Fréttatíminn - 08.10.2010, Blaðsíða 43

Fréttatíminn birtir kaFla úr bók loga geirssonar 10.10.10
bílar 31 Helgin 8.-10. október 2010
Þ
remur vikum fyrir fyrstu
æfingu hjá Lemgo eftir
sumarfrí fór ég í stutt
frí, ók á blæjubílnum
mínum niður á ítölsku
rivíeruna ásamt Lúnu litlu og
þáverandi kærustu minni. Við
keyrðum alla Rivíeruna og það var
mikið stuð á okkur og yfir 35 gráðu
hiti alla dagana.
Á flakki okkar þarna niður frá
hitti ég Frakka, Jean Michel að
nafni, en hann er umboðsmaður
sem ég hafði kynnst á Íslandi áður
en ég flutti út. Hann bjó í einhverri
villu í hlíðunum með 25 metra
sundlaug.
Við spjöllum um heima og geima
og meðal annars um markað þarna
í nágrenninu sem seldi vandaðar
eftirlíkingar af frægum merkjum.
Við ákváðum að rúlla þangað en
lentum í miklum vandræðum með
að finna bílastæði við staðinn. Ég
endaði með því að
leggja fyrir framan
eitthvert hús og við
hliðina á rampi, ekk-
ert sérstaklega vel
lagt því ég þrengdi
akstursleiðina upp
rampinn.
Ég var ekki alveg
með augun opin
því að auki hafði ég
lagt ólöglega fyrir
utan lögreglustöð
bæjarins. Svo
löbbuðum við bara
á markaðinn og
keyptum þar alls
konar drasl og
vorum rúman klukkutíma í burtu.
Þegar við komum til baka stóðu
nokkrir lögregluþjónar við bílinn.
Við höfðum ekki hugmynd um
hvað væri í gangi en löbbum upp að
lögreglunni og spurðum tíðinda.
Þeir görguðu eitthvað á mig á
ítölsku og ég skildi ekki neitt. Ég
benti svo á bílinn og kinkaði kolli,
reyndi að gera þeim ljóst að þetta
væri minn bíll. Það skipti þá engum
togum að þeir rifu mig inn á lög-
reglustöðina.
Kærastan og Lúna sátu eftir inni
í bíl og þurftu að bíða lengi. Lög-
reglumennirnir voru með mikla
stæla við mig, höfðu hátt og kröfð-
ust þess að ég borgaði. Ég spurði
fyrir hvað eiginlega? Þeir vildu að
ég greiddi 600 evrur fyrir að leggja
ólöglega og hindra lögregluna í því
að sinna störfum sínum. Ég þénaði
vel á þessum tíma en gat ekki tekið
út meira en 500 evrur á kortunum
mínum.
Að lokum fór ég með lögreglunni
í hraðbankann, tók út 500 evrur
og var með nærri 200 evrur á mér.
Ég greiddi þeim 600 evrur. Þá
hló ein lögreglan í andlitið á mér
og það rann upp fyrir mér að þeir
voru bara að hafa af mér fé, það var
augljóst.
Ég hafði greitt með reiðufé og
ekki fengið kvittun. Ég hringdi
strax í Giuseppe, ítalskan vin minn
og son eigandans á Vesuvio-veit-
ingastaðnum í Lemgo og rétti síðan
löggunni símann − þeir skelltu
nánast strax á hann.
Hvað um það, ég stökk út og
kom þá strax auga á dráttarbíl. Ég
hljóp að bílstjóranum, baðaði út
öllum öngum og sagði honum að
stoppa um leið og ég smeygði mér
inn í bílinn. Gaurinn lét sér
ekki segjast og ætl-
aði bara að draga
bílinn minn
burt þó að við
kærast-
an og Lúna
værum inni í honum. Hann
vildi greinilega fá eitthvað fyrir
sinn snúð líka og lögreglan stóð
hlæjandi á hliðarlínunni og fylgdist
með.
Maðurinn á dráttarbílnum sýndi
mér miða sem á stóð 150 evrur,
það var það sem hann vildi fá í
sinn hlut. Ég er orðinn mjög reiður
og kærastan farin að tárast úr
hræðslu. Ég hafði engan áhuga á
að borga meira og ætlaði að keyra
í burtu. Gaurinn
á dráttarbílnum
náði þá lyklinum
úr svissinum og
hljóp inn á lög-
reglustöðina. Sem
betur fer vorum
við með varalykil
og gátum forðað
okkur. Ég man
enn eftir svipnum á
þeim þremur sem
horfðu á mig bruna
af stað.
Ég hef sjaldan
eða aldrei verið eins
hræddur um ævina.
Leið okkar lá eftir strandgötunni
og eftir um fimm mínútur sá ég
að gaurinn á dráttarbílnum var á
eftir okkur. Ég kíkti í spegilinn og
sá náungann nánast froðufellandi
fyrir aftan mig. Mér leið eins og ég
væri staddur í Die Hard-mynd. Ég
var samt ekki jafnsvalur og Bruce
Willis því ég var að skíta á mig af
hræðslu.
Við nálguðumst hraðbrautina og
þá var þar kominn upp vegartálmi
og allt stopp. Vopnaðir lögreglu-
menn gengu á alla bílana en ég
vissi ekki þá að þeir voru að leita að
bílnum mínum.
Um leið og lögreglumennirnir
sáu bílinn minn hlupu þeir til okkar.
Þrír lögreglumenn tóku mig úr bíln-
um og hentu mér á húddið. Þar var
ég svo handjárnaður. Kærastan var
við að fá taugaáfall í farþegasætinu
og hágrét á meðan ég var járnaður.
Hún var ekki ein um það því mér
var líka öllum lokið.
FJÁRMÁLARÁÐGJÖF | landsbankinn.is | 410 4000
Landsbankinn kynnir röð fjármálanámskeiða fyrir
almenning undir yfirskriftinni Fimmtudagskvöld
eru fjármálakvöld. Markmið þeirra er að auðvelda
fólki að öðlast betri yfirsýn yfir fjármálin. Á næstu
fjármálakvöldum verður námskeið um réttindi
lífeyrisþega.
E
N
N
E
M
M
/
S
ÍA
/
N
M
4
3
5
2
5
N
B
I
h
f.
(
L
a
n
d
s
b
a
n
k
in
n
),
k
t
.
4
7
1
0
0
8
-
0
2
8
0
.
Næstu námskeið
14. október kl. 20
Útibúið á Laugavegi 77
21. október kl. 20
Útibúið á Akranesi, Þjóðbraut 1
Skráning og nánari upplýsingar
á landsbankinn.is og í
síma 410 4000.
Allir velkomnir.
Námskeið um
réttindi lífeyrisþega
landsbankinn.is/fjarhagur
Blogg og hljóðpistlar um fjármál.
Bílaeltingaleikur
og handtaka á
ítalskri strönd
Logi Geirsson gefur út atvinnumannasögu
sína á sunnudaginn, á 28 ára afmælinu
Mér leið eins og ég
væri staddur í Die
Hard-mynd. Ég var
samt ekki jafnsvalur
og Bruce Willis því ég
var að skíta á mig af
hræðslu.
Höfundarnir Logi Geirsson gerir bókina í samstarfi við íþróttafréttamanninn Henry Birgi Gunnarsson. Ljósmynd/Hari