Fréttatíminn - 24.05.2013, Blaðsíða 18

Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Sigríður Dögg
Auðuns dóttir sigridur@frettatiminn.is. Fréttastjóri: Höskuldur Daði Magnússon hdm@frettatiminn.is. Framkvæmda- og auglýsingastjóri: Valdimar Birgisson valdimar@
frettatiminn.is. Útgáfustjóri: Teitur Jónasson teitur@frettatiminn.is . Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
N
Ný ríkisstjórn tók við völdum í gær, sam-
stjórn Framsóknarflokksins og Sjálfstæðis-
flokksins undir forystu Sigmundar Davíðs
Gunnlaugssonar. Ríkisstjórnin er með ríf-
legan meirihluta á þingi, hvor flokkur hlaut
19 menn kjörna í nýafstöðnum kosningum.
Sá rúmi meirihluti ætti að auðvelda henni að
koma málum í gegn. Í kjölfar kosningalof-
orða, ekki síst hvað varðar skuldamál heimil-
anna sem Framsóknarflokkurinn lagði
megináherslu á, eru væntingar
bundnar við hina nýju stjórn.
Uppgjör þess máls mun ráða
örlögum hennar samhliða
því hvernig til tekst við stjórn
efnahagsmála. Framsóknar-
flokkurinn vann mikinn
kosningasigur. Þann sigur má
helst rekja til festu í Icesave-
málinu og þeirrar stefnu sem
flokkurinn markaði varðandi
skuldamál heimilanna. Vita-
skuld þurfa ný stjórnvöld tíma
til að koma þessum helstu stefnumálum
sínum í framkvæmd en þar mun reyna á fyrr
en síðar. Ekki er víst að þolinmæði kjósenda,
ekki síst þeirra sem flykktu sér undir merki
Framsóknarflokksins, sé mikil.
Annað sem skipta mun máli er traust milli
forystumanna ríkisstjórnarflokkanna og
stjórnarflokkanna beggja – og innan þeirra.
Til þess eru vítin að varast þau. Fráfarandi
ríkisstjórn Jóhönnu Sigurðardóttur moln-
aði að innan vegna innbyrðis flokkaátaka,
einkum í þingflokki Vinstri grænna þar sem
hluti þingmanna lýsti óánægju sinni með
því að róa á önnur mið. Stjórnin missti því í
raun þingmeirihluta sinn. Þótt hún sæti út
kjörtímabilið gekk henni lítt að koma stefnu-
málum áleiðis.
Ríkisstjórn Framsóknarflokksins og
Sjálfstæðisflokksins ætlar sér, að því er
fram kemur í sáttmála hennar, að hefja nýja
sókn í þágu lands og þjóðar með bættan
hag heimilanna og eflingu atvinnulífs að
leiðarljósi svo aukin verðmætasköpun verði
í þágu almennings. Um þetta markmið geta
menn verið sammála, hvar í flokki sem
þeir standa, sem og þau markmið stjórnar-
innar að skapa skilyrði fyrir hagvöxt sem
knúinn verður áfram af auknum útflutningi
og bættri framleiðni í einkageiranum og hjá
hinu opinbera. Skapa verður fyrirtækjum
starfsumhverfi sem stuðlar að fjárfestingu
og fjölgun starfa svo þau standi undir þeirri
atvinnu sem nauðsynleg er heimilunum.
Brýnt er, eins og ríkisstjórnin ætlar sér, að
einfalda skattkerfið svo rekstur fyrirtækja
verði skilvirkari. Um það þarf vart að deila
að ábyrg efnahagsstjórn er forsenda vel-
ferðar, öflugs heilbrigðis- og menntakerfis,
löggæslu og annarrar grunnþjónustu, eins
og fram kemur í stjórnarsáttmálanum – og
að agi og jafnvægi í ríkisfjármálum gegni
lykilhlutverki við að tryggja stöðugleika,
lægri vexti og litla verðbólgu.
Stöðugleikinn næst með samvinnu allra
og á hana mun reyna strax á þessu ári því
kjarasamningar eru lausir í haust. Það mun,
auk stjórnvalda, reyna á Samtök atvinnulífs-
ins og launþegahreyfinguna, hvort heldur
er á almennum eða opinberum markaði. Ná
þarf þjóðarsátt um kjarasamninga sem ekki
eru verðbólguhvetjandi. Stjórnvöld geta
liðkað fyrir með skattalagabreytingum til
kjarabótar fyrir heimilin.
