Læknablaðið - 01.06.1966, Qupperneq 44

118
LÆKNABLAÐIÐ
Guðmundur Guðmundsson
er aðstoðarlæknir á Ortopediska
Kliniken í Lundi og hefur starfað
þar nokkur undanfarin ár. Hann
greinir hér nokkuð frá reynslu
sinni af skurðaðgerðum við liða-
gikt.
Guðmundur Guðmundsson:
AÐGERÐIR VIÐ LIÐAGIKT
í HÖNDUM
Hannes Finnbogason læknir skrifar stntta hugvekjn um
skurðlækningameðferð við liðagikt í höndum í desemberhefti
Læknablaðsins 1965.
Eins og höfundur bendir á, er áríðandi að fá þessa sjúklinga
til aðgerða í tíma. Mikilvægur þáttur í þeirri viðleitni er að fræða
kollegana, einkum á lyfja- og giktardeildum, um þau stig sjúk-
dómsins, er aðgerðir koma að sem beztum notum. Býst ég við, að
þetta hafi verið aðalhvatning höfundar til skrifanna (erindisins),
og er það framtak allrar virðingar vert.
Mér er ljóst, að í stuttu erindi er erfitt að koma öllu að, sem
máli skiptir. í efnismeðferðinni bafa þó fallið niður nokkur veiga-
mikil atriði, sem að mínu viti eru ómissandi í umræðu um þetta
mál. Á ég þar við þátt smávöðva handarinnar o. fl., og mun nánar
vikið að því síðar.
Liðagikt í höndnm byrjar oft með óstöðugum (migrerandi)
liðaeinkennum, en brátt kemur í ljós, að um er að ræða bólgu í
öllum „mesenchymal“ vef handarinnar. Mjög er misjafnt, hvar
bólgubreytingarnar verða mestar og um leið þær aflaganir, sem
með tímanum verða, ef ekki er að gert.
Við Ortopediska Kliniken í Lundi hafa aðgerðir við arthritis
rheumatoides i höndum stöðugt aukizt síðastliðin fjögur ár (>
200 aðgerðir árið 1965). Er höfð náin samvinna við giktarlækn-
ana og sjúklingarnir flestir teknir til skurðaðgerða, á meðan þeir
liggja á giktardeildinni, og fá þeir jafnframt almenna giktarmeð-