Fréttatíminn - 24.05.2013, Blaðsíða 58

58 bíó Helgin 24.-26. maí 2013
Hópurinn
slapp með
fúlgur fjár
en getur
ekki snúið
aftur til
Banda-
ríkjanna og
er dreifður
víða um
heiminn.
 Frumsýnd Fast & Furious 6
F ast and the Furious-bálkurinn hefur reynst Universal drjúg gullnáma og fyrirtækið er hvergi nærri hætt að
blóðmjólka fyrirbærið. Lætin byrjuðu fyrir
rúmum áratug, þegar töffarinn Vin Diesel
þótti funheitur. Hann var ábúðarmikill mjög
í hlutverki bílabófans Dominic Toretto sem
stundaði ofsaakstur ásamt félögum sínum af
miklu kappi.
Paul Walker lék ungan lögreglumann
sem settur var til höfuðs genginu sem hann
gekk til liðs við á fölskum forsendum. Ekki
tókst honum þó betur upp en svo að hann
varð ástfanginn af systur Dominics og varð
síðar fullgildur meðlimur í kappaksturshópn-
um. Síðan þá hafa félagarnir lent í ýmsum
hremmingum en bálkurinn tók tímabæra
U-beygju með Fast Five 2011. Þá var aðeins
dregið úr heiladauðum hraðakstrinum og
myndin hverfðist um bíræfið rán sem ökuþór-
arnir ætluðu sér að fremja til þess að kaupa
sér höfuðlausn.
Leikarinn vöðvastælti Dwayne Johnson,
löngum þekktur sem The Rock, kom nýr til
leiks í fimmtu myndinni í hlutverki alríkis-
lögreglumanns sem var harðákveðinn í að
koma lögum yfir Dominic og félaga. Hópur-
inn slapp með fúlgur fjár en getur ekki snúið
aftur til Bandaríkjanna og er dreifður víða
um heiminn.
Í þessari sjöttu mynd er hins vegar komin
upp sú sérkennilega staða að lögreglumaður-
inn þarf á aðstoð Dominics að halda til þess
að uppræta harðsnúinn hóp bílabandíta. Dom
smalar því saman liði sínu í London þar sem
lagt er til atlögu við skúrkana gegn fyrirheiti
um sakaruppgjöf og þá um leið tækifæri til
þess að snúa aftur heim.
Harðhausinn Jason Statham skýtur upp
kollinum í þessari mynd og leikur bróður
aðalskúrksins en talið er víst að Statham taki
við stýrinu í lokin og verði höfuðandstæðing-
ur Dominics í Fast & Furious 7 á næsta ári.
Statham er vitaskuld einhver aðsópsmesti
hasarmyndaleikarinn í Hollywood um þessar
mundir og er auk þess ekki alveg óvanur
ofsaakstri þar sem hann lék á sínum tíma í í
endurgerð The Italian Job og keyrði eins og
óður maður í hlutverki nafnlausa bílstjórans í
Transporter-myndunum þremur.
Hörkutólið Michelle Rodriguez heiðrar
þessa samkomu einnig með nærveru sinni.
Hún var hluti af hópnum í fyrstu myndunum
sem Letty, ástkona Doms, en hann vissi
ekki betur en að hún væri látin. Nú er hún
semsagt risin upp frá dauðum en er illu heilli
gengin til liðs við vondu kallana þannig að úr
vöndu er að ráða.
Aðrir miðlar: Imdb: 7,7, Rotten Tomatoes: 78%,
Metacritic: 53%
Sjálfsagt óraði engan fyrir því árið 2001 að bílahasarinn The Fast and the Furious sem gerði lukku
í bíó það árið myndi geta af sér ekki færri en sex framhaldsmyndir. Sú er þó raunin og nú er Fast
& Furious 6 komin í bíó og endir hennar beintengist mynd númer sjö sem er ekki langt undan. Vin
Diesel og kletturinn Dwayne Johnson tókust á í síðustu mynd en snúa nú bökum saman.
