Dagblaðið Vísir - DV - 23.03.2007, Qupperneq 37

Menning
Iður í Anima
Bjarni Sigurbjörnsson opnar
sýninguna Iður á morgun kl. 17
í nýjum húsakynnum Anima
gallerís í Iðuhúsinu við
Lækjargötu. Bjarni hefur haldið
fjölda sýninga bæði hér heima
og erlendis og þrisvar verið
tilnefndur til Carnegie-
verðlaunanna. Bjarni er þekktur
fyrir íburðarmikil málverk sem
hann vinnur á plexigler. Með
titli sýningarinnar er vísað til
ýmisskonar kviðarholsmynda,
kjarnasneiðmynda, eða
líkamsvessa með öllum sínum
fallegu litabrigðum.
Lífið - notkunarreglur
Leikrit Þorvalds Þorsteinssonar, Lífið - notkunarreglur, verður frumsýnt í
kvöld hjá Leikfélagi Akureyrar. Sýningin er samvinnuverkefni Leikfélagsins
og leiklistardeildar Listaháskóla Íslands. Leikstjóri er Kjartan Ragnarsson og
Megas semur tónlist við verkið.
DV Menning föstudagur 23. mars 2007 37
Tónlist og börn
Félag
tónlist-
arkenn-
ara og
Félag
leik-
skóla-
kennara
standa í
dag fyrir
málþingi
á Hótel
Sögu
undir yfirskriftinni: „Tónlistar-
nám barna á aldrinum eins til
sex ára - markmið og tækifæri -
snertifletir tónlistarskóla og
leikhúsa.“ Aðalfyrirlesari
þingsins er dr. Regina Pauls,
háskólaprófessor frá Þýska-
landi og fjallar hún um
tónlistaruppeldi og sköpun auk
þess að ræða samvinnu
tónlistarskóla og leikskóla. Á
málþinginu verða jafnframt
kynntar niðurstöður könnunar
um fyrirkomulag tónlistar-
kennslu í leikskólum.
Erótískur
Fjalaköttur
Fjalakötturinn
sýnir um
helgina þrjár
myndir
japanska
leikstjórans
Tatsumi
Kumashiro, en
hann er jafnan
talinn einn
mikilvægasti leikstjóri Japans á
áttunda áratugnum. Á sjöunda
og áttunda áratugnum fór
aðsókn að kvikmyndahúsum
dvínandi í Japan og framleið-
endur brugðu á það ráð að
lokka fólk í bíó með opinská-
um, kynferðislegum og
ljósbláum kvikmyndum. Reglur
um ritskoðun voru strangar og
leikstjórar þurftu að vinna í
kringum reglurnar. Úr urðu
ýmsar frumlegar leiðir til að
sýna kynlíf og allskyns
sérkennilegar myndir, sem eru
ekki endilega erótískar í
grunninn þótt frásögnin sveigi
inn á þær brautir til að þóknast
framleiðendunum.
„Við erum bara á síðustu metrun-
um, rétt að klára að mála leikmynd-
ina og búa okkur undir síðasta
rennsli,“ segir Sigríður Lára Sigur-
jónsdóttir, varaformaður leikfélags-
ins Hugleiks sem frumsýnir í kvöld
leikritið Epli og eikur. Verkinu lýsir
Sigríður sem „gamanleik með söng-
vum,“ en tónlist er yfirleitt áberandi
í sýningum félagsins. Leikritið er
eftir Þórunni Guðmundsdóttur
sem áður hefur samið nokkur verk
fyrir Hugleik, þar á meðal Syst-
ur, sem tekið var aftur til sýninga
í haust vegna mikilla vinsælda og
söngleikinn Kolrössu sem vakti fá-
dæma lukku árið 2001. „Hún er al-
ger snillingur þegar kemur að því
að semja söngleiki,“ segir Sigríður
og það er ljóst að hún er afar sátt
við verkefnavalið. Raunar hefur
leikfélagið úr fjölmörgum verkum
að velja, þrátt fyrir að setja einungis
upp frumsamin verk, sem sérstak-
lega eru skrifuð fyrir Hugleik og í
ár rata átta verk á fjalirnar. „Við höf-
um þurft að velja úr verkum upp á
síðkastið, svo mikil er framleiðslan
og eigum til að mynda ein þrjátíu
tilbúin stuttverk. Við erum einmitt
að undirbúa stuttverkadagskrá sem
verður flutt í Leikhúskjallaranum í
næsta mánuði,“ segir hún. Það er
því úr nógu að moða fyrir þennan
öfluga leikhóp. Leikstjóri Epla og
eika er Oddur Bjarni Þorkelsson en
„verkið fjallar um ástir og áhugamál
nokkurra einstaklinga sem tengjast
ýmsum böndum,“ eins og segir í til-
kynningu frá Hugleik um Epli og
eikur. Leikritið er sýnt í Möguleik-
húsinu við Hlemm.
