Fréttatíminn - 28.09.2012, Blaðsíða 14

Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Mikael Torfason
mikaeltorfason@frettatiminn.is. Framkvæmda- og auglýsingastjóri: Valdimar Birgisson valdimar@frettatiminn.is. Útgáfustjóri: Teitur Jónasson teitur@frettatiminn.is .
Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
S Senn líður að prófkjörum flokka og fram-boðslista vegna þingkosninganna sem fram fara ekki síðar en í apríl næstkom-andi. Prófkjör eru um margt ágæt leið til þess að velja á lista, þótt ekki séu þau
gallalaus. Kostnaður fylgir prófkjörum
vegna kynningar á frambjóðandanum,
ferða-, síma-, tölvu- prent- og húsnæðis-
kostnaður auk hugsanlegra launa-
greiðslna til þeirra sem að
koma. Misjafnt er hve menn
leggja mikið undir í próf-
kjörsbaráttu en dæmi eru
um verulegan kostnað, sem
ýmist er kostaður af fram-
bjóðandanum sjálfum eða
styrkjum annarra.
Í lögum um fjármál og
upplýsingaskyldu stjórnmála-
samtaka kemur fram að fari
kostnaður frambjóðanda
yfir tiltekna upphæð hvíli sú
skylda á honum að skila uppgjöri til Ríkis-
endurskoðunar eigi síðar en þremur mán-
uðum eftir að kosning fór fram. Sé hins
vegar um að ræða kostnað undir ákveðnu
lágmarki dugar það frambjóðandanum að
skila skriflegri yfirlýsingu til Ríkisendur-
skoðunar en eyðublað þar um er að finna á
vef stofnunarinnar.
Þetta er ekki flókið og ætla verður að
þeir sem leggja fyrir sig stjórnmál og
leita eftir stuðningi og trausti almenn-
ings fari fyrir þegar kemur að því að fylgja
lögum. Það er hins vegar alls ekki svo
þegar litið er til talsverðs hluta þeirra sem
þátt tóku í prófkjöri fyrir síðustu sveitar-
stjórnarkosningar, fyrir nær hálfu þriðja
ári. Fréttastofa Ríkisútvarpsins greindi
frá því fyrir stuttu að um helmingur
frambjóðenda Sjálfstæðisflokksins hefði
vanrækt að skila uppgjöri vegna prófkjörs
í samræmi við lög. Hið sama ætti við um
þriðjung frambjóðenda Samfylkingarinnar
og einhverjir trassar væru til viðbótar hjá
smærri eða staðbundnum listum. Hins
vegar hefðu allir frambjóðendur Fram-
sóknarflokksins og Vinstri grænna skilað
uppgjörum.
Þessi staða er ólíðandi og undir það
taka þeir sem stýra málum hjá Sjálfstæðis-
flokknum og Samfylkingunni. Fram-
kvæmdastjóri Sjálfstæðisflokksins segir
alla frambjóðendur upplýsta um skyldur
sínar og formaður flokksins segir stefnuna
einfalda, menn eigi að fara að lögum. Sama
gildir um framkvæmdastjóra Samfylking-
arinnar. Hann segir að þar á bæ hafi fram-
bjóðendur flokksins ítrekað verið hvattir til
þess að standa skil á prófkjörsuppgjörum.
Markmið laganna er, samkvæmt fyrstu
grein, að auka traust á stjórnmálastarf-
semi og efla lýðræðið. Trassaskapur þeirra
frambjóðenda sem ekki hafa skilað upp-
gjöri vegna prófkjörs dregur því úr trausti
á stjórnmálastarfseminni. Á vantraust al-
mennings í garð stjórnmálamanna er ekki
bætandi.
Við brotum á þessum lögum geta legið
fésektir eða fangelsi en enginn hefur verið
sektaður eða ákærður vegna brota á þeim.
Fréttir um áralangan trassaskapinn urðu
til þess að ríkissaksóknari boðaði ríkisend-
urskoðanda og ríkislögreglustjóra á sinn
fund til að fara yfir framkvæmd laga um
fjármál stjórnmálaflokka. Björg Thoraren-
sen, lagaprófessor við Háskóla Íslands,
segir, að því er fram kemur í frétt frétta-
stofu Ríkisútvarpsins, þá almennu reglu
vera að lögreglan skuli, hvenær sem þess
sé þörf, hefja rannsókn út af vitneskju eða
grun um að refsivert brot hafi verið framið,
hvort sem henni hafi borist kæra eða ekki.