Þórarinn
Þórarinsson
toti@frettatiminn.is
Díselinn gefur allt í botn
Vin Diesel og Dwayne Johnson í hlutverkum bílabófans og alríkislögreglumannsins. Þeir elduðu grátt silfur í Fast Five en snúa
nú bökum saman.
Átök á Þingvöllum
Mikið hefur gengið á hjá Lucasfilm
eftir að Disney keypti Stjörnustríðs-
risann í fyrra. Nýr kvikmyndaþrí-
leikur er í undirbúningi auk sjálf-
stæðra Star Wars-mynda inn á milli.
Fyrirhugaðir tölvuleikir hafa verið
slegnir af og ýmsir möguleikar á því
að kreista sem flest egg úr geimgull-
gæsinni eru í skoðun.
Teiknimyndaþættirnir Star Wars:
The Clone Wars luku göngu sinni
fyrr á þessu ári en ákveðið hefur
verið að taka upp þráðinn með nýrri
seríu, Star Wars: Rebels, sem hefur
göngu sína á næsta ári.
Star Wars: Rebels kemur til með
að gerast milli síðustu myndar-
innar í seinni þríleiknum, Episode
III – Revenge of the Sith, og fyrstu
myndarinnar í gömlu þrennunni,
Episode VI – A New Hope. Í þessari
eyðu í sögunni styrkti hinn illi keisari
Palpatine veldi sitt með dyggri aðstoð
Svarthöfða sem gekk vasklega fram
við að útrýma fyrrum félögum sínum
í reglu Jedi-riddaranna.
Ofríki Keisaraveldisins varð til
þess að ýmsum stjörnukerfum var
nóg boðið og blásið var til uppreisnar
en bandalag uppreisnarmanna vann,
sem kunnugt er, sinn fyrsta stórsigur
í Episode IV þegar Logi Geimgengill
sprengdi hið ógurlega Helstirni.
 Game oF thrones aFtur til Íslands
Kvikmyndavefurinn Svarthöfði greindi
frá því í gær að stefnt sé að því að
taka upp atriði fyrir fjórðu þáttaröð
hinna vinsælu ævintýraþátta Game
of Thrones á Íslandi. Íslensk náttúra
og landslag var fyrst notað í annarri
þáttaröðinni og ánægjan var slík
að tökuliðið sneri aftur fyrir þriðju
seríuna, sem nú er í sýningum á Stöð
2, og framleiðendur þáttanna hafa
hug á að nýta landið enn frekar.
Samkvæmt heimildum Svarthöfða
stendur til að taka upp atriði á Þing-
völlum, Hengli og í Þjórsárdal. Áður
voru þættirnir teknir á Svínafellsjökli,
Mývatni og Vatnajökli. Tökur á þátt-
unum byrja seinnihluta júlí og standa
fram í ágúst. Síðast unnu 270 manns
að tökunum hérlendis og má búast
við álíka fjölda að þessu sinni.
Þá má geta þess að nú stendur yfir
heilmikil leit að íslenskum hestum
sem gætu fengið aukahlutverk í
þáttunum.
 stjörnustrÍð önnur teiknimyndaröð
Uppgangur keisarans og uppreisnin
Klónuðu hermennirnir í The Clone Wars
munu væntanlega ekki láta sitt eftir liggja
í Star Wars: Rebels.
Heyrðu umskiptin, fáðu
heyrnartæki til reynslu
Okkar markmið er
að allir landsmenn
heyri vel
Heyrnarþjónusta
Hlíðasmára 11 – 210 Kópavogi- Sími 534-9600 – heyrn.is
HANNAH ARENDT
LAU - SUN: 17:50 (12)
SIGHTSEERS
LAU - SUN: 18:00, 20:00, 22:00 (16)
SKÓLANEMAR: 25% AfSLáTTUR GEGN fRAMvíSUN SKíRTEINIS!
MEÐ STUÐNINGI REYKJAVÍKURBORGAR & KVIKMYNDAMIÐSTÖÐVAR ÍSLANDS - MIÐASALA: 412 7711