Fréttatíminn - 24.05.2013, Blaðsíða 54

54 skák og bridge Helgin 24.-26. maí 2013
 Hrókurinn EllEfta starfsárið Hafið Hjá mEðal nágranna okkar í norðri
Skákævintýri á Grænlandi
s kákfélagið Hrókurinn hélt fyrsta al-þjóðlega skákmótið í sögu Grænlands í Qaqortoq sumarið 2003. Tugir Ís-
lendinga komu til þess að taka þátt í þessum
sögulega viðburði, sem og stórmeistarar
frá hátt í tíu löndum. Ánægjulegast af öllu
var þó að fjölmargir Grænlendingar á
öllum aldri tóku þátt í hátíð, sem er öllum
ógleymanleg. Fyrsta skákin á fyrsta al-
þjóðlega mótinu í sögu Grænlands var milli
ofurstórmeistarans Ivans Sokolovs frá Bos-
níu og Jonathans Motzfeldt, sem þá var for-
seti grænlenska þingsins. Skákgyðjan hafði
numið land á Grænlandi. Fræjum var sáð.
Helstu bakhjarlar þessa fallega ævintýris
voru Flugfélag Íslands, ríkisstjórn Íslands
og ótal fyrirtæki og einstaklingar.
Ég á margar góðar minningar frá þessum
sólríku dögum. Sú, sem dýpst er greipt í
hug minn og hjarta,
er hugsun sem kom
upp, þegar ég var einn
á báti ásamt græn-
lenskum veiðimanni.
Hátíðin mikla var af-
staðin. Við höfðum átt
margar gleðistundir;
góðar minningar orðið
til. En ég hugsaði –
meðan báturinn sveif
y?r spegilsléttan sjó-
inn: Allt er það einskis
virði, nema við höldum
áfram.
Og við héldum áfram. Félagar mínir í
Skákfélaginu Hróknum, samherjar mínir í
Kalak, vinir okkar hjá Flugfélagi Íslands –
og ótal margir aðrir – við héldum áfram. Nú
er hafið 11. starfsár Hróksins á Grænlandi.
Við höfum komið á hverju ári, oft tvisvar,
stundum þrisvar, en alls eru ferðirnar orðn-
ar feiri en 25. Nú eru til taflsett á að minnsta
kosti 2.000 grænlenskum heimilum. Við
höfum heimsótt skóla í mörgum þorpum,
haldið fleiri skákviðburði en við höfum tölu
á. Við höfum að mestu – ekki þó einvörð-
ungu – einbeitt okkur að nágrönnum okkar
á Austur-Grænlandi, enda standa þeir okkur
landfræðilega næst, en allir Grænlendingar
eru vinir okkar, og okkur dreymir um að
heimsækja allar byggðir Grænlands.
Við höfum þegar
drepið niður fæti í
Nuuk, heimsótt skóla
og frístundaheimili,
og heilsað upp á hina
vösku liðsmenn í
skákfélagi höfuðborg-
arinnar. Við stefnum
ótrauð að því að hvert
barn í Nuuk – og
annars staðar á Græn-
landi – fái að kynnast
töfraheimi skákíþróttar-
innar.
Skák er skemmtileg – það er eitt af kjör-
orðum okkar í Hróknum. En skákin er
meira: Hún er frábært námstæki – við
lærum að virkja allt frá rökhugsun til sköp-
unargáfunnar – hún sameinar kynslóðirnar,
og aldur eða líkamsburðir skipta ekki máli.
Skákin er tungumál sem allir geta talað. Við
horfum með tilhlökkun til framtíðarinnar.
Við hlökkum til að heyra tónlistina óma í
Kulusuk. Við hlökkum til að hitta börnin
í Nuuk. Við getum ekki beðið eftir því að
halda næstu hátíð í Ittoqqortormitt og við
erum að undirbúa ferð til Upernavik.
Og síðast en ekki síst: í september ætlum
við að halda minningarskákmót í Nuuk um
Jonathan Motzfeldt, en þá eru liðin 75 ár frá
fæðingu hins ástsæla foringja og landsföður
á Grænlandi. Jonathan studdi skákland-
námið með ráðum og dáð, og skildi manna
best hve skákin gat auðgað líf barna og
ungmenna – og fólks á öllum aldri. Ég naut
þeirra forréttinda að vera gestur hans og frú
Kristjönu Guðmundsdóttur Motzfeldt þegar
leið mín lá fyrst til Grænlands 2003. Kvöld-
stund með þeim hjónum er ein af mínum
dýrmætustu minningum — auðvitað endaði
kvöldið við talfborðið, og þar sýndi Íslands-
vinurinn tilþrif, sem lengi verða í minnum
höfð.
Til er orðskviður amerískra frumbyggja:
Til að draumur rætist þarf maður fyrst
að láta sig dreyma. Okkur í Skákfélaginu
Hróknum dreymir þetta: Að fjölga ánægju-
stundum á Grænlandi og efla vináttu og
samvinnu þjóðanna í norðri.