Leikfélagið Hugleikur frumsýnir leikritið Epli og eikur í kvöld.
Ástir og áhugamál Hugleiks
GAMAnLEiKuR MEð SönGvuM
Það er mikið sungið í sýningunni - þó
sumir séu með fullan munninn
Það er vitaskuld bara einn Laddi.
Það þýðir þó ekki að Laddi sé einn.
Laddi er nefnilega líka Eiríkur Fjalar
og Saxi læknir. Hann er líka Þórður
húsvörður og Elsa Lund og svo ótal
margar aðrar persónur. Laddi er
heldur ekki einn, í þeim skilningi að
hann hefur heila þjóð á bak við sig
og nú hafa nærri 20 þúsund manns
keypt sér miða á afmælissýninguna
Laddi 6-tugur í Borgarleikhúsinu og
hljómplatan Hver er sinnar kæfu
smiður, sem kom út í janúar, sat
mánuðum saman í fyrsta sæti Tón-
listans yfir mest seldu plötur lands-
ins. Hún féll naumlega í annað sæt-
ið nýverið - tímabundið.
vinsæll
Laddi hóf leikferil sinn með Halla
bróður sínum á áttunda áratug síð-
ustu aldar, en þeir bræður tróðu
upp um allt land með tónlistaratr-
iði þar sem þeir hermdu eftir Spike
Jones og vöktu gríðarlega lukku. Í
framhaldinu fór Laddi að sjást æ
oftar í sjónvarpi, kvikmyndum og
á sviði og varð langvinsælasti gam-
anleikari þjóðarinnar, fyrr og síðar.
Laddi skapaði aragrúa af persónum
sem þjóðin hreinlega dáði - og dáir
enn ef marka má viðtökurnar í Borg-
arleikhúsinu, því þar hefur Laddi
sýnt 10 sinnum fyrir troðfullu húsi.
Húsið verður áfram fullt, því það er
uppselt á 15 sýningar til viðbótar og
framleiðendur sýningarinnar segj-
ast ekki hafa undan að bæta við.
Frábærar viðtökur
„Þetta er langt fram úr björt-
ustu vonum, við bjuggumst ekki við
svona frábærum viðtökum,“ seg-
ir Ísleifur Þórhallsson,
framleiðandi. Hann
segir mjög sérstakt að
fylgjast með sýningar-
gestum. „Það er alveg
magnað að sjá fullan
sal af fólki veltast um
af hlátri, bókstaflega,“
segir hann.
Tóm hamingja
Laddi var í örstuttu
matarhléi frá æfingum
í Borgarleikhúsinu þeg-
ar blaðamaður náði tali
af honum. Hann hafði
þó smástund aflögu
til að ræða velgengni
sýningarinnar. „Þetta
er náttúrulega ekkert
annað en gaman. Það
er svo mikið stuð í saln-
um og móttökurnar svo góðar. Þetta
er bara tóm hamingja og æðislega
gaman,“ segir hann. Laddi hefur,
sem fyrr segir, leikið aragrúa af per-
sónum og þær eiga flestar sinn stað í
sýningunni. Ekki allar þó. „Þetta eru
náttúrulega ekki nema rúmir tveir
tímar þannig að einhverjir þurftu að
mæta afgangi, það var bara hrein-
lega ekki pláss,“ segir hann.
Laddi starfar sem leikari hjá
Borgarleikhúsinu um þessar mund-
ir, leikur þar í tveimur sýningum
og æfingar standa nú yfir á farsan-
um Lík í óskilum eftir Anthony Nil-
son. Framundan eru svo að minnsta
kosti 20 sýningar af Laddi 6-tugur og
sjálfsagt veitir ekki af að geta skipt
verkum milli þess fjölda persóna
sem Laddi á í fórum sínum.
gudmundurp @ dv.is
Laddi sýnir nú fyrir troðfullu húsi afmælissýninguna Laddi 6-tugur. Uppselt er á 15
sýningar til viðbótar og ekkert lát á vinsældum.
Ekkert annað
en gaman
ERÍKuR FjALAR
margar þekktustu persónur Ladda koma fram í sýningunni,
þær komust þó ekki allar fyrir vegna plássleysis.
TvæR úR TunGunuM
Halli, bróðir Ladda leikur í
sýningunni ásamt Eggert
Þorleifssyni, steini Ármanni
magnússyni og fleirum.