Fréttatíminn - 18.05.2012, Blaðsíða 56

40 veiði Helgin 18.-20. maí 2012
 Veiði LífsstíLL
Fréttatíminn fékk að gægjast
í vopnabúr Róberts og þar
er ýmislegt forvitnilegt að
finna. Að auki var Róbert
spurður um eitt og annað
sem lýtur að veiðinni og
um það sem uppúr stendur
þegar litið er til hans langa
og magnaða veiðiferils.
Eftirminnilegasta veiðin?
„Allar veiðiferðir hafa sinn
sjarma og ég get einfaldlega
ekki gert upp á milli þeirra.
Fyrir utan rjúpnaveiðina, þá
eru villisvínaveiðar ofarlega
á listanum hjá mér. Mjög
spennandi og krefjandi
veiðiskapur. Felldi einn 100
kg gölt í Póllandi sem var
eftirminnileg ferð.“
Uppáhalds veiðistöngin?
„Flugustöng frá Grey Line
nr 6-7# og síðan Daiwa sjós-
töngin mín 30-50lbs.“
Hvaða veiði er að þínu mati
skemmtilegust?
„Rjúpnaveiðin og veiðar af
sjókajak.“
Hvernig haglabyssu áttu?
„Ég á nokkrar hálfsjálfvirkar,
Remington 11-87, Browning
A5 og síðan uppáhalds
byssan mín er Benelli
Rafaello 123. „
Hvernig riffil áttu?
„Ég á nokkra riffla, meðal
annars Sauer 202 Take Down
Elegance í 300 Win Mag,
Remington Range Master
markriffil, Browning 22 hálf-
sjálfvirkan, BRNO Model 2 í
22cal.“
Notarðu hund við veiðar?
„Nei ég nota ekki hund við
veiðar almennt. Hef ekki
þurft á hundi að halda nema
á rjúpnaveiðum í kjarri.“
Eftirlætis veiðifélaginn?
„Þeir eru svo margir en
í dag veiði ég mest með
Unnsteini Guðmundssyni.
Við erum svipað ruglaðir í
þessum bransa og þekkjum
vel hvorn annann. Síðan veiði
ég oft með Skagfirðingunum
Magga Hinriks og Steinari
Péturs. Einnig Sigga T og Dúa
Landmark, Viðari Ástvald og
fleiri. Ekki má gleyma sonum
mínum Arnóri og Róbert jr.
Þeir verða mínir uppáhalds-
veiðifélagar í framtíðinni.
Fékkstu hreindýr í ár?
„Ég er löngu hættur að sækja
um hreindýraveiðileyfi.
Finnst þetta bæði vera alltof
dýrt og leiðinda Austfjarða-
pólitík í þessum hreindýra-
málum. Það á að dreifa
hreindýrum víðar um landið.“
Besta (uppáhalds) laxveiði-
áin?
„Eigum við ekki að segja
Langá í Súgandafirði og Mið-
fjarðará.“
Draumaveiðiferðin?
„Hún er eftir. Dreymir um
að fara til Alaska í mánaða
veiðitúr.“
Hvað áttu eftir að prófa í
þessum efnum?
„Ég væri alveg til í að fara
á hvalveiðar og fylgjast
með þeim veiðiskap. Einnig
langar mig á snjógæsaveiðar
í Kanada.“
Hvaða veiðbráð er best? Hvað
er skemmtilegast að elda?
„Þessi er erfið. Heitreyktir
fuglar eru í uppáhaldi.“
 Spurningar & SVör
Vill til alaska
É g er yfirleitt mættur vestur í Súganda­fjörð 1. apríl til að undirbúa bátaflotann okkar fyrir sjósetningu en fyrirtækið
(Big Fish) er með 22 sjóstangabáta sem
skiptast jafn niður á Flateyri og Suðureyri.
Svartfuglinn er veiddur að venju í apríl og maí
en nú var veiðitímabilið stytt, þannig að ég
náði lítið af fugli þetta vorið. Annars veiddi ég
dálítið af skarfi í vetur, sel og ref. Nú er sjó­
stangavertíðin hafin og hún á allan minn hug
á þessum árstíma,“ segir Róbert. Hann var
spurður hvað það væri sem einkenndi þennan
tíma ársins í veiðinni.