Lögreglan getur því hafið sjálfstæða rann-
sókn á frambjóðendum sem ekki hafa
skilað prófkjörsuppgjöri. Til þess á þó ekki
að þurfa að koma, hysji þeir sem trassað
hafa skilin upp um sig buxurnar.
Ganga verður út frá því að þeir sem gefa
kost á sér í væntanlegum prófkjörum til
setu á lista fyrir kosningar til löggjafar-
samkundunnar standi sig betur en fyrr-
greindur trassahópur sveitarstjórnar-
manna.
Prófkjörsuppgjör
Trassar í stjórnmálastétt
Jónas Haraldsson
jonas@frettatiminn.is
Öll trixin í bókinni
Svona hagar maður sér ekki. Kannski
hef ég meiri reynslu af fjölmiðlum en
þessir strákar.
Athafnakonan Jónína
Benediktsdóttir ætlar sér
frama innan Framsóknar-
flokksins en skilur ekkert
í formanninum, Sigmundi
Davíð Gunnlaugssyni, og
þingmanninum Höskuldi
Þórhallssyni, að vera að þrasa um fram-
boðsmál í fjölmiðlum. Reynslan ætti að
hafa kennt Jónínu fyrir margt löngu að
fjölmiðlar eru sjaldan heppilegasti vett-
vangurinn fyrir persónulegar væringar.
Ekki jafn hissa og Höskuldur
Menn eru bara hissa.
Guðmundur Baldvin Guðmundsson,
bæjarfulltrúi Framsóknar á Akureyri,
hefur lýst yfir stuðningi við sveitunga
sinn Höskuld Þórhallsson og skilur lítið í
formanni flokksins að ætla að flytja sig
á milli kjördæma frá Reykjavík norður
á land.
Eineltispúkinn Vilhjálmur
Ein skýringin gæti verið sú
að þeir vilji kynda bálið og
láta helvítis útrásarvík-
inginn hafa það.
Björgólfur Thor
Bjórgólfsson er hundfúll
út í Vilhjálm Bjarnason,
lektor í viðskiptafræði, sem
stefnir á að höfða skaðabótamál gegn
Björgólfi og öðrum fyrrverandi eigendum
Landsbankans.
Nælonið gefur ekkert
eftir
Þær færast alltaf nær og
nær heimsfrægð.
Nýtt lag
stelpnasveitarinnar The
Charlies vakti mikla athygli
í vikunni og sitt sýndist
hverjum. Einar Bárðarson
setti sveitina á sínum tíma saman
undir nafninu Nylon og hann sér enn
möguleika fyrir þessa gömlu hugmynd
sína.
Orðhvatur lagatæknir
Hann talar út um skeggið og verður
örugglega ekki þessi dæmigerði orð-
vari stjórnmálamaður sem við
eigum nóg af.
Lögmaðurinn Brynjar
Níelsson er þekktur fyrir
að rífa kjaft og grípa
til varna í hinum ýmsu
deilumálum. Hann
stefnir á þingsæti fyrir
Sjálfstæðisflokkinn. Kollegi
hans, Sveinn Andri Sveinsson, fagnar
ákvörðun lögmannsins harða.
Allt er breytingum háð
Nú vil ég taka skýrt fram að sam-
skipti okkar Sigmundar Davíðs hafa
verið góð í gegnum tíðina.
Höskuldur Þórhallsson
og Sigmundur Davíð
Guðlaugsson skiptast
nú á SMS-um og
skeytum í fjölmiðlum.
Það er af sem áður
var.
 Vikan Sem Var
„Ég fer mjög sátt og lít stolt um öxl,“ segir fram-
sóknarþingkonan og fyrrverandi ráðherrann, Siv
Friðleifsdóttir, sem er maður vikunnar að þessu
sinni, en hún hefur ákveðið að gefa ekki kost á sér
til frekari þingsetu og hverfur af velli eftir átján ár
á þingi þegar kjörtímabilinu lýkur.
Það er búið að vera mjög gaman að taka þátt í
stjórnmálunum allan þennan tíma en ég neita því
ekkert að síðasta kjörtímabil hefur verið sérstakt,“
segir Siv sem telur tímabært að hverfa til
annarra verkefna. „En ég kveð mjög sátt
og er algerlega sannfærð um að ákvörðun
mín er tekin á hárréttum tíma. Ég er búin
að vera lengi í þessu og mun að sjálfsögðu
sakna góðra félaga í þinginu en ég lít afar
björtum augum á framtíðina.“
MaðuR vikunnaR
Lítur stolt um öxl
14 viðhorf Helgin 28.-30. september 2012