Fréttatíminn - 28.09.2012, Blaðsíða 16

Missti trúnað Alþingis
Sveinn Arason ríkisendurskoðandi viðurkennir
að hafa misst trúnað Alþingis. Kastljós greindi
frá skýrslu sem Ríkisendurskoðun hefur unnið
að síðan 2004 en enn ekki
skilað. Í drögum frá
2009 kemur fram að
kostnaður við kaup á nýju
bókhaldskerfi ríkisins er
orðinn fjórir milljarðar
en þegar kerfið var keypt,
árið 2001, var 160
milljóna króna
heimild fyrir
því á fjár-
lögum.
Er hægt að halda áfengislaust fertugsafmæli?
Samfagnaður, skemmtun og gleðskapur
É g hætti að drekka fyrir nokkru, sem er reyndar ekki í frásögur færandi, nema vegna þess að í
dag er ég fertug og held veislu í kvöld af
því tilefni. Þegar ég hóf að skipuleggja
veisluna komst ég að því að mig langaði
að bjóða gestum mínum upp á áfengis-
laust partí.
Ástæðan var ekki sú að ég óttist freist-
ingu áfengisins – það er löngu
liðin tíð að mig langi að fá mér í
glas. Mig langaði einfaldlega að
setja fordæmi.
Ég bauð börn velkomin með
foreldrum sínum í partíið því
það er fátt yndislegra en að sjá
börn og fullorðna skemmta
sér saman. Fæstir vina minna
neyta áfengis og er því stór
hluti þeirra barna sem verða í
veislunni vanur að skemmta sér
með foreldrum sínum og vinum
þeirra án þess að áfengi sé haft
um hönd.
Heimili mitt er áfengislaust
þó svo að mikið sé um matar-
boð og hvers kyns skemmtilegar upp-
ákomur. Á því búa börn og unglingar á
öllum aldri og ræðum við foreldrarnir
við þau um áfengi og val okkar að neyta
þess ekki. Náin vinkona og tíður gestur
á heimilinu þurfti á síðasta ári að leggj-
ast inn á Vog. Hún valdi að segja börnum
sínum frá því að hún þyrfti að fara á
sjúkrahús til þess að læra að hætta að
drekka vín svo að við sögðum börnum
okkar hið sama.
Undanfarnar vikur hefur iðnaðar-
maður verið að vinna við framkvæmdir
á heimilinu. Sá er náinn fjölskylduvinur
en einnig langt leiddur alkóhólisti. Í eitt
skipti urðu börnin vitni að því að hann
mætti drukkinn til vinnu. Þau spurðu
af hverju hann væri svona skrýtinn og
ég sagði þeim að hann hefði verið að
drekka vín því hann væri veikur og gæti
ekki hætt.
Ég man hvað ég var hrædd við
drukkið fólk þegar ég var lítil. Það henti
mig, sem betur fer, ekki oft að þurfa að
upplifa það.
Ég veit vel að langstærsti hluti þeirra
sem boðið er í partíið á ekki í vandræð-
um með áfengisneyslu sína. Fjölmargir
neyta þess aldrei og enn fleiri gera það
í hófi. Hófdrykkjufólkið myndi að öllum
líkindum ekki kippa sér upp við það að
mæta í áfengislaust fertugsafmæli. Það
myndi meira að segja jafnvel skemmta
sér alveg jafn vel.
En svo eru hinir, sem kunna einfald-
lega ekki að skemmta sér án áfengis,
hafa jafnvel aldrei prófað það, því í þeirra
huga er það óhugsandi. Orðið „skemmt-
un“ þýðir „áfengi“.
Auðvitað er það ekki mitt hlutverk
að reyna að kenna þeim eitthvað annað,
enda alls ekki ætlunin. Mig langar hins
vegar að kenna börnunum mínum það.
Ég vil að þeirra reynsla móti þau með
þeim hætti að orðið skemmtun standi
fyrir jákvæð hugtök á borð við „sam-
veru“ og „gleðskap“.
