Fréttatíminn - 08.10.2010, Blaðsíða 46

34 viðhorf Helgin 8.-10. október 2010
Í slands óhamingju verður allt að vopni, segir í frægu kvæði, og sjálfsagt hafa ófáir muldrað þá
línu með sjálfum sér síðastliðin tvö
ár. Óhamingja og ógæfa hvers manns
er hins vegar ósjaldan sjálfsprottin, og
það á að miklu leyti við um þá ógæfu
sem nú hangir yfir okkur. Ég er ekki
að tala um það hvernig við komum
okkur inn í það erfiða landslag sem
við blasir; leyfðum peningaöflum að
breyta Íslandi í eins konar tilrauna-
stöð fyrir nýfrjálshyggju. Látum þá
sögu liggja kyrra í augnablikinu. Ég á
við þá daga sem nú líða. Dagar óvissu,
reiði, gjaldþrots, mótmæla. Dagar tor-
tryggni. En hvort sem okkur líkar
betur eða verr þá þurfum við að fara
í gegnum erfiðan skafl, og það verð-
ur vont. Það er hins vegar ekki sama
hvernig við förum í gegnum hann; um
leið og við erfiðum okkur í gegnum
skaflinn, erum við að leggja grunn að
framtíðinni, hvernig samfélagi við vilj-
um lifa í. Vopnin, eða verkfærin, sem
við þurfum á að halda eru heiðarleiki,
fagmennska, hugrekki. Ég veit ekki
með hugrekkið, en hitt tvennt, heiðar-
leiki og fagmennska, hafa því miður
lengi verið skorin við nögl hér á landi.
Þess vegna treysta svo fáir Alþingi,
fjölmiðlum og stofnunum ríkisins.
Heiftin stjórnar Hádegismóum
Það er ólán okkar, óhamingja, að hafa
ekki nógu öfluga fjölmiðla. Dagblöðin
eru annaðhvort veik eða múlbundin á
klafa eigenda. Morgunblaðinu ritstýrt
af kvótaveldi, DV grefur undan sjálfu
sér með tilfinningaklámi, Fréttablað-
ið skortir dýpt og þjónar auglýsendum
stundum betur en lesendum; það kom
átakanlega í ljós í síðasta þriðjudags-
blaði þegar stórar, litríkar auglýsing-
ar frá Arion-banka kaffærðu myndir
af mótmælendum utan við Alþingis-
húsið. Morgunblaðið, þetta fyrrum
stórveldi, er þó á sérplani. Ritstýrt
af manni sem seint verður kenndur
við sátt og fagmennsku, enda ganga
óhreinindi og eiturörvar frá ritstjóran-
um og helstu liðsforingjum hans yfir
samfélagið. Það er heiftin sem stjórn-
ar Hádegismóum, ekki fagmennska.
Einsýni, ekki víðsýni. Okkur vantar
svo sárlega öflugt dagblað að það svíð-
ur undan. Það verða því gerðar miklar
kröfur til Fréttatímans!
Í gegnum skaflinn
Leið gærdagsins liggur í gegnum
nöfn eins og Davíð Oddsson, Finn
Ingólfsson, Halldór Ásgrímsson, Val-
gerði Sverrisdóttur. Það er leið þar
sem hagsmunir eru mikilvægari en
fagmennskan, flokkurinn mikilvæg-
ari en Alþingi. Leið gærdagsins er að
gera dýralækni að fjármálaráðherra.
Leið gærdagsins er að byrja að reisa
álver án þess að huga að orkunni.
Leið gærdagsins er að fordæma fag-
legt umhverfismat. Leið gærdagsins
er að kalla alla afturhaldsseggi sem
efast um að álver séu töfralausnir.
Leið gærdagsins er hamagangur;
ekki hugsa langt, heldur skammt.
Leið gærdagsins er okkar óhamingja.
Hún gæti þó sjálfsagt komið okkur í
gegnum skaflinn – en þá einungis til
að fleygja okkur inn í næstu kreppu.
Hollusta við flokk eru svik við
þjóðina
Eina rétta leiðin liggur í gegnum fag-
mennsku, heiðarleika, hugrekki og
þolinmæði. Og það þýðir að ríkis-
stjórnin verður að sýna hugrekki til
að gera það sem þarf að gera, en alls
ekki síður að hafa hugrekki til að
viðurkenna mistök, hlusta á stjórnar-
andstöðu, ýmis hagsmunasamtök,
og nýta sér það besta úr þeirra rök-
um. Það þýðir að stjórnarandstaðan
verður að láta af landlægum morfís-
klækjum sínum, sem eru beinlínis
mannskemmandi og fylla almenning
annaðhvort vonleysi eða reiði, og við-
urkenna það sem ríkisstjórnin gerir
vel. Þingmenn verða, hver og einn
með tölu, að starfa fyrir þjóð sína og
samvisku; flokkurinn á að koma síð-
ast. Í dag er hollusta við flokk einfald-
lega svik við þjóðina. Okkur stendur
flestum hjartanlega á sama um það
hvort Lilja Mósesdóttir er ósátt við
ríkisstjórnina eða ekki, hvort Ög-
mundur er ráðherra eða í fýlu utan
stjórnar, hvort einhverjir þingmenn
Sjálfstæðisflokks eru reiðir út í þing-
menn Samfylkingar. Allt þetta verða
þingmenn að eiga við sjálfa sig. Það
eina sem skiptir máli núna er að þjóna
þjóð sinni, leggjast á eitt við að kom-
ast í gegnum skaflinn, sá fræjum sam-
heldni, ekki tortryggni, og bölvun sé
yfir þeim sem grafa sig núna niður
í pólitískar skotgrafir. Ef þingmenn
láta ekki umsvifalaust af sinni vana-
bundnu hegðun, hanga í morfísklækj-
um, ódýrum vinsældabrellum og neita
samvinnu þvert á flokka, þá bregðast
þeir þjóð sinni. Og skömmin mun
brennimerkja þá alla.
