Fréttatíminn - 18.05.2012, Page 68

The Raven
John Cusack leikur hér rithöfundinn Edgar
Allan Poe í skáldaðri sögu um síðustu
dagana í lífi þessa brautryðjanda í glæpa-
og hrollvekjubókmenntum. Titillinn vísar
að sjálfsögðu til Hrafnsins, eins þekktasta
kvæðis höfundarins. The Raven gerist í
Baltimore um miðja nítjándu öld en þegar
dularfull morð, sem minna um margt á
morð úr sögum Poes, eru framin ákveður
rithöfundurinn að leggja
lögreglunni lið við
að hafa hendur í hári
morðingjans. Rann-
sóknin snýst hratt upp
í æsilegt kapphlaup við
tímann þegar Poe áttar
sig á því að morðinginn
ætlar sér fyrst og fremst
að kála honum sjálfum.
Aðrir miðlar: Imdb: 7.2, Rotten Tom-
atoes: 21%, Metacritic: 44%
52 bíó Helgin 18.-20. maí 2012
Aladeen á
ekki sömu
forsögu og
Ali, Borat
og Brüno
sem allir
voru vel
þekktir
áður en þeir
mættu í bíó.
 FrumsýndAr
Harðjaxlinn Jason Statham er við
sama heygarðshornið í Safe þar
sem hann tekur á glæpahyski og
ekki með neinum vettlingatökum
frekar en fyrri daginn. Hann leikur
fyrrverandi lögguna Luke Wright
en í starfi sínu lenti hann harkalega
upp á kant við rússnesku mafíuna
sem launaði honum lambið gráa
með því að láta myrða fjölskyldu
hans og gera hann útlægan úr lög-
reglunni.
Okkar maður er því ekki í góðu
standi, mælir göturnar tærður af
söknuði og sektarkennd. Á vafri sínu um
borgina tekur hann eftir því að mafíósar
eru á hælum ungrar stúlku sem er skelfingu lostin. Luke getur að sjálfsögðu ekki horft
upp á þennan ójafna eltingarleik án þess að skipta sér af, gengur í málið af fullri hörku og
tekur stúlkuna undir sinn verndarvæng.
Sú stutta býr yfir mikilvægum upplýsingum sem nokkrir glæpahópar eru til í að gera allt
til að komast yfir þannig að Luke má hafa sig allan við í blóðugum átökum við rússneska
og kínverska krimma auk spilltra lögreglumanna.
Aðrir miðlar: Imdb: 6.3, Rotten Tomatoes: 54%, Metacritic: 55%
Statham buffar rússneska bófa
F rá hruni hefur fólki verið tíðrætt um skjaldborgir og hefur þess fyrirbæris tölu-
vert verið leitað, sem koma átti fyrir
umhverfis hitt og þetta. Ein er þó
alltaf á sínum stað og hægt er að
ganga að henni vísri á Patreksfirði
yfir hvítasunnuhelgina en þá verður
heimildarmynda hátíðin Skjaldborg
haldin í sjötta sinn.
Hátíðin hefur fest sig rækilega í
sessi og þetta árið stefnir í metþátt-
töku enda hefur verið óvenju mikið
um bókanir og umsóknir.
Þá telst til nokkurra tíðinda að
allar íslensku myndirnar verða með
enskum texta að þessu sinni með
hag erlendra gesta fyrir augum. Há-
tíðin er komin í samstarf við Copen-
hagen DOX-hátíðina í Danmörku og
listrænir stjórnendur hennar hafa
valið þrjár myndir sem sýndar verða
á Skjaldborg. Ein íslensku mynd-
anna á hátíðinni verður síðan fyrir
valinu og sýnd á næstu DOX-hátíð í
Kaupmannahöfn.
Sem endranær ræður fjölbreytnin
ríkjum í myndavali og við sögu koma
meðal annars Thor Vilhjálmsson,
Bubbi, popptónlist, lífeyrissjóðir og
kraftlyftingar. Patreksfirðingar láta
heldur ekki sitt eftir liggja og utan-
dagskrárviðburðirnir verða ekki af
verri endanum og nægir þar að nefna
Skelfiskveislu í Sjóræningjahúsinu,
Kvenfélagið býður upp á plokkfisk
og tekist verður á í harðri limbó-
keppni.
Heimildarmyndin Hrikalegir, eftir
Hauk Valdimar Pálsson, er ein þeirra
sem verður frumsýnd á hátíðinni en
þar er Steve Gym, gamalgrónasta
lyftingastöð íslenskra kraftlyftinga,
í forgrunni. Þar hefur Steve (Stefán
Hallgrímsson) í fjóra áratugi þjálfað
sterkustu menn landsins, auk ör-
yrkja og kynlegra kvista miðbæjar
Reykjavíkur. Myndin gefur innsýn í
lokaðan heim kraftakarla, sem voru
áður óskabörn þjóðarinnar en hafa
horfið úr augsýn almennings.
Þórarinn Þórarinsson
toti@frettatiminn.is
 skjAldborg steFnir í metÞátttöku
Hin eina sanna Skjaldborg
 sAchA bAron cohen meiri FíFlAgAngur
Aladeen kúgar
þjóð sína af ástúð
Háðfuglinn Sacha Baron Cohen mætir nú til leiks í fjórðu mynd sinni í fullri lengd. Hann hefur
áður skemmt lýðnum með gamanmyndum um rembuna Ali G, sjónvarpsmanninn Borat frá
Kazakstan og tískufríkið Brüno og stígur nú fram í hlutverki einræðisherrans Aladeen í hinu upp-
diktaða Afríkuríki Wadiya.
s acha Baron Cohen vakti fyrst verulega athygli með sjónvarpsþáttunum sem kenndir eru við Ali G. Þar kom hann
fram í gervi rapparans Ali G og tók viðtöl við
grunlaust fólk sem áttaði sig ekki á að það var
gengið í gildru grínarans undir þeim formerkj-
um að það væri mætt í „alvöru“ viðtöl. Með
óvæntum, dónalega ágengum og furðulegum
spurningum sínum sló hann viðmælendur sína
gersamlega út af laginu og náði um leið oft á
tíðum fram miklu betri og heiðarlegri svör en
sjóaðir fréttamenn.
