Fréttatíminn - 12.11.2010, Qupperneq 60

60 bíó Helgin 12.-14. nóvember 2010
 frumsýningar
Bíódagar í Paradís
Haustbíódagar Græna ljóssins hefjast í Bíó Paradís í dag,
föstudag, þar sem boðið verður upp á sjö umtöluðustu heim-
ildarmyndir ársins. Feathered Cocaine, ný íslensk heimildar-
mynd um fálkasmygl, er opnunar-
mynd Bíódaganna. Hinar myndirnar
eru Armadillo sem fjallar um danska
hermenn í Afganistan, Freakonomics
sem byggist á köflum úr samnefndri
metsölubók, Catfish sem segir frá
ungum ljósmyndara sem kemst að því
að ekki er allt sem sýnist á Facebook.
Gasland veltir upp þeirri spurningu
hvort Bandaríkin séu hið nýja orku-
veldi og í furðuverkinu I’m Still Here
hættir Joaquin Phoenix að leika og gerist lélegur rappari.
Síðast en ekki síst gefst fólki svo kostur á að sjá hina mögn-
uðu Inside Job þar sem kafað er ofan í hvað liggur að baki
heimskreppunni.
Þ etta er óvenjuleg mynd og alls ekki dæmigerð heimildarmynd. Þetta
er miklu frekar bíómynd. Þetta
er bara stanslaus keyrsla,“
segir Gaukur sem fylgdi Jóni
Gnarr eftir í kosningabarátt-
unni og þá sérstaklega tvo síð-
ustu mánuðina en þá var hann
á hælum frambjóðandans nán-
ast upp á hvern einasta dag.
Þrátt fyrir þessar nánu sam-
vistir við Jón segist Gaukur
ekki vera orðinn leiður á Jóni.
„Þvert á móti. Ég er alls ekki
orðinn leiður á honum og eflist
í hvert skipti sem hann kemur
fram í þeirri trú að hann sé að
gera rétt.
Ég bað Jón um leyfi til að
mynda kosningabaráttuna
og hann gaf mér fullt frelsi,
bæði til að taka þetta upp og
gera það sem ég vildi við efn-
ið.“ Einhver uggur mun vera
í mótframbjóðendum Jóns
vegna myndarinnar en Gauk-
ur segist ekki skilja hvers
vegna. „Myndin er bara mjög
heiðarleg. Ég er ekki að leggja
neinum orð í munn eða klippa
úr samhengi til þess að gera
þau fíflaleg. Þarna koma þau
bara fyrir eins og þau eru og
eru ekkert afskræmd. Mynd-
in er heldur ekkert um þau og
þau eru algerar aukapersónur.
Þetta er fyrst og fremst mynd
um fyndnasta mann Íslands-
sögunnar, hans sýn og tilraun
til þess að breyta einhverju í
íslenskri pólitík sem er komin
á villigötur.“
Að kosningabaráttunni lok-
inni urðu þeir Jón og Dagur
B. Eggertsson, oddviti Sam-
fylkingarinnar, samherjar í
borgarstjórn en Gaukur segir
Dag ekki fá neina sérmeðferð.
„Hann er alveg jafn asnaleg-
ur og allir aðrir og ég passaði
upp á að allir þessir aukaleik-
arar kæmu jafn mikið við sögu
þannig að það var ekki hallað á
neinn með það.“
Gaukur segir að Dagur hafi
ekkert amast við myndinni en
þær Hanna Birna Kristjáns-
dóttir og Sóley Tómasdóttir
hafi beðið Jón að sjá til þess að
þær kæmu ekki of mikið við
sögu. „Jón útskýrði fyrir þeim
að hann réði engu um endan-
lega gerð myndarinnar en þær
áttu erfitt með að trúa því að
hann væri ekki aðalgaurinn í
þessu. En þótt hann sé í aðal-
hlutverki þá skilur hann alveg,
sem listamaður, að hann ræð-
ur þessu ekki. Hann er bara
maðurinn sem við fylgdum
eftir. Ég vona að þessi mynd og
Besti flokkurinn í bland verði
ákveðið framlag ákveðins hóps
listamanna til að rífa okkur
upp úr þessu volæði sem er
allsráðandi. Þessi mynd er
hugvekjandi, hún er falleg og
hún er fyndin. Það á enginn að
upplifa hana sem einelti á einn
né neinn nema að vera með
einhver ofboðslega stíf einelt-
isgleraugu á lofti. Mér finnst
þessi umræða á villigötum og
vera niðrandi. Það er verið að
leggja eineltið í einelti með
þessu tali. Mér finnst mjög
ódýrt að tala um einelti þegar
þessi mynd er annars vegar
enda er það alls ekki tilfellið.“
Þórarinn Þórarinsson
toti@frettatiminn.is
bíó
H já CI A stendur skammstöfunin RED fyrir Retired
and Extremely Dangerous –
Á eftirlaunum og stórhættu-
leg. Og það er víst óhætt að
segja að aðalpersónum RED
verði ekki mikið betur lýst en
einmitt með þessum orðum.
Jaxlinn Bruce Willis leikur
klárasta leyniaðgerðagaur-
inn í gervallri sögu CIA.
Hann er sestur í helgan stein
en þegar hópur morðingja
ryðst inn á heimili hans eina
nóttina hrekkur hann í gamla
gírinn, snýr vörn í sókn og
ræðst gegn andskotum sín-
um. Hann byrjar á því að
