Dagblaðið Vísir - DV - 23.03.2007, Síða 14

föstudagur 23. mars 200714 Fréttir DV
„Það er ekki verið að gera nokkurn
skapaðan hlut og fyrr en síðar mun
Wilson Muuga menga fjörurnar,“
segir Grétar Mar Jónsson varaþing-
maður Frjálslynda flokksins. Skipið
Wilson Muuga er búið að vera fast
í fjörunni við Sandgerði síðan 19.
desember þegar það strandaði í ill-
viðri. Að sögn Guðmundar Ásgeirs-
sonar, framkvæmdarstjóra Nesskips,
mun Wilson liggja áfram á sama
stað.
„Ég er bara æfur yfir þessu að-
gerðarleysi,“ segir Grétar Mar Jóns-
son, varaþingmaður Frjálslynda
flokksins í Suðurkjördæmi, og spar-
ar ekki stóru orðin. Ástæðan fyrir því
að ekki er búið að fjarlæga skipið er
ágreiningur um ábyrgð Nesskipa,
eiganda skipsins, og ríkisins. Þar er
deilt um siglingalögin og vill Nesskip
meina að það sé ekki þeirra að fjar-
lægja skipið.
Þegar hafa lekið 17 tonn af olíu
úr skipinu í fjöruna en Blái Herinn
hefur verið ötull við að hreinsa hana
í samstarfi við Umhverfisstofnun.
Fjaran er friðuð og mikið dýralíf á
þessum slóðum.
Gagnrýnir biðlund
„Það er ótrúlegt að Umhverfis-
stofnun og ráðuneyti séu ekki búin
að hóta öllu illu til að koma þess-
um óskapnaði í burtu,“ segir Grétar
Mar, sem vill að stjórnvöld grípi til
aðgerða sem fyrst. Hann segir ráðu-
neytið hafa dregið lappirnar í þessu
máli og þykir undarlegt að menn
bendi á hvor annan þegar það er ljóst
hver eigi að fjarlægja brakið.
Að sögn Grétars er það tímaspurs-
mál hvenær hafið muni brjóta skip-
ið niður og þá mun það reka á land.
Það gæti aftur á móti haft hörmuleg-
ar afleiðingar fyrir lífríkið en fjaran er
friðuð vegna litríks dýralífs sem þar
þrífst.
Púðurtunna að springa
„Þetta er eins og að sitja á púður-
tunnu með logandi eldspýtu,“ seg-
ir Grétar og segir framtíð Wilson
Muuga, verði ekkert gert, geta orð-
ið hrikalega. Hann segir viðbrögðin
ámælisverð og tekur sem dæmi Vik-
artind sem strandaði fyrir nokkrum
árum, þá hafi strax verið hafist handa
við að rífa flakið. Þó er sá munur að
Vikartindur fór alla leið upp í sand-
fjöru en Wilson Muuga er fast rétt
fyrir utan grýtta fjöru Sandgerðinga.
Uppi hafa verið hugmyndir um að
þétta yfirbyggingu skipsins og dæla
lofti í það. Þá myndi það fljóta líkt og
korktappi. Þá væri hægt að draga það
á betri stað. Heppilegasti tíminn til
þess, samkvæmt þeim sem til þekkja,
er í lok mars og byrjun apríl.
Ennþá mengunarvaldar
Þó búið sé að fjarlæga meira eða
minna allt sem getur mengað í skip-
inu þá vill Grétar meina að hættur
steðji samt að fjörunni, „það er enn-
þá smurolía og glússi í skipinu sem
getur valdið skaða,“ segir Grétar sem
vill meina að enn sé mengun sem
ógni umhverfinu í kringum Wilson
Muuga.
„Það er bara ekki hægt að sætta
sig við það að ekkert sé verið að
gera,“ segir Grétar en auk hugsan-
legrar mengunar þá vill hann meina
að skipið sé mikil sjónmengun fyrir
þá íbúa sem búa í Sandgerði.
Hefur ekki áhyggjur
„Skipið gerir engum mein eins
og er,“ segir Guðmundur Ásgeirsson
framkvæmdarstjóri Nesskipa sem á
Wilson Muuga. Hann segir að það
sé búið að fjarlægja allt það úr skip-
inu sem getur mengað og blæs á full-
yrðingar Grétars. Hann segir skipið
standast mikinn brotsjó við Sand-
gerði og hefur litlar áhyggjur af því
að skipið muni riðlast í sundur af
álaginu.
„Allt tryggingarféið er búið að
fara í hreinsunina,“ segir Ásgeir en
það mun hafa verið 75 milljónir sem
fóru í þær hreinsanir. Hann segir ekki
enn ljóst hver eigi að fjarlæga skipið
og segist Guðmundur enn bíða eft-
ir niðurstöðu vegna lagalegra hliða
málsins.
Aðspuður hvort skipið verð-
ur fjarlægt á næstu mánuðum segir
hann: „Það verður allavega ekki gert
á næstu vikum.“
VILJA WILSON ÚR FJÖRUNNI
„Þetta er eins og að
sitja á púðurtunnu með
logandi eldspýtu.“
valur GrEttisson
blaðamaður skrifar: valur@dv.is
Wilson Muuga skipið marar
fyrir utan fjörur sandgerðinga
eins og draugaskip.
Varaþingmaður Frjálslynda flokksins á Suðurlandi, Grétar Mar Jónsson vill Wilson Muuga úr fjörunni
í Sandgerði sem fyrst. Hann gagnrýnir stjórnvöld fyrir að draga lappirnar í málinu. Segir þau sitja á púð-
urtunnu með logandi eldspýtu. Framkvæmdarstjóri Nesskipa, Guðmundur Ásgeirsson hefur litlar
áhyggjur af málinu og segir skipið ekki vera til trafala enn sem komið er.
Grétar Mar Jónsson Varaþingmaður
frjálslynda flokksins vill Wilson muuga úr
fjöru sandgerðinga og það strax.