Forystumenn í sjávarútvegi héldu að sér
höndum á liðnu kjörtímabili vegna deilna
og óvissu um framtíð greinarinnar. Slíkt má
ekki henda. Því ríður á að nýrri stjórn takist
að ná bærilegri sátt um framtíðarskipulag
greinarinnar með því að tryggja henni gott
starfsumhverfi en um leið greiði útvegurinn
sanngjarnt veiðigjald fyrir afnotarétt að
hinni takmörkuðu auðlind.
Ekki er ofsagt í sáttmála stjórnarflokk-
anna að eitt mikilvægasta verkefni þeirra sé
að vinna að afnámi fjármagnshafta. Gjald-
eyrishöftin voru neyðarúrræði í kjölfar
hrunsins, ætluð til að verja gengi krónunnar
en langtímaáhrif þeirra eru afar skaðleg og
geta haft þveröfug áhrif enda skapa þau stöð-
ugan þrýsting til lækkunar á gengi krónunn-
ar vegna þeirrar takmörkunar á framboði
gjaldeyris sem þau valda.
Í því máli og öðrum sem til framfara
horfa þarf aukna samstöðu. Forystumenn
ríkisstjórnarinnar boða að þeir muni leggja
áherslu á samvinnu við forystumenn stjórnar-
andstöðuflokkanna. Eftir slíkri samvinnu
kallar þjóðin, langþreytt á sundurlyndi og tor-
tryggni sem einkennt hefur íslensk stjórnmál.
Ríkisstjórnarskipti
Kallað eftir samvinnu og þjóðarsátt
Jónas Haraldsson
jonas@frettatiminn.is
Voltaren 11,6 mg/g, hlaup. Inniheldur 11,6 mg af díklófenaktvíetýlamíni. Ábendingar:
Staðbundnir bólgukvillar. Skammtar og lyfjagjöf: Fullorðnir og börn 14 ára og eldri: 2-4 g af
hlaupi borið á aumt svæði 3-4 sinnum á sólarhring. Mælt er með handþvotti eftir notkun,
nema verið sé að meðhöndla hendur. Ef meðhöndla á bráð, minniháttar meiðsli í stoðkerfi
skal ekki nota Voltaren lengur en 7 daga án samráðs við lækni. Hafið samband við lækninn
ef einkenni eru viðvarandi eða versna eftir meðferð í 7 sólarhringa. Frábendingar: Ofnæmi
fyrir einhverju innihaldsefnanna, asetýlsalisýlsýru og öðrum bólgueyðandi gigtarlyfjum
(NSAID). Sjúklingar sem hafa fengið astma, ofsakláða eða bráða nefslímubólgu af völdum
asetýlsalisýlsýru eða annarra bólgueyðandi gigtarlyfja (NSAID) eiga ekki að nota lyfið.
Síðustu 3 mánuðir meðgöngu. Má ekki nota handa börnum og unglingum 14 ára og yngri.
Sérstök varnaðarorð: Má eingöngu bera á heila og heilbrigða húð og alls ekki á slímhúðir eða
augu. Getur valdið húðertingu. Varast skal mikið sólarljós, notkun samhliða bólgueyðandi
lyfjum eða að hylja notkunarsvæðið með loftþéttum umbúðum. Gæta skal sérstakrar varúðar
hjá öldruðum eða astma-/ofnæmis-sjúklingum (hefur valdið berkjukrampa). Hætta á meðferð
ef útbrot koma fram eftir notkun. Við notkun á stór húðsvæði eykst hættan á almennum
aukaverkunum, t.d. á nýru. Við brjóstagjöf eða meðgöngu má eingöngu nota lyfið í samráði
við lækni. Lesið leiðbeiningar á umbúðum og í fylgiseðli fyrir notkun. Geymið þar sem
börn hvorki ná til né sjá. Markaðsleyfis hafi: Novartis Consumer Health S.A. Umboð á
Íslandi: Artasan ehf., Suðurhrauni 12a, 210 Garðabæ
Fæst án lyfseðils
Veldur síður
lyfjaáhrifum um
allan líkamann eins
og þegar töflur eru
teknar inn
Verkjastillandi
bólgueyðandi
Lín Design Laugavegi 176 Sími 533 2220 www.lindesign.is
25-40% af barnavöru
Barnadagar
mmtudag - föstudag - laugardag
Rúmföt
Sloppar
Handklæði
Rimlahlífar
Þvottahanskar
Dúnsængur
Smekkir
Púðar
Lök
Sendum frítt
www.lindesign.is
Börnin fá
rúmföt fyrir
dúkkuna eða
bangsann
18 viðhorf Helgin 24.-26. maí 2013