smala saman gamla genginu
sínu; öldungi sem kominn er
á elliheimili (Morgan Freem-
an), snarbiluðum vænisjúk-
lingi sem felur sig í fenjum
Flórída (John Malkovich) og
breskri heldri konu sem var
áður færasti morðingi bresku
leyniþjónustunnar en rekur
nú gistiheimili (Helen Mir-
ren). Þau kippa svo einnig
fornum rússneskum fjanda
úr gamla KGB um borð (Bri-
an Cox). Þegar á hólminn er
komið hefur þetta fólk engu
gleymt varðandi vopnaburð
og dráp.
Þessi saga er í raun
ósköp stöðluð og fátt sem
kemur á óvart en myndin
er samt sem áður prýðileg
skemmtun. Bruce Willis er
alveg jafn harður og svalur í
dag og hann var í Die Hard
1989 og heldur kúlinu út í
gegn. Morgan Freeman fer
blindandi með sína rullu og
John Malkovich fer á sínum
alkunnu kostum og lyftir
myndinni upp í hlutverki
geðsjúklingsins sem engum
treystir. Helen Mirren og Bri-
an Cox eru bæði dásamlegir
leikarar og renna sér í gegn-
um myndina á gamalkunn-
um sjarma þannig að ekki er
hægt að kvarta yfir vel völd-
um mannskapnum í mynd-
inni sem er stórgóð skemmt-
un þar sem spennu, ofbeldi
og gríni er blandað saman í
nokkurn veginn réttum hlut-
föllum. Þórarinn Þórarinsson
Easy A
Leikkonan unga og bráð-
efnilega Emma Stone
(Superbad, Zombieland)
leikur menntaskólastelpu
sem upplifir sig eins og
sögupersónuna Hester
Prynne úr skáldsögunni
The Scarlet Letter eftir
að saklaus lygi um að hún
hafi misst meydóminn fer
á flug. Hún ákveður að
notfæra sér orðróminn til
þess að styrkja félagslega
og fjárhagslega stöðu
sína. Í öðrum hlutverkum
eru meðal annarra Lisa
Kudrow og Stanley
Tucci.
Aðrir miðlar: Imdb:
7,7/10, Rotten Tomatoes:
87%, Metacritic: 72/100
Unstoppable
Leikstjórinn Tony
Scott og leikarinn
Denzel Washington
virðast hafa ægilega
gaman af
því að vinna saman en
þeir hafa gert Deja Vu,
The Taking of Pelham 1
2 3, Crimson Tide, Man
on Fire saman og eru nú
mættir eina ferðina enn
í Unstoppable. Hér segir
frá vélstjóra og yfirmanni
hans sem reyna að stöðva
stjórnlausa flutningalest
fulla af eiturefnum
en nái þeir ekki
stjórn á henni er
heilt bæjarfélag í
stórhættu. Auk Washing-
ton fara Rosario Dawson
og Chris Pine með stór
hlutverk í myndinni.
Aðrir miðlar: Imdb:
7,1/10, Rotten Tomatoes:
-, Metacritic: -
Arthur 3
Þriðja teiknimynd franska
leikstjórans Luc Besson
um ævintýri Arthúrs í
heimi Mínímóanna.
Aðrir miðlar: Imdb:
5,8/10, Rotten Tomatoes:
-, Metacritic: -
Eldri borgarar í drápsham
 gaukur Úlfarsson: leggur frambjóðendur ekki í einelti
Bjánar í
þrívídd
Steve-O, Johnny Knoxville og hin
fíflin sem kenna sig við Jackass
hafa gert garðinn frægan með
því að reyna allt sem í þeirra valdi
stendur til þess að slasa sig eða
jafnvel drepa með alls
kyns áhættuatriðum.
Þeir eru búnir að henda
í þriðju bíómyndina
með asnastrikum sínum
og til þess að magna
upplifunina fyrir áhorfendur er
djöfulgangurinn nú í þrívídd.
Aðrir miðlar: Imdb: 7,3/10, Rot-
ten Tomatoes: 62%, Metacritic:
56/100
Gaukur segir Jón Gnarr borgarstjóra vera að reyna að benda á hversu skakkur fókusinn sé enn á íslenska pólitík. „Það er eins
og það sem stendur í Rannsóknarskýrslunni um stjórnmál sé bara aukaatriði. Upplifun fulltrúa Besta flokksins í Ráðhúsinu er
svolítið sú að enginn hafi lært neitt og fólk ætli bara að sitja þetta af sér og svo haldi sömu Remax-sölumennirnir áfram að selja
okkur sama gamla bullið.“
Fyndin hugvekja gegn volæði
Gnarr, heimildarmynd Gauks Úlfarssonar um kosningabaráttu Jóns Gnarr og Besta flokksins,
verður frumsýnd í dag, föstudag. Gaukur segir Jón ekki hafa fengið neinu ráðið um efnistök hans
og þvertekur fyrir að myndin sé einelti í garð ákveðinna stjórnmálamanna.
 bíódómur: red
Opnunartími
virka daga 12-18
laugardag 12-16

Grensásvegi 8 - 108 Reykjavík - 517-2040
LAGERSALA
www.xena.is
Gönguskór
St. 36-46
Verð áður 14.995
Verð nú 9.995

941_2
941_3
Phoenix í ruglinu í Í m Still Here.
Eða hvað?
Þetta er framlag ákveðins hóps listamanna til þess að
rífa okkur upp úr þessu volæði sem er allsráðandi.
Gömlu kall-
arnir eru
engin lömb
að leika sér
við þegar
þeim er
ógnað.