Stórlúða draumur allra veiðimanna
Róbert veiðir allan ársins hring og er engin
dýrategund sem leyfilegt er að veiða óhult
fyrir honum. Ekki verður komið tölu á bráðina
sem hann hefur fellt í gegnum tíðina og engin
tegund veiðimennsku sem
hann hefur ekki lagt stund
á. Og í sjóstönginni er spurt
um kíló en ekki pund.
„Jú, nú er það bara sjó­
stöngin og vertíðin hófst
í apríl og fyrstu vikurnar
var fín veiði en síðan hefur
tíðarfarið sett smá strik í
reikninginn og snjóstorm­
urinn. Hóparnir hafa verið frá Þýskalandi,
Rússlandi, Ungverjalandi og Hollandi það
sem af er. Þyngsti þorskurinn í maí vó tæp 24
kg og margir um og yfir 20 kg. Steinbíturinn
hefur verið með minna móti í aflasamsetn­
ingunni en ég á von á því að skötuselurinn
komi fljótlega en það er mikið af honum hér á
landgrunninu sem og í fjörðunum sjálfum. Nú
má ekki lengur veiða stórlúðu á sjóstöng eða
í önnur veiðarfæri við landið og það verður að
segjast eins og er, að þetta getur haft alvar­
legar afleiðingar fyrir þennan litla ferða­
þjónustugeira. Sem dæmi, þá veiddist engin
stórlúða á síðasta ári hjá okkar fyrirtæki og
aðeins sex lúður 2010. Ég hefði haldið að lúðu­
stofninn myndi lifa þetta af miðað við þetta
litla magn sem veiðist á sjóstöng. Það má hins
vegar landa lúðu um borð í bát ef hún er talin
ólífvænleg, það er að segja talið að hún myndi
ekki lifa af bardagann,“ segir Róbert og hefur
greinilega áhyggjur af lúðveiðinni sem hefur
borið hróður landsins um heim allan meðal
áhugamanna um stjóstangveiði og er eftirsótt
meðal veiðiáhugamanna víða um heim. Þá
gerast ævintýrin.
„Fyrsta árið mitt í sjóstangargeiranum vorið
2008 fórum við gædarnir, Julius Drewes og ég,
í stuttan sjótúr grunnt út af Deildinni og þar
náðum við að landa 178 sentímetra langri stór­
lúðu sem vó 77 kíló. Það er stærsti fiskur sem
ég hef togað inn fyrir á sjóstangabát en auð­
vitað vonast maður eftir því að fá stærri lúðu í
framtíðinni. Það er draumur allra veiðimanna.
Ég hef veitt marga 20­23 kílóa golþorska og
náði einum 10 kílóa ufsa á sjóstöng í fyrra­
sumar. Sjóstangaveiðimenn vita aldrei hvort
eða hvenær stórlúða bítur á og það er ekkert
grín að eiga við þessi flykki. Bardaginn getur
stundum tekið margar klukkustundir og þær
lúður eru alveg búnar eftir slíka viðureign
og þeim skal landa frekar en að henda í hafið
hálfdauðum. Þetta lúðubann á eingöngu að
ná til beinnar sóknar í lúðu en ekki sem með­
afla og hvað þá á sjóstöng. En við fylgjum að
sjálfsögðu þessum tilmælum og reynum að
bregðast við eftir aðstæðum.“
Alhliða fluguveiðiá fyrir vestan
En frá sjóstönginni og stórlúðusögum. Það
sem einkennir vorveiðina öðru fremur meðal
flestra veiðimanna er silungsveiðin. Og vita­
skuld er það svið veiðimennskunnar sem
Róbert stundar, sem önnur. Og að sjálfsögðu
nefnir hann til sögunnar Vestfjarðakjálkann
í því samhengi en þar segja menn stoltir að
sé paradís sportveiðimannsins. Ábyggilega
nokkuð til í því. Ekki er úr vegi að fá Róbert
til að segja frá því hvað gefur best, hvernig
græjur notar meistarinn og
hvaða flugur?
