Bændablaðið - 08.05.2013, Qupperneq 27
27Bændablaðið | Miðvikudagur 8. maí 2013
Sigurður Albert Jónsson var sæmdur
heiðursverðlaunum Garðyrkjuskólans
Garðyrkjuverðlaun Garðyrkju-
skólans á Reykjum í Ölfusi voru
afhent í tíunda sinn á sumardag-
inn fyrsta. Heiðurs verðlaun garð-
yrkjunnar hlaut Sigurður Albert
Jónsson garðyrkju fræðingur, sem
var forstöðumaður Grasagarðs
Reykjavíkur í áratugi.
Sumardaginn fyrsta var að venju
opið hús í skólanum, sem er starfs-
stöð Landbúnaðarháskóla Íslands.
Með verðlaunaveitingunni vildi
Landbúnaðar háskóli Íslands heiðra
þá sem staðið hefðu sig vel í að
vinna að framgangi garðyrkjunnar
á ýmsum sviðum hennar. Katrín
Jakobsdóttir, mennta- og menningar-
málaráðherra, afhenti verðlaunin.
Heiðursverðlaun garðyrkjunnar
Sigurður Albert Jónsson, garð-
yrkjufræðingur og forstöðu maður
Grasagarðs Reykjavíkur í áratugi,
hlaut sérstök heiðursverðlaun við
þetta tækifæri. Katrín Jakobsdóttir
rakti feril hans.
Sigurður fæddist á Ísafirði þann
25. október 1929, en kona hans er
Sigrún Óskarsdóttir frá Reykjavík og
eiga þau þrjú börn og sjö barnabörn.
Foreldrar hans voru Karlinna G.
Jóhannesdóttir, fædd í Bolungarvík
1896, og Jón Jónsson klæðskeri, sem
fæddist á Höfða í Dýrafirði 1890.
Segja má að hann hafi innbyrt garð-
yrkjuáhugann í föðurhúsum, þar sem
faðir hans var mikill áhugamaður
um blóma- og trjárækt og var m.a.
formaður Blóma- og trjáræktarfélags
Ísfirðinga. Var m.a. skrúðgarður sá
sem Jón lagði mikla rækt við ofan við
Eyrina á Ísafirði nefndur Jónsgarður
honum til heiðurs. Jón og Karlinna
áttu fjögur börn, Margréti, Kristínu,
Þórarin og Sigurð, sem öll nema
Þórarinn gerðu garðyrkju að ævi-
starfi sínu, en hann varð múrari.
Sótti sér víða menntun
Sigurður útskrifaðist sem gagn-
fræðingur frá Gagnfræðaskóla
Ísafjarðar vorið 1946. Hóf Sigurður
síðan nám við Garðyrkjuskóla ríkis-
ins á Reykjum og útskrifaðist þaðan
sem garðyrkjufræðingur 1949. Síðan
vann hann eitt sumar við ylrækt í
Danmörku og fór þaðan til Skotlands
og var þar í eitt ár sem nemi í skrúð-
garðyrkju hjá almenningsgörðum
Edinborgar.
Má segja að þar hafi hann að
nokkru fetað í fótspor föður síns, sem
einnig stundaði nám í Skotlandi í
sinni iðngrein. Í seinni heimsstyrjöld-
inni varð hann innlyksa í Englandi
og saumaði m.a. og flaggaði fyrsta
íslenska fánanum sem vitað er til að
hafi verið flaggað á erlendri grundu
eftir að Ísland lýsti yfir sjálfstæði
sínu árið 1944.
Árið 1955 hóf Sigurður störf hjá
Garðyrkjudeild Reykjavíkurborgar
og sá um garðyrkjustöðina í
Laugardal þar til hann hóf að vinna
við Laugardalsgarð og í framhaldi af
því Grasagarð Reykjavíkur.
Sigurður teiknaði, skipulagði og
stjórnaði uppbyggingu Grasagarðs
Reykjavíkur fyrstu áratugina og var
forstöðumaður hans í 38 ár, þar til
hann fór á eftirlaun.
Undir styrkri hendi Sigurðar
óx Grasagarðurinn úr því að vera
nokkur blómabeð í Laugardalnum í
það að verða glæsilegur grasagarður
sem vakti athygli og áhuga gesta,
innlendra sem erlendra. Á þessum
árum var byggt upp náið samstarf
við aðra grasagarða um fræsöfnun
og fræskipti og hafði það gífurlega
þýðingu fyrir íslenska garðrækt.
Sigurður átti í góðu samstarfi við
garðplöntuframleiðendur og var fús
til að miðla reynslu sinni af þrifum
plantna í garðinum og stuðlaði þann-
ig að útbreiðslu lykiltegunda í ræktun
í dag. Hann var ötull við greinaskrif,
meðal annars í Garðyrkjuritið, og
miðlaði þannig þekkingu sinni og
reynslu áfram. Fjöldi garðyrkjunema
steig sín fyrstu spor í garðyrkju undir
handleiðslu Sigurðar og má segja
að það hafi lagt grunninn að löngu
og farsælu samstarfi skólans við
Grasagarðinn. Sagði Katrín það vera
sannan heiður að fá að sæma Sigurð
heiðursverðlaunum garðyrkjunnar
árið 2013. /HKr.
