Fréttatíminn - 18.05.2012, Blaðsíða 43
Helgin 18.-20. maí 2012 viðhald húsa 11
Lög um þjónustukaup
– krafa um fagþekk-
ingu og löglega
starfsemi
Lög um þjónustukaup taka til hvers kyns
samninga um kaup á þjónustu sem veitt
er neytendum í atvinnuskyni gegn endur-
gjaldi og þegar veitt þjónusta felur í sér
meðal annars vinnu við fasteignir, vinnu
vegna byggingarframkvæmda eða aðrar
framkvæmdir á landi. Útseld þjónusta,
sem veitt er í atvinnuskyni, skal ávallt
vera byggð á fagþekkingu og í samræmi
við góða viðskiptahætti sem tíðkast
hverju sinni.
Seljandi þjónustu leggur fram
nauðsynleg efni og aðföng nema um
annað sé sérstaklega samið. Um sölu á
efni og aðföngum til neytanda gilda hins
vegar lög um neytendakaup, jafnvel þótt
um uppsetningu búnaðar og sölu á efni
sé einungis gerður einn samningur.
Seljandi þjónustu skal jafnframt gæta
þess að hún sé í samræmi við almennar
reglur, staðla, reglur sem stjórnvöld
setja, stjórnvaldsákvarðanir og lög sem
gilda um veitta þjónustu í þeim tilgangi
að vernda öryggi neytenda.
Mikilvægi þess að skipta
við löglega menn
Ljóst er að lög um þjónustukaup styðja
vel við önnur lög sem miða að því að
vernda hagsmuni og öryggi neytenda. Má
þar nefna mannvirkjalög sem löggilding
iðnmeistara byggir á, lög um rafmagns-
öryggi og iðnaðarlög sem standa eiga
vörð um réttindi iðnmeistara. Þrátt fyrir
góðan vilja löggjafans verður seint komið
í veg fyrir að menn án réttinda læðist inn
á markaðinn og því brýnt að neytendur
séu vel á verði og vandi valið þegar leitað
er eftir þjónustu iðnaðarmanna.
Ásbjörn R. Jóhannesson,
Forstöðumaður rafiðnaðarsviðs Samtaka
iðnaðarins
Gátlistar auðvelda
undirbúning verka
Félagsmenn MSI hafa aðgang að ýmsum
gátlistum, í gegnum gæðakerfi MSI,
til að auðvelda sér undirbúning verka.
Gátlistar þessir snúa bæði að því hvað
verktakinn sjálfur þurfi að hafa í huga
við undirbúning verks og ekki síður hvað
verkkaupi þurfi að líta til við undirbún-
inginn. Þetta á við hvort sem um er að
ræða nýframkvæmd eða viðhaldsverk.
Tökum dæmi um það sem verkkaupi
þarf að skoða: Er verktakinn með
Ábyrgðasjóð að baki sér, er verktakinn
tilbúinn að skrifa undir verksamning
við verkkaupa, eru undirverktakar með
meistararéttindi, gerir verktaki skriflega
verksamninga við sína undirverktaka og
svona væri lengi hægt að telja.
Tökum dæmi um það sem verktaki þarf
að líta til: Fellur stærð/umfang verks
að tímaramma fyrirtækisins, er verkið
byggingarleyfisskylt (ef svo er hefst
visst ferli), eru útboðsgögn nógu skýr
(svo ekki komi til neins ágreinings),
útbúa öryggis og heilbrigðisáætlun,
fara yfir alla vinnuaðstöðu (aðgang að
rafmagni, vatni, frárennsli, geymslu
tækja og síðast en ekki síst girðing um-
hverfis vinnusvæðið). Þetta er langt í frá
tæmandi listi en sett fram sem sýnis-
horn af því sem líta þarf til.
Hlutverk húsfélaga
Hlutverk húsfélaga er að annast varðveislu, viðhald, endurbætur og rekstur sameignarinnar þannig
að hún fái sem best þjónað þörfum eigenda og hagnýting bæði séreigna og sameignar, sé með
þeim hætti að verðgildi eigna haldist.