„Það vill svo til að hér í
Súgandafirði er lítil falleg á
sem heitir Langá og rennur
úr Vatnadal og niður Staðar­
dalinn. Þar er hægt að veiða
sjóbirting, urriða, bleikju og
lax. Áin er að skila um 50­60
fiskum árlega og þar veiði
ég nokkra daga á sumrin og nýt þess að arka
með ánni og kasta ýmsum flugum á fallegum
sumardegi. Bleikjuflugurnar eru „Galdra­
löppin“ eftir Jón Aðalstein og „Senegal“ eftir
Dúa Landmark. Síðan er „Bleik og blá“ eftir
Björgvin Guðmunds alveg mögnuð. Urriðinn
og sjóbirtingurinn eru að taka Black Ghost og
álíka straumflugur ásamt Nobblerum. Laxinn
hér stekkur á stórar túbur í djúpu hyljunum,
til dæmis þýska snældan og rauður Frances.
Ég á nokkrar Loop flugustangir m.a. Grey
Line nr 4 og 6, Blue Line nr 5 og Yellow Line
nr 3. Allt frábærar stangir og Grey Line er í
uppáhaldi. Er með Loop hjól á öllum stöngun­
um og skotlínur. Loop er alveg að gera sig.“
Þar höfum við það, ágætu veiðimenn.
Fréttatíminn mælir eindregið með því að þeir
veiðiáhugamenn sem eru á Facebook slái
inn „prohunt“ ­ þá átti að koma upp síða sem
Róbert er með og þar getur að líta magnaðar
veiðimyndir.
Jakob Bjarnar grétarson
ritstjorn@frettatiminn.is
Fyrsta
árið mitt í
sjó stang ar­
geiranum
vorið 2008
fórum við
gædarn­
ir, Julius
Drewes og
ég, í stuttan
sjótúr
grunnt út af
Deildinni og
þar náðum
við að landa
178 sentí­
metra langri
stórlúðu
sem vó 77
kíló. Það
er stærsti
fiskur sem
ég hef togað
inn fyrir á
sjóstangabát
...
Veiðimennska allt árið
„Líf mitt hefur alltaf snúist um veiði. Ég get bara ekkert gert að því,“ segir Róbert Schmidt veiðimaður,
hógværðin uppmáluð. Líklega eru fáir veiðiáhugamenn sem ekki hafa heyrt þetta nafn nefnt, og þá
með lotningu í röddinni – á engan er hallað þó sagt sé að fáir á Íslandi finnist sem eru eins miklir
veiðimenn og Róbert. Þeir sem hafa séð myndir af honum á skarfaveiðum að vetri til, á kajak og
tjaldar hann þá á frostsprengdu skeri yfir blánóttina, gapa. Fréttatíminn fékk Róbert til að fara yfir
nokkur atriði með áherslu á vorveiðina.
Veiði(fæðu)hringurinn
Veiðihringur-
inn, eða fæðu-
hringurinn þess
vegna, því Róbert
er meistarakokkur
og eldar það sem
hann veiðir, lítur
einhvern veginn
svona út. Frétta-
tíminn bað Róbert
að nefna það sem
efst er á baugi hjá
honum miðað við
árstíðir; Haust,
vetur, vor og sumar.
Líklega er fljótlegra
að telja það sem
Róbert fæst ekki
við þegar veiði-
mennskan
er annars vegar,
líkast til dekkar
dagskrá Róberts
flest það sem hinn
íslenski veiðimaður
fæst við og gott
betur. Fæstir í þessu
öllu líkt og Róbert.
Helst er að ekki eru
hreindýraveiðar
inni í myndinni hjá
honum lengur.
Eða með orðum
Ró-
berts
sjálfs: „Á haustin
byrja ég alltaf í opn-
uninni á gæsinni 20.
ágúst. Síðan slæðist
öndin með til
áramóta. Ég reyni
alltaf að komast á
rjúpnaveiðar sem
eru skemmtilegustu
veiðarnar að mínu
mati. Í janúar til
mars stunda ég
skarfaveiði af sjóka-
jaknum og
veiði hávellur
og fiskiendur. Er
farinn að veiða ref á
veturnar líka. Síðan
tekur svartfuglinn
við á vorin. Eftir það
er sjóstöngin í 5-6
mánuði frá apríl út
september:) ásamt
silungs- og laxveiði
í júlí og ágúst. Það
má segja að maður
sé á veiðum allt árið
um kring. Líf mitt
hefur alltaf snúist
um veiði. Ég get
bara ekkert gert
að því.“
VOR
HAUST
V
ET
U
R
SU
M
A
R
Gæs, önd
Sjóstöng, lax,
silungur
Rjúpa,
skarfur, hávell-
ur, fiskiendur,
refur, selur
Svartfugl,
silungur, sjóstöng
Róbert Schmith