Fréttatíminn - 10.05.2013, Blaðsíða 54
54 bíó Helgin 10.-12. maí 2013
Segja
að J.J.
Abrams
sé orðinn
einhvers
konar
Alex
Ferguson
í nörda-
heimum,
nánast
helgur
maður.
Frumsýnd mama
Frumsýnd star trek Into darkness
s tar Trek-þættirnir hófu göngu sína í bandarísku sjónvarpi árið 1966 þar sem William Shatner lék hinn kjarkmikla
Kirk, skipstjóra á Enterprise, og Leonard
Nimoy fór með hlutverk hins eyrnahvassa
vúlkana Spock. Þeir félagar hösluðu sér síðan
völl í kvikmyndum með Star Trek: The Motion
Picture 1979 þar sem þeir sigldu í kjölfar geim-
dellunnar sem hófst með Star Wars skömmu
áður. Síðan þá hafa heittrúaðir Trekkarar og
stjörnustjarfir Star Wars-aðdáendur eldað grátt
silfur, metist og rifist um í hvorn bálkinn sé
meira spunnið.
Star Trek-bíómyndirnar eru orðnar svo
margar að varla er hægt að telja þær og sjón-
varpsseríurnar um þetta hugarfóstur Gene
Roddenberry eru orðnar býsna margar og má
þar nefna Star Trek: The Next Generation, Star
Trek: Deep Space Nine og Star Trek: Voyager.
Árið 2009 gekkst J.J. Abrams í að endur-
vinna og poppa Star Trek upp í bíó fyrir nýja
öld og óhætt er að segja að honum hafi tekist
stórvel upp þar sem Star Trek árgerð 2009 er
spennandi og grípandi skemmtun.
Abrams tefldi Chris Pine fram í hlutverki
Kirks og Zachary Quinto brá sér í gervi Spocks
en sá kostulegi breski leikari Simon Pegg sá
um að halda gríninu gangandi sem hinn goð-
sagnakenndi Scotty sem er þekktastur fyrir að
geisla fólk út og suður, upp og niður og út um
allar trissur. Þá skaut sjálfur Leonard Nimoy
upp kollinum í hlutverki aldraðs Spocks frá
framtíðinni. Allt gekk þetta fullkomlega upp og
Abrams hamrar nú járnið á meðan það er heitt.
J.J. Abrams á að baki farsælan feril sem
handritshöfundur og leikstjóri bæði í sjón-
varpi og kvikmyndum og hefur á síðustu árum
fest sig rækilega í sessi sem aðal nördinn í
Hollywood og eftir að hann var ráðinn til þess
að leikstýra fyrstu Star Wars-myndinni í nýjum
þríleik má segja að hann sé orðinn einhvers
konar Alex Ferguson í nördaheimum, nánast
helgur maður. Það setur þó óneitanlega dygga
aðdáendur Star Trek og jafnvel Star Wars í
undarlega stöðu þegar maðurinn sem blés lífi í
Star Trek fer síðan beint yfir til óvinarins í vetr-
arbraut langt, langt í burtu. Í ljósi þess hversu
vel honum tókst upp með Star Trek geta Star
Wars-lúðar þó ekki annað en horft bjartsýnir
til framtíðar.
Abrams sló hressilega í gegn með njósna-
þáttunum Alias, með Jennifer Garner í
aðalhlutverkinu, og fór síðar vel af stað með
strandaglópasteypunni Lost. Hann dúkkaði
síðan upp með einhvers konar X-Files fyrir 21.
öldina með Fringe en brotlenti með yfirnátt-
úrulegu brölti horfinna fanga úr hinu alræmda
Alcatraz-fangelsi.
Í Star Trek Into Darkness mæta nýjar hættur
áhöfninni á Enterprise þegar hryðjuverkamað-
urinn John Harrison sprengir sprengju í Lond-
on og gerir sig líklegan til frekari illvirkja. Það
kemur í hlut Kirks og félaga að klófesta kauða
en á daginn kemur að hann var áður liðsmaður
stjörnuflotans og finnur sig knúinn til þess að
hefna sín á fyrrverandi félögum sínum.
Benedict Cumberbatch (Sherlock, Tinker
Tailor Soldier Spy) leikur skúrkinn með slík-
um tilþrifum að allir aðrir falla í skugga hans,
meira að segja Kirk með sitt útblásna egó.
Aðrir miðlar: Imdb: 8,4, Rotten Tomatoes: 88%,
Metacritic: 74%
Vísindaskáldskapurinn Star Trek, sem runninn er undan rifjum Gene Roddenberry, á sér langa
sögu í sjónvarpi og kvikmyndum. Fyrir fjórum árum ýtti J.J. Abrams, hinn ókrýndi konungur nörd-
anna, Star Trek í gang í bíó á ný með miklum glæsibrag og fylgir nú vinsældum Star Trek eftir
með Star Trek Into Darkness. Í þessari umferð þurfa Kirk, Spock og aðrir í áhöfn Enterprise að
takast á við skæðan óvin, fyrrverandi liðsmann stjörnuflotans sem telur sig eiga harma að hefna.
Þórarinn
Þórarinsson
toti@frettatiminn.is
Sá snjalli og önnum kafni kvikmynda-
gerðarmaður Guillermo del Toro fram-
leiðir hrollvekjuna Mama og þar má víða
sjá glitta í fingraför hans. Hér kveður
við gamalkunnan draugatón þar sem
framliðin kona sem kvaddi þennan heim
ósátt herjar á lifendur af töluverðri
grimmd og hörku.
Fjölskyldufaðir gengur af göflunum,
myrðir eiginkonu sína og brunar út í
buskann með tvær ungar dætur sínar.
Hann leitar skjóls í skuggalegum kofa
úti í skógi þar sem hann ætlar að drepa
dætur sínar og sálga síðan sjálfum sér.
Óhreinn andi er á kreiki í kofanum og
stútar pabbanum áður en hann klárar
sturlað ætlunarverk sitt. Dæturnar finn-
ast fimm árum síðar illa á sig komnar
en virðast þó hafa dafnað ágætlega og
sú eldri vill meina að einhver dularfull
„mama“ hafi hugsað um þær. Föður-
bróðir þeirra tekur stelpurnar að sér
en um leið og þær flytja inn til hans og
kærustunnar hans taka dularfullir hlutir
að gerast og helst virðist sem mama sé
mætt á staðinn, allt annað en sátt við að
sjá á eftir stúlkunum.
Aðrir miðlar: Imdb: 6,4, Rotten Tom-
atoes: 65%, Metacritic: 57%
Hættuleg mamma
Yfirnördinn snýr aftur
Spock og Kirk eru mættir til leiks á ný í Star Trek Into Darkness og mæta nú skæðum óvini sem leynir verulega á sér svo ekki sé
fastar að orði kveðið.
Ómissandi á pizzuna,
í ofn- og pastaréttina,
á tortillurnar og salatið.
Heimilis
RIFINN OSTUR
ÍSLENSKUR OSTUR
100%
74,6% ... kvenna 35 - 49 ára á höfuðborgarsvæðinu lesa Fréttatímann*
*konur 35 – 49 ára
á höfuðborgarsvæðinu.
Capacent jan - mars 2013
850 svör
Jessica Chastain
og Nikolaj
Coster-Waldau
leika kærustu
par sem taka að
sér stúlkur sem
eru með draug á
hælunum.