H úsfélagið getur því aðeins gengt hlutverki sínu að í því ríki það skipulag sem
boðið er í fjöleignarhúsalögum og
að fundir fari fram samkvæmt fyr-
irmælum þeirra. Á því er byggt að
allir eigendur séu með í ráðum og
þeir hafi jafna aðstöðu til að setja
fram sjónarmið sín en meirihlutinn
ráði að meginstefnu til.
Sá sem kaupir eign í fjöleignar-
húsi verður sjálfkrafa félagi í hús-
félagi og enginn getur sagt sig úr
því nema með því að selja eign sína.
Húsfélag þarf ekki að stofna form-
lega því þau eru til í sérhverju fjöl-
eignarhúsi í krafti laganna. Þess
vegna er ekki þörf á eiginlegum
stofnfundi en fyrsti fundur í nýju
fjöleignarhúsi ber keim af stofn-
fundi. Einhverjir verða að taka af
skarið og boða til hans og er víst
að ¼ hluti eigenda getur gert það.
Eigendur bera sameiginlega og
hver fyrir sig ábyrgð á því að hús-
félag starfi lögum samkvæmt. Þess
vegna er talið að færri og jafnvel ein-
stakur eigandi geti gert nauðsyn-
legar ráðstafanir til að blása lífi í
sofandi eða óvirkt húsfélag. Við
fyrsta fund er rétt að fara að fyrir-
mælum fjöleignarhúsalaga laga
um aðalfundi varðandi fundaboð,
stjórnarkjör, stofnun hússjóðs og
fleira. Tryggast er að fá ráðgjöf og
aðstoð í upphafi við boðun fundar,
tillögugerð og fundarhaldið sjálft,
það er fundarstjórn og ritun fund-
argerðar. Húseigendafélagið býður
upp á slíka þjónustu og hefur gert
um árabil.
Heildarhúsfélag og deildir í
stigahúsum
Þegar um er að ræða sambygg-
ingu fleiri stigahúsa telst hún eitt
hús og í henni á að starfa húsfélag,
sem oft er kallað „stóra húsfélagið“
eða „heildarhúsfélagið“. Þegar hús
skiptist í fleiri stigahús ráða við-
komandi eigendur einir innri mál-
efnum innan vébanda húsfélags-
deildar, sem getur verið sjálfstæð
að meira eða minna leyti eða starf-
að innan heildarhúsfélagsins. Hús-
félagsdeildir starfa samkvæmt fjöl-
eignarhúsalögum með sama hætti
og önnur húsfélög. Það er hins
vegar ekki lögum samkvæmt að
ráða málum til lykta innan hverrar
deildar og svo á fundum formanna
deilda. Húsfélag þyrfti að setja sér
sérstakar samþykktir til slíkra af-
brigða. Fjöleignahúsalögin byggja
á því að sameiginlegar ákvarðanir,
til dæmis um viðhald á ytra byrði
sambyggingarinnar eða um fram-
kvæmdir á sameiginlegri lóð, séu
teknar á sameiginlegum húsfundi
allra eigenda þannig að þeir eigi
hlut að ákvörðun með beinum og
milliliðalausum hætti.
Húsfundir
Æðsta valdið í málefnum hús-
félags er í höndum húsfunda sem
eru tvenns konar: Aðalfundir og al-
mennir fundir. Það er grundvallar-
regla að ákvarðanir um sameigin-
leg málefni skuli taka á húsfundi.
Að ganga milli eigenda með und-
irskriftarlista fer í bága við þessa
grundvallarreglu. Enn síður duga
munnleg samráð og ráðagerðir utan
formlegra funda. Fundi verður að
boða skriflega með lögákveðnum
fyrirvara og fundarefni verður að
tilgreina skýrt og skorinort. Sé þess
ekki gætt getur fundur verið ólög-
mætur og ákvarðanir hans óskuld-
bindandi. Meginreglan er sú, að
einfaldur meirihluti á fundi ráði.
En aukins meirihluta, það er 2/3,
bæði miðað við fjölda og eignarhluta
er krafist þegar um óvenjulegar og
meiriháttar endurbætur er að ræða.
Þegar um er að tefla framkvæmdir,
búnað og tilfæringar, sem fela í sér
grundvallarbreytingar á sameign
eða eru óvenjulegar, óhóflegar og
dýrar er áskilið samþykki allra.
Húseigendafélagið
Sigurður Helgi Guðjónsson hrl