Þættir Ali G voru kryddaðir með innslög-
um frá Borat og Brüno og varla er á nokkra
persónu Cohen hallað þótt fullyrt sé að Bo-
rat hafi verið dásamlegasta fyrirbærið sem
fékk að njóta sín í þessum drepfyndu þáttum.
Í kjölfar vinsælda Ali G í sjónvarpi sneri Cohen
sér að kvikmyndunum og Ali G reið eðlilega
á vaðið í sinni eigin bíómynd Ali G Indahouse
árið 2002. Þar þvældist Ali í gula jogging gall-
anum sínum inn í samsæri um að steypa for-
sætisráðherra Bretlands af stóli og þrátt fyrir
að myndin væri nokkuð brotakennd sveik hún
aðdáendur hans ekki.
Árið 2006 fékk Borat svo loksins að njóta
sín í Borat: Cultural Learnings of America for
Make Benefit Glorious Nation of Kazakhstan.
Þar var Cohen við sama heygarðshornið og í
sjónvarpsþáttunum; Borat þvældist um Banda-
ríkin og tók mögnuð viðtöl við fólk úr öllum
áttum. Myndin er óumdeilt besta og fyndn-
asta mynd Cohens til þessa en fólk varð margt
hvert beinlínis veikt af hlátri.
Á milli þess sem Baron Cohen hefur gert út
á eigin hugarfóstur á hvíta tjaldinu hefur hann
látið til sín taka með Will Ferrell og John C.
Reilly í Talladega Nights: The Ballad of Ricky
Bobby, leikið fyrir ekki ómerkari leikstjóra en
Tim Burton í Sweeney Todd: The Demon Bar-
ber of Fleet Street og Martin Scorsese í Hugo.
Nú er hann svo enn eina ferðina allt í öllu í
myndinni um einræðisherrann Aladeen þar
sem hann fer mikinn í aðalhlutverkinu, skrif-
ar handritið ásamt öðrum en fær félaga sinn
og leikstjóra Borat og Brüno, Larry Charles,
til þess að leikstýra sér í þriðja sinn. Aladeen
á ekki sömu forsögu og Ali, Borat og Brüno
sem allir voru vel þekktir áður en þeir mættu
á hvíta tjaldið. Aladeen er þó engu síður rugl-
aður en þremenningarnir og heimssýn hans
fremur brengluð.
Hann er einræðisherra í landi sínu, Wadiya,
en hefur setið undir vaxandi gagnrýni frá vest-
rænum leiðtogum sem finnst nóg um kúgunar-
tilburði hans enda hefur hann megna skömm á
lýðræðinu og hafnar alfarið rugli eins og mál-
frelsi, mannréttindum og jafnrétti sem eru til
þess eins fallið að æsa lýðinn og skapa honum
vandræði.
Í kynningarstiklu fyrir The Dictator, sem
sýnd var á The Super Bowl, birtust fréttamynd-
ir þar sem Nicolas Sarkozy, þáverandi Frakk-
landsforseti, Barack Obama, forseti Banda-
ríkjanna, og David Cameron, forsætisráðherra
Bretlands, fordæmdu Muammar Gaddafi árið
2010. Baron Cohen fer því ekki leynt með að
Aladeen á sér fyrirmynd í hinum fallna Lýbíu-
leiðtoga þannig að af nógu er að taka þegar
kemur að því að skrumskæla kúgarann enda
var Gaddafi sérlega litríkur og klikkaður ein-
ræðisherra.
Sacha Baron Cohen nýtur sín vel í hlutverki einræðisherrans Aladeens sem minnir um margt á hinn fallna Lýbíuleiðtoga
Muammar Gaddafi.
Menn verða ekki miklu harðari en Jason Stat-
ham sem sýnir allar sínar bestu hliðar í Safe.
Úr myndinni Reimt á Kili sem verður sýnd á Skjaldborg um hvítasunnuna.
Salmon Fishing in the
Yemen
Sænski leikstjórinn
Lasse Hallström
(Chocolat, The
Cider House Rules,
My Life as a Dog,
What's Eating Gilbert
Grape) er á vægast sagt áhugaverðum og
sérkennilegum slóðum í þessari nýjustu
mynd sinni en hér segir frá stangveiðisér-
fræðingi sem fenginn er til þess að hjálpa
arabískum sheik við að láta þann draum
sinn rætast; að gera fluguveiði að gjald-
gengu sporti í eyðimörkinni. Hann tekur
þetta að sér og berst eins og spriklandi
lax gegn straumnum til þess að gera hið
ómögulega mögulegt.
Ewan McGregor og Emily Blunt eru í aðal-
hlutverkum.
Aðrir miðlar: Imdb: 7.0, Rotten Tom-
atoes: 68%, Metacritic: 58%
Þórarinn Þórarinsson
toti@frettatiminn.is
bíó
Þú getur nálgast Fréttatímann frítt á
þjónustustöðvum N1 um land allt
HELGARBLAÐ