Læknablaðið - 01.04.1973, Qupperneq 38

66
LÆKNABLAÐIÐ
Það kom glöggt fram á ráðstefnunni, að
þjóðirnar hafa farið ýmsar ólíkar leiðir að
því marki að útrýma smitsjúkdómum.
Ef okkar kerfi er borið saman við kerfi
flestra annarra landa, ber þetta einkum á
milli:
1) Hér hefur B.C.G. bólusetning aldrei ver-
ið tekin upp sem almenn ónæmisaðgerð, en
er notuð í öllum nágrannalöndum nema Hol-
landi.
2) Hér á landi hefur ávallt verið notað
,,Salk“ bóluefni gegn lömunarveiki, en í
flestum löndum er nú og hefur lengi verið
notað ,,Sabin“ bóluefni. Svíþjóð er eina land-
ið, sem enn notar þessa aðferð eingöngu
(killed vaccine) og Danir byrja með ,,Salk“
í trivalent vaccine (barnaveiki, stífkrampi,
lömunarveiki), en halda svo áfram eftir 2ja
ára aldur með ,,Sabin“.
3. Ónæmisaðgerðir vegna mislinga, hettu-
sóttar og rauðra hunda hafa mjög víða verið
teknar upp sem almennar ónæmisaðgerðir,
en hér á landi hafa menn haldið að sér
höndum hvað þessar aðgerðir snertir, og
enn hafa þær ekki verið teknar inn á ónæm-
isaðgerðaform heilsuverndarstöðva.
Reynslan hefur sýnt, að sú ákvörðun að
taka ekki upp B.C.G. bólusetningu hefur
reynst rétt, ef marka má þann árangur, sem
náðst hefur hér á heftingu á útbreiðslu
berklaveiki samanborið við aðrar þjóðir.
Árangur okkar og Svía með núverandi að-
ferð við lömunarveiki er eins góður og ann-
arra. Hins vegar gæti orðið erfitt að afla
bóluefnis, sem fáir nota. Af athugunum, sem
gerðar hafa verið í Bretlandi, virðist auð-
sætt, að bólusetning gegn mislingum á full-
an rétt á sér sem almenn bólusetning og
sama máli gegnir raunar um rauða hunda.
Nauðsynlegt er að endurskoða þá afstöðu,
sem heilbrigðisstjórnin hefur haft til þess-
ara mála, alveg á næstunni.
5. Helztu byggingaframkvæmdir heil-
brigðisstofnana ó árinu
Áfram verður haldið með byggingar sam-
kvæmt áætlun á öllum þeim stöðum, þar
sem framkvæmdir hafa verið hafnar. Má
þar til nefna fæðingardeild Landspítala og
lok annarra framkvæmda þar, Sjúkrahús
Akraness, Heilsugæzlustöð í Borgarnesi og
á Egilsstöðum.
Fulllokið er nú undirbúningi Sjúkrahúss
Suðurlands á Selfossi og viðbyggingu
Sjúkrahússins á Neskaupstað, og verða
þessi verk bæði boðin út nú í maí. Hér er
um að ræða framkvæmdir fyrir samtals um
350 millj. króna og gert ráð fyrir 3-5 ára
framkvæmdatíma, þó þannig, að bygginga-
áfangar komist í not á 2 árum.
Undirbúningi fjölda annarra verka ætti
að verða lokið á árinu, svo sem viðbygg-
ingu við Sjúkrahús Keflavíkurlæknishéraðs,
heilsugæzlustöð sem viðbyggingu viðSjúkra-
hús Patreksfjarðar, heilsugæzlustöð sem
fyrsta áfanga nýs sjúkrahúss á ísafirði,
heilsugæzlustöð á Dalvík og byggingar-
áfanga af viðbyggingu við Fjórðungssjúkra-
húsið á Akureyri. Hve langt þessi undirbún-
ingur kemst, er enn ekki hægt að segja um,
en vonast er til, að þau þessara verka, þar
sem fé er áætlað til frekari framkvæmda á
árinu, komist á byggingarstig.
Nýlega var hafin bygging deildar drykkju-
sjúklinga við Vífilsstaðaspítala. Þeirri fram-
kvæmd á að vera lokið haustið 1974 og
rennur fé Gæzluvistarsjóðs til byggingarinn-
ar. Undanfarin ár hefur fé Gæzluvistarsjóðs
gengið að mestu til viðbyggingar við Klepps-
spítala, þar sem fyrir hefur verið komið
göngudeild, rannsóknarstofum, vinnu- og
viðtalsstofum lækna, hjúkrunarkvenna, fé-
lagsráðgjafa og sálfræðinga, kennslustofu,
hópmeðferðarherbergjum með kennsluað-
stöðu og bókasafni.
Ráðgert er, að allri undirbúningsvinnu við
fyrri áfanga Geðdeildar Landspítala verði
lokið á miðju sumri, en ákvörðun um fram-
kvæmdir hefur ekki verið tekin enn.
21.4.73.
Páll Sigurðsson