Fréttatíminn - 18.05.2012, Blaðsíða 24

Smur-ogSmáviðgerðir
BremSuSkipti
á 1.000 krónur!
Fram til 1. júní Skiptum við um BremSukloSSa
að Framan Fyrir aðeinS þúSund krónur.
tilBoðið gildir aF vinnu eF þú kaupir BremSuhluti hjá okkur.
dugguvogi rvk auSturvegi SelFoSS
pitStop.iS www
helluhrauni hFjrauðhellu hFj
568 2020 Sími
Þ
egar maður hugsar um
Sigur Rós hverfur hug-
urinn ósjálfrátt til fyrir-
bæra á borð við nátt-
úruvernd, Vonlensku,
jurtaseyðis og hópfaðmlags fyrir
tónleika. Það kemur því nokkuð á
óvart þegar maðurinn sem mætir í
viðtal við Fréttatímann er klæddur
mótorhjólafatnaði frá toppi til táar.
Hjólinu lagði hann í næstu götu.
„Mig hefur bara alltaf langað í
mótorhjól,“ segir Orri Páll Dýra-
son, trommari Sigur Rósar. Dag-
inn áður en viðtalið fór fram hafði
hann fengið mótorhjólaprófið en
skömmu áður hafði eiginkonan
gefið sitt samþykki. „Lukka gaf
mér leyfi, hún hefur alltaf verið á
móti þessu. Þetta er náttúrlega
frekar eigingjarnt hobbí, maður er
bara einn. Ég held reyndar að það
sé mikilvægt fyrir alla að eiga sér
svona skjól. Mótorhjólið er bara til
þess, ég er ekki hraðafíkill eða neitt
svoleiðis. Mér finnst frábært að geta
keyrt eitthvað og verið alveg sam-
bandslaus í einn og hálfan tíma. Það
er góð tilfinning.“
Orri segist vera að íhuga að taka
mótorhjól með sér á tónleikaferða-
lag Sigur Rósar, enda sé auðvelt að
geyma það með græjum sveitarinn-
ar. Hins vegar gæti orðið vandamál
með tryggingar ef eitthvað kemur
upp á. „Ég fer voðalega varlega. En
það væri ferlegt ef maður myndi
brjóta á sér hendurnar.“
Við látum okkur ekki leiðast
Lögin á Valtara eru samansafn af
upptökum frá nokkurra ára tímabili,
þær elstu frá 2006. Meðlimir sveit-
arinnar voru alveg búnir að gefast
upp á þessum lögum á ákveðnum
tímapunkti.
„Jú, þá tókum við líka pásu. Svo,
og það er sorglegt frá að segja,
voru það eiginlega umboðsmenn-
irnir okkar sem stungu upp á því
að við myndum kíkja á þessi lög
aftur. Þetta voru svo margar lotur
og við höfðum aldrei skoðað þau öll
saman. Þá passaði þetta einhvern
veginn bara afskaplega vel saman.
Og svo hjálpaði Alex okkur að líma
þetta saman.“
Valtari kemur í kjölfar Með suð í
eyrum við spilum endalaust sem var
sannkölluð stuðplata á mælikvarða
sveitarinnar. Nýja platan á fátt skylt
við þá síðustu, hún er mun rólegri
og þyngri og ambient-kennd. „Ég
hef stundum verið spurður hvort
þetta hafi verið meðvituð ákvörðun
að gera þessa plötu eftir svona stuð-
plötu,“ segir Orri hugsi. „Það sem
var meðvitað var að láta sér ekki
leiðast. Það hefði verið leiðinlegt
að gera aðra Með suð... eða Takk.
Við ákváðum ekkert að við mynd-
um gera akkúrat svona plötu. Það
verður bara að vera smá áskorun í
þessu fyrir okkur. Þetta verður að
vera gaman.“
Orri vill ekki segja hvað honum
finnst um Valtara í samanburði við
fyrri plötur Sigur Rósar enda hafi
hann ekki hlustað almennilega á
hana. „Ég hlustaði á búta af henni
í Flugleiðavél, það var svona for-
hlustun þar. Það var ekkert voða-
lega hresst, það er keyrt í gegnum
einhverja þjöppun og hljómaði mjög
illa.“
Æfingar á dagvinnutíma
Sigur Rós er orðið átján ára gamalt
band. Hvað ætla menn að hanga
lengi í bransanum?
„Bara á meðan þetta er skemmti-
legt. Við erum ekki að keyra okkur
Halda áfram á meðan þetta er skemmtilegt
Sjötta plata Sigur Rósar, Valtari, kemur út í lok mánaðarins.
Fjögur ár eru liðin frá útgáfu síðustu plötu og meðlimir
sveitarinnar mæta endurnærðir aftur til leiks. Allir nema hljóm-
borðsleikarinn Kjartan sem fer ekki með á tónleikaferðalagið til
að kynna plötuna. Höskuldur Daði Magnússon ræddi við Orra
Pál Dýrason trommara sem fagnaði sumrinu með því að kaupa
sér mótorhjól.
67% ... kvenna á höfuðborgarsvæðinu lesa Fréttatímann*
*konur 25 – 80 ára
á höfuðborgarsvæðinu.
Capacent okt.-des. 2011
24 viðtal Helgin 18.-20. maí 2012