Hrafn Jökulsson,
forseti Hróksins
n orðurlandamót í bridge verður í ár haldið á Íslandi, fer fram nú helgina, 24.-26. maí. Spilastaður
er Hótel Keflavík. Keppt verður í opnum
flokki og kvennaflokki. Í opnum flokki
senda allar Norðurlandaþjóðirnar lið og
lið Íslendinga er skipað pörunum Jóni
Baldurssyni, Þorláki Jónssyni, Aðalsteini
Jörgensen, Bjarna Einarssyni, Ragnari
Hermannssyni og Guðmundi Snorrasyni.
Fjórar þjóðir taka þátt í kvennaflokki, auk
Íslands eru Danmörk, Noregur og Sví-
þjóð með lið. Lið Íslands í kvennaflokki
er skipað Önnu Ívarsdóttur, Guðrúnu
Jóhannsdóttur, Bryndísi Þorsteinsdóttur,
Maríu Haraldsdóttur, Ólöfu Þorsteinsdótt-
ur og Svölu Pálsdóttur. Núverandi Norður-
landameistarar í opnum flokki (2011) er
lið Noregs og Danmörk var sigurvegari
í kvennaflokki. Lið Íslands var skipað
tveimur pörum í opnum flokki á síðasta
Norðurlandamóti, Ragnar Magnússon og
Páll Valdimarsson voru með Aðalsteini
Jörgensen og Bjarna Einarssyni. Aðal-
steinn og Bjarni voru með hæstu mönnum
í bötlerútreikningi mótsins, fengu 0,66 í
plús í spili. Þetta spil í síðari leiknum gegn
Dönum á NM 2011 gaf þeim góða skor,
suður gjafari og AV á hættu:
Suður vestur norður austur
Pass pass 1 spaði 2 lauf
2 grönd 5 lauf pass pass
Dobl redobl p/h
Aðalsteinn kom inn á tveimur laufum og
tvö grönd var gervisögn, sýndi fjögurra
spila stuðning við spaðann og áskorunar-
hönd. Bjarni sá fyrir sér líklega eyðu í
spaða hjá Aðalsteini og lét vaða í 5 lauf.
Suður doblaði þann
samning og Bjarni
redoblaði kok-
hraustur með spil
vesturs. Það var
bara handavinna
fyrir Aðalstein að
vinna spilið og 12
impar græddust, því
samningurinn var
4 spaðar doblaðir á
hinu borðinu sem
fóru 1 niður. Síðari
leikurinn við Dani
fór 17-13 eftir 23-7 sigur í fyrri leiknum.
Að vonum eru slíkar sigurtölur æskilegar
hjá liði Íslands. Sýnt verður frá 2 borðum á
NM á Bridge Base Online (4 útsendingar) í
öllum leikjum.
Sumarbridge hafið
Árlegt sumarbridge hófst mánudaginn
20.maí (2 í hvítasunnu). Spilað verður á
mánudögum og miðvikudögum í sumar og
hefst spilamennska báða dagana klukkan
19 og verður spilaður Barómeter tvímenn-
ingur. Sveinn Eiríksson sér um sumar-
bridge. Úrslitin verða uppfærð á heimasíðu
BSÍ. Guðlaugur
Sveinsson og Bald-
ur Bjartmarsson
unnu fyrsta spila-
kvöld Sumarbridge
2013 með 62,2%
skor. Í 2. sæti voru
Erla Sigurjónsdóttir
og Guðni Ingvars-
son með 57,9% og í
3ja sæti Jón Hákon
Jónsson og Guð-
mundur Skúlason
með 56,7%.
 BridgE árlEgt sumarBridgE Hafið
Norðurlandamót í bridge hérlendis um helgina
SMELLTUÁ KÖRFUNA
NETBÆKLINGUR Á
WWW.TOLVUTEK.IS
MEÐ GAGNVIRKUM
KÖRFUHNAPP
AFSLÁTTUR A
F
FARTÖLVUM OG

SPJALDTÖLVUM
ALLT AÐ
40
ÞÚSUND
Tölvutek • Reykjavík • Borgartúni 31 • 563 6900 • Akureyri • Undirhlíð 2 • 430 6900 • www.tolvutek.is
Landslið Íslands í kvennaflokki.Landslið Íslands í opnum flokki.
♠ÁKG43
♥10743
♦D2
♣D5
♠9652
♥ÁDG9
♦G974
♣8
♠ D1087
♥ 6
♦ ÁK105
♣ 10432
♠ -
♥ K852
♦ 863
♣ ÁKG976
N
S
V A
Hrafn Jökulsson og Páll Gunnarsson tefla í
Hvalseyjarkirkju.
Sigurlaug Jóhannsdóttir og Jónatan Motzfeldt
takast í hendur eftir fjöruga skák, sem græn-
lenski þingforsetinn vann.
Hrókurinn stefnir ótrauður að því að hvert barn
í Nuuk – og annars staðar á Grænlandi – fái að
kynnast töfraheimi skákíþróttarinnar.