Læknablaðið - 01.12.1972, Page 84

238
LÆKNABLAÐIÐ
ÁLITSGERÐ FELAGS ISLENZKRA LÆKNA I BRETLANDI
UM FRAMHALDSMENNTUN LÆKNA Á ISLANDI
FRÁ FÉLAGI ÍSLENZKRA LÆKNA í BRETLANDI
FORSPJALL
Á undanförnum árum hafa flestir íslenzkir læknar leitað sér fram-
haldsmenntunar erlendis, þar eð tækifæri til slíks náms hafa verið
lítil á íslandi til þessa. Unglæknar eyða þannig tápmestu árum sínum
á erlendri grund, þar sem sumir þeirra ílendast og nýtast aldrei ís-
lenzku þjóðfélagi, sem kostaði menntun þeirra.
Á sama tíma hefur verið alvarlegur skortur á heimilislæknum, og
einnig hefur verið erfitt að fá aðstoðarlækna á sjúkrahús vegna þess,
að stöður þeirra hafa ekki verið skipulagðar sem námsstöður og því
ekki þótt eftirsóknarverðar. Jafnframt hefur mikið skort á, að eldri
læknar hafi haft raunhæfa möguleika til viðhaldsmenntunar, og vís-
indastarfsemi íslenzkra lækna hefur verið langtum minni en efni
standa til.
Enn sem komið er virðist lítið hafa verið gert til úrlausnar þessum
vanda. Þó hefur nýlega verið ákveðið að stofna prófessorsembætti í
heimilislækningum, og enn fremur hefur verið samþykkt að opna
nýjar stöður við sjúkrahús í Reykjavík með þeim skuldbindingum, að
stöðuhafar gegni jafnframt afskekktum héruðum í nokkra mánuði á
ári hverju. Báðar þessar tilraunir virðast vera spor í rétta átt. Fyrri
aðgerðin tekur þó ekki tillit til þess, að veigamesti hluti náms heimilis-
lækna á sér stað eftir að kandídatsprófi er lokið, og hin síðari virðist
ekki gera ráð fyrir, að væntanlegir sjúkrahúslæknar dreifbýlis eigi að
fá viðunandi tækifæri til framhaldsmenntunar innan veggja sjúkra-
húsanna. Þótt vísir að framhaldsmenntun sé fyrir hendi á íslandi í
dag, er greinilegt, að hér vantar fyrst og fremst heildarskipulagningu
að því er varðar framhaldsmenntun unglækna og viðhaldsmenntun
eldri lækna, nýtingu læknisfræðilegra tækifæra og virkjunar þess
þekkingarforða, sem til er í landinu. íslenzkir læknar í Bretlandi telja,
að stofnun framhaldsnámsdeildar í læknisfræði við Háskóla íslands sé
raunhæf leið til þess að ráða bót á núverandi læknaskorti á íslandi:
1) Frumstig framhaldsnáms, sem spannaði 2-3 fyrstu árin að loknu
kandídatsári, getur hæglega orðið sambærilegt að gæðum við
það nám, sem menn eiga kost á erlendis. Myndi námstími
lækna á erlendri grund þannig styttast verulega. Framhalds-
námi í sumum greinum, svo sem heimilislækningum, mætti að
mestu leyti ljúka á íslandi, og gæti það stuðlað að því, að fleiri
læknar kysu að leggja stund á þá grein. Þeir, sem leita frekara
sérnáms erlendis, yrðu hins vegar færir um að haga námi sínu
á markvissari hátt og betur í samræmi við íslenzkar þarfir.
2) Samskipti eldri lækna við unglækna í framhaldsnámi er ómiss-
andi þáttur í viðhaldsmenntun eldri lækna. Erlendir læknar