Ólafur Ragnar Grímsson, for-
seti Íslands, afhenti Umhverfis-
viðurkenningu Hveragerðis bæjar
í Garðyrkju skólanum á sumar-
daginn fyrsta. Viður kenninguna
hlaut Björn Pálsson, fyrrverandi
skjalavörður.
Aldís Hafsteinsdóttir, bæjar-
stjóri Hveragerðisbæjar, sagði við
þetta tækifæri að Björn hefði verið
fremstur í flokki náttúruverndar-
sinna í Hveragarði og þótt víðar væri
leitað um árabil.
„Hefur hann verið óþreytandi
við fræðslustörf og að minna á
þau gæði sem felast í náttúrunni
umhverfis Hveragerði. Hann hefur
vakið athygli fyrir skelegga baráttu
sína gegn virkjunarkostum, telji
hann að þeir geti skaðað umhverf-
isgæði sem Hvergerðingar njóta.
Hann hefur verið talsmaður hins
dýrmæta útivistarsvæðis hér ofan
Hveragerðis. Auk þess hefur hann
beitt sér víðar eins og barátta hans
fyrir verndun Þingvallavatns ber
vitni um. Björn tekur virkan þátt um
þau málefni sem lúta að umverfis-
gæðum og hjólar óhræddur í hvern
sem er, okkur í bæjarstjórninni og
ráðherra til dæmis, ef honum finnst
að náttúrunni vegið. Hann hefur
safnað saman örnefnum í kringum
Hveragerði og sem sagnfræðingur
hefur hann safnað viðamiklum
upplýsingum um upphaf byggðar
og atvinnusögu bæjarins. Eftir
hann hafa birst margar greinar, t.d.
á vegum Sögufélags Árnesinga.
Munu komandi kynslóðir standa
í þakkarskuld við hann fyrir þá
vinnu. Björn hefur séð um fjölda
skipulagðra gönguferða hér í kring
til fjölda ára. Vandfundinn er sá ein-
staklingur sem býr yfir meiri þekk-
ingu á nærumhverfinu hér,“ sagði
Aldís.
Björn var formaður skipulags-
nefndar og vann að aðalskipulagi
bæjarins sem þá var gert. Var þá
tekin upp sú nýlunda að vinna
að umhverfisskipulagi, sem þótti
framúrstefnulegt á þeim tíma. Hefur
Björn einnig verið einn af aðalhöf-
undum götuheita í Hveragerði á
síðustu árum.
Ólafur Ragnar Grímsson, forseti
Íslands, kom í pontu á eftir Aldísi
og sagði að Björn hefði ekki bara
verið tilbúinn að hjóla í sveitar-
stjórnarmenn og ráðherra ef honum
hefði þótt brýnt að leggja áherslu á
baráttumál sín, þar hefði forsetinn
ekki verið undanskilinn.
„Það hefur verið einkenni Björns
frá ungum aldri að vera hispurslaus
og láta skoðanir sínar í té og meta
þær í rökræðum á mælikvarða fram-
tíðar,“ sagði Ólafur. „Við erum ekki
bara að heiðra Björn fyrir hans góða
starf, heldur erum við líka að heiðra
brautryðjanda og baráttumann sem
ekki hefur vikið af leið þótt á móti
hafi blásið.“
Í þakkarávarpi sínu sagði Björn
tímabært að fara að beina kröftum
að verndun Þingvallavatns. „Enginn
Íslendingur mun vilja sjá þá þjóðar-
perlu breyta um lit og líf á komandi
árum.“ /HKr.
Björn Pálsson sæmdur Umhverfis-
viðurkenningu Hveragerðisbæjar
Guðríður Helgadóttir, forstöðu-
maður Starfs- og endurmennta-
deildar LbhÍ, lýsti m.a. í ræðu
sinni bágum fjárhag Skólans til
að takast á við viðhald húsa og
uppbyggingu. Þarna væru m.a. lek
þök og kallaði hún eftir auknum
fjárveitingum til skólans.
Þegar Ólafur Ragnar Grímsson
forseti sté í pontu var eins og æðri
máttarvöld hefðu verið búin að
undirbúa gjörning til að árétta orð
Guðríðar. Skyndilega bunaði vatn
niður úr plastdúk sem einmitt hafi
verið settur upp til að verja gesti fyrir
vatnsleka. Streymdi vatnsbunan yfir
borð með viðurkenningargripum rétt
hjá ræðupúltinu.
„Þetta var vel hönnuð ábending
skólans til ráðherrans og annarra
frambjóðenda sem hér eru staddir um
að það þurfi nýtt þak. Það er öllum
ráðum beitt í aðdraganda kosninga.
Ég vona bara að menn taki mark á
þessari táknrænu athöfn,“ sagði for-
setinn. /HKr.
Vel hönnuð ábending