Bændablaðið - 08.05.2013, Qupperneq 16
16 Bændablaðið | Miðvikudagur 8. maí 2013
Ný stjórn Búnaðarsambands
Suðurlands kom saman á
Höfðabrekku í Mýrdal strax
eftir aðalfund sambandsins 17.
apríl og skipti með sér verkum.
Er Guðbjörg Jónsdóttir á Læk í
Flóahreppi áfram formaður.
Ragnar Lárusson er varaformaður,
Jón Jónsson ritari og þeir Erlendur
Ingvarsson og Gunnar Kr. Eiríksson
eru meðstjórnendur. Niðurstaða
ársins 2012 hjá sambandinu var tap
upp á 515 þúsund. Heildareignir
samkvæmt efnahagsreikningi eru
248,1 milljón og eigið fé 218,5
milljónir. /MHH
Minkafitan talin vera
heilnæm fyrir húðina
– skeifusmiður þakkar henni það að þurfa ekki að hætta starfseminni
Í síðasta Bændablaði greindum
við frá áhugaverðri aukabúgrein
minkabúsins á Syðra-Skörðugili
í Skagafirði. Þar stefna bændur
að þróun á vörum úr minkafitu,
en mörg tonn af henni falla til og
yrðu annars urðuð.
Áralöng handavinna við verkun
skinnanna sannfærði bændurna
um að fitan hefði græðandi áhrif
á húðina. Samstarf er nú í gangi
við Matís og fleiri aðila m.a. um
þróun á vinnsluaðferðum á fitunni,
en um nokkurt skeið hefur þó verið
hægt að kaupa smyrslið Sárabót
sem unnið er úr fitunni.
Í Stykkishólmi starfar skeifu-
smiðurinn Agnar Jónasson og rekur
þar einu skeifusmiðju landsins
með konu sinni Svölu Jónsdóttur.
Reynsla hans af Sárabótinni má
segja að sé nokkuð áhugaverð.
„Síðasta sumar var ég orðinn mjög
slæmur í höndunum og átti erfitt
með að stunda mína vinnu; enda
höfðu myndast sprungur og sár
á fingrunum. Í skeifusmíðinni er
nefnilega heilmikil handavinna,“
segir Agnar.
Sinkofnæmi
„Þegar haustaði fór ég til læknis
hér í Stykkishólmi og fékk nokkrar
tegundir smyrsla en allt kom fyrir
ekki. Þá var ég sendur til sérfræðings
sem komst að því að ég hefði ofnæmi
fyrir einu og öðru sem ylli þessu – en
aðallega sinki, og af því er talsvert
í skeifunum. Aftur var mér vísað á
smyrsl og settur á lyf en það hafði
ekki sérstök áhrif. Sérfræðingurinn
hafði þá sagt að það væri ekkert
annað í stöðunni en að hætta ef þetta
virkaði ekki. Á þessum tímapunkti
var því komið að ákvörðun um að
hætta að vinna í skeifunum.“
Hrúður yfir öll sár
eftir rúman sólarhring
„Svo var það eitthvert sinnið að ég
var að væla í viðskiptavinunum um
örlög mín að Eggert nokkur Pálsson
á Bjargshóli hafði haft spurnir af
Sárabótinni. Hann sagði mér endi-
lega að prófa þetta og ég kunni í raun
ekki við annað en að gera það – þótt
mér þætti þetta fáránlegt. Ég pantaði
því eina dollu og fékk hana í hendur
einn morguninn. Ég man að dollan
var hvít og þegar ég hafði opnað hana
var hún öll blóðug af fingrunum. Ég
bar á mig þennan dag og kvöldið
eftir var komið hrúður yfir öll sár –
þetta var ótrúlegt. Ég hafði ekki verið
svona góður í hálft ár.
Nú er staðan sú að ég þarf ekki
að hætta skeifusmíðinni þó að
sárin komi alltaf aftur þegar ég er
að vinna í skeifunum. Nú næ ég að
halda vandamálinu í skefjum með
smyrslinu góða.“
/smh
Hjónin Agnar Jónsson og Svala Jónsdóttir.
halda áfram vinnu sinni við skeifusmíðina. Myndir / Gunnlaugur Árnason
Síðasti kaflinn í rafrænu
Kjötbókinni var gefinn út á
dögunum, en hann fjallar um
fuglakjöt. Á aðalfundi Félags
kjúklingabænda kynnti Óli Þór
Hilmarsson, kjötiðnaðarmeistari
og sérfræðingur hjá Matís,
efni bókarinnar. Áður var búið
að opna kafla um lambakjöt,
nautakjöt, grísakjöt og hrossakjöt.
Að sögn Óla Þórs er Kjötbókin
öllum aðgengileg á vefnum án
endurgjalds á vefslóðinni www.
kjotbokin.is
Í Kjötbókinni geta lesendur
skoðað margs konar upplýsingar um
kjöt. Bókin er ríkulega myndskreytt
og hægt er að skoða mismunandi
bita og fjölbreytta skurði. Þá eru
ítarlegar næringarupplýsingar,
fróðleikur um kjöt, tenglar á tengt
efni og uppskriftir.
Matís stendur að útgáfu
Kjötbókarinnar en verkefnið
var styrkt af búgreinafélögum,
Landbúnaðarháskóla Íslands og
Framleiðnisjóði landbúnaðarins.
Ritstjórar og höfundar eru þau Guðjón
Þorkelsson, Óli Þór Hilmarsson og
Gunnþórun Einarsdóttir.
Upplýsingar um kjöt aðgengilegar almenningi á vefnum:
Fuglakjötið er komið
í Kjötbókina
Mynd / TB
Búnaðarsamband Suðurlands :
Stjórnin öll
endurkjörin
Konubókastofa opnuð
á Eyrarbakka
Rannveig Anna Jónsdóttir, alltaf
kölluð Anna í Túni á Eyrarbakka,
opnaði Konubókastofu á Eyrar-
bakka á glæsilegri opnunarhátíð
í Rauða húsinu á sumardaginn
fyrsta.
Einstakt á Íslandi
„Markmiðið með safninu er að halda
til haga þeim verkum sem íslenskar
konur hafa skrifað í gegnum tíðina.
Um leið og verkin fá utan um sig
þetta safn er sjónarhorninu beint að
þeim og mikilvægi þeirra í íslenskri
bókmenntasögu. Menningararfleið
kvenskálda verður miðlað með
ýmsum leiðum, bæði því sem snýr að
sjálfu skáldinu og/eða verkum þeirra.
Safnið er einstakt á Íslandi þar sem
ekkert safn hér á landi er tileinkað
íslenskum kvenrithöfundum en
fjölmörg tileinkuð körlunum,“ sagði
Anna í Túni. Meiri upplýsingar er
að finna á Facebook-síðu safnsins,
www.facebook.com/konubokastofan
og hjá Önnu í gegnum netfangið
konubokastofan@internet.is eða í
síma 862-0110.
Anna í Túni. Mynd / Linda Ásdísardóttir