að sér inn um nefið. Farðu eins að í hina nösina. Ekki má nota lyfið
ef þú ert með ofnæmi fyrir einhverju innihaldsefnanna, ofnæmi fyrir atrópíni eða svipuðum efnum (t.d.
hýoscýamín eða skópólamín), ef þú hefur gengist undir aðgerð í gegnum nefið eða munninn, ef þú ert með
nefþurrk vegna slímhúðarbólgu eða ert með gláku. Ráðfærðu þig við lækni áður en lyfið er notað ef þú
ert: Þunguð, með barn á brjósti, næmur fyrir adrenvirkum efnum, hjarta- eða æðasjúkdóm,
skjaldvakaóhóf, sykursýki, háþrýsting, erfiðleika við þvaglát (stækkaðan blöðruhálskirtil), æxli í nýrnahet-
tum, ef þú færð oft blóðnasir (t.d. aldraðir), ert með þarmalömun, slímseigjusjúkdóm, þunglyndi og ert á
lyfjameðferð við því. Geymið þar sem börn hvorki ná til né sjá. Lesið allan fylgiseðilinn vandlega áður
en byrjað er að nota lyfið. Sjá notkunarleiðbeiningar í fylgiseðli. Markaðsleyfishafi:Novartis
Healthcare. Umboð á Íslandi: Artasan ehf., Suðurhrauni 12a, 210 Garðabæ.
Nýtt lyf sem verkar bæði gegn
nefstíflu og nefrennsli
Andaðu með nefinu
Nýtt!
32 viðhorf Helgin 10.-12. maí 2013