En hvað á ég þá að gera við þá sem
ekki kunna að upplifa gleðskap án
áfengis? Á ég að eyðileggja fyrir þeim
kvöldið með því að bjóða þeim engifer-
drykk? Ég er alls ekki viss.
Ég hef viðrað hugmyndina um áfeng-
islaust fertugsafmæli við þó nokkra.
Flestum finnst hún vel til fundin og
sýna henni stuðning. Öðrum finnst hún
óskiljanleg. „Ætlar hún að banna okkur
að drekka af því að hún drekkur ekki
sjálf?“ ímynda ég mér að þau hugsi. Ég
hef meira að segja orðið vitni að raun-
verulegum vonbrigðum og undrun.
Þegar ég bauð í afmælið notaði ég
orðið „samfagna“. Ég bauð fólki að koma
og fagna því með mér að ég hefði náð
því að fylla fjóra tugi. En hvað ef ekki
allir geta fagnað án áfengis? Hvort á ég
að fylgja eigin sannfæringu um það að
setja fordæmi og sýna börnum mínum
hvernig fullorðið fólk skemmtir sér á
heilbrigðan hátt eða búa svo um hnútana
að allir í veislunni geti samfagnað? Ég er
alls ekki viss.
Ég held að niðurstaðan verði sú að ég
bjóði upp á vín. Ég er svo hrædd um að
annars muni ekki allir skemmta sér vel
og hver vill halda leiðinlegt afmæli? Ég
vil ekki valda fólki vonbrigðum sem er
kannski búið að hlakka til alla vikuna
að fara að „skemmta“ sér. Fyrir ekki svo
ýkja löngu var ég ein af þeim.
En ég veit hvað þetta heitir.
Meðvirkni.
Sigríður
Dögg
Auðunsdóttir
sigridur@
frettatiminn.is
sjónarhóll
Sennilega besti leikari Íslands
Ben Stiller, leikstjóri kvikmyndarinnar The Secert
Life of Walter Mitty, sem tekin er hér á landi, segir
á twitter-síðu sinni að
Ólafur Darri Ólafs-
son, sem leikur
í myndinni, sé
sennilega besti
leikari Íslands.
Stiller birtir
samhliða mynd
af Ólafi Darra í
hlutverki sínu
þar sem hann
virðist ansi
ógnvekjandi.
Góð vikA
fyrir
Ólaf Darra Ólafsson leikara
Slæm vikA
fyrir
Svein Arason ríkisendurskoðanda
Á ég að eyðileggja fyrir þeim
kvöldið með því að bjóða
þeim engiferdrykk?
islandsbanki.is | Sími 440 4000
Við bjóðum
góða þjónustu
Ný ávöxtunarleið með stighækkandi vöxtum
Sparnaður: Vaxtaþrep 30 dagar
Vaxtaþrep 30 dagar er nýr bundinn óverðtryggður innlánsreikningur og hækka
vextirnir í þrepum eftir fjárhæð innistæðunnar.
Þú getur stofnað Vaxtaþrep 30 dagar í Netbankanum eða í næsta útibúi Íslandsbanka.
Nánari upplýsingar á islandsbanki.is
Ársvextir skv. vaxtatöflu 22.09.12: Vextir eru stighækkandi eftir innstæðu.
Stofnaðu Vaxtaþrep 30 dagar
fyrir 1. október bjóðast þér x.x%
ofan á vaxtakjör reikningsins.
Fáðu allt að
4,7% vexti
Ný
sparnaðarleið
Úttektir af reikningnum þarf að til-
kynna með 30 daga fyrirvara en á móti
eru vextirnir hærri en á almennum
óbundnum innlánsreikningum og eru
þeir greiddir út mánaðarlega inn á
ráðstöfunarreikning að eigin vali.
Vaxtaþrep 30 dagar hentar því þeim
sem vilja örugga og háa ávöxtun en
jafnframt að innistæðan sé laus með
skömmum fyrirvara.
0–5 m.kr. 5–20 m.kr. 20–75 m.kr. +75 m.kr.
3,8%
4,1%
4,4%
4,7%
5,0%
4,5%
4,0%
3,5%
3,0%
16 fréttir Helgin 28.-30. september 2012 vikunnar