Jón Kalman Stefánsson
rithöfundur
Ef þingmenn láta
ekki umsvifalaust
af sinni vana­
bundnu hegðun,
hanga í morfís­
klækjum, ódýrum
vinsældabrellum
og neita sam­
vinnu þvert á
flokka, þá bregð­
ast þeir þjóð
sinni.
Þingmenn verða að starfa fyrir þjóð sína og samvisku; flokkurinn á að koma síðast.
Skömmin mun
brennimerkja þá
Fært til bókar
Vefhýsing og tölvupóstur - Google Apps - IP símkerfi - Sala tölvubúnaðar - CRM - Ráðgjöf - Myndaeftirlitskerfi
Tölvukerfi ehf. Ármúla 20, 108 Reykjavík
Sími 534-4200. www.tolvukerfi.is
CRM viðskiptamannakerfi á
íslensku sem heldur utan um:
Samskiptasögu
Tengiliði
Sölutækifæri
Markaðsherferðir
Vantar þig yfirsýn yfir sölur í þínu fyrirtæki?
Ertu að missa af sölum?
Geir Þorsteinsson,
formaður KSÍ, gerði
sig sekan um alvarleg
mistök þegar hann
ákvað einhliða að Eyj-
ólfur Sverrisson, þjálf-
ari U-21 árs landsliðs-
ins, gæti valið úr öllum
þeim leikmönnum
sem væru gjaldgengir
í liðið burtséð frá því
hvaða hlutverki þeir
hafa gegnt í A-lands-
liðinu undanfarið ár.
Þessa ákvörðun tók
Geir án samráðs við
Ólaf Jóhannesson landsliðsþjálfara.
Með öðrum orðum þá tróð hann
ákvörðuninni ofan í kok á Ólafi án
þess að hann fengi að bera hönd
fyrir höfuð sér. Ákvörðun sem felur
í sér að Ólafur þurfti að velja lands-
liðshóp fyrir leikinn gegn Portúgal
án sjö lykilmanna. Þessi framganga
Geirs verður seint talin stjórnunar-
leg snilld, meira í ætt við valdníðslu.
Nú er komin upp
sú staða að sá trún-
aður og það traust
sem hefur ríkt á
milli forystu KSÍ
og landsliðsþjálf-
arans hefur beðið
verulegan hnekki.
Sem er auðvitað
ömurlegt . Eng-
inn velkist í vafa
um að Geir hefur
verið milli steins
og sleggju. Öðrum
megin var U-21 árs
landsliðið og metn-
aður til að ná sem lengst en hinum
megin áframhaldandi uppbygging
A-landsliðsins með ungu mennina í
broddi fylkingar. En hann féll á próf-
inu. Í stað þess að ráðfæra sig við
Ólaf og Eyjólf og komast að niður-
stöðu sem allir gætu sætt sig við féll
Geir í þá gryfju að líta á sig sem al-
máttugan alheimsherra knattspyrn-
unnar í fílabeinsturni.
Af hliðarlínunni
Valdníðsla formanns KSÍ
Kristján III Kristján L. Möller leyndi
ekki óánægju sinni þegar Jóhanna svipti
hann ráðherradómi um daginn. Hann
þakkaði pent fyrir sig með síðasta emb-
ættisverki sínu og gaf grænt ljós á skrán-
ingu herþotna hollenska fyrirtækisins
ECA program á Keflavíkurflugvelli. Með
því ærði hann Vinstri græn, samstarfs-
flokkinn í ríkisstjórninni, enda átti Stef-
án Pálsson, áhrifamaður í VG, ekki orð
yfir „fáránlegu hefndarbroti“ Kristjáns.
Um væri að ræða brot á stjórnarsáttmála
sem ekki yrði látið viðgangast. Vafalaust
vissi Möller að þær vegtyllur sem biðu í
pólitískri framtíð yrðu í þynnri kantinum.
Það hefur komið á daginn. Hann var kos-
inn varaforseti Alþingis í fyrradag, ekki
fyrsti, ekki annar heldur þriðji. Forföllin
í forsetaliðinu þurfa því að vera talsverð
til þess Siglfirðingurinn komist í þingbjöll-
una.
Jóhanna slær Spaugstofuna út
Árum saman mátti treysta því að Spaug-
stofan væri með mesta áhorf allra sjón-
varpsþátta Ríkissjónvarpsins. Því mátti
líka treysta að skylduútsending sömu
stöðvar frá árlegri stefnuræðu forsætis-
ráðherra í þingbyrjun væri lítt til vinsælda
fallin meðal sjónvarpsáhorfenda. Nú er
öldin önnur. Jóhanna Sigurðardóttir sló
Spaugstofuna út í vinsældum á 68 ára af-
mælisdegi sínum, 4. október síðastliðnn.
Rúmlega helmingar þjóðarinnar sá beina
útsendingu frá umræðum um stefnuræð-
una. Spaugstofan, sem frumsýnir á Stöð 2
á morgun, má því hafa sig alla við ef hún
ætlar sér að slá landsmóðurina út. Vera
kann að mótmæli þúsunda manna á Aust-
urvelli sem sýnd voru samtímis ræðum
þingmanna hafi haft einhver áhrif á áhorf-
ið enda sum myndskeið þaðan safarík,
svo ekki sé meira sagt.

Skelfingin í verktakabransanum
Tilboðin sem opnuð voru í vikunni í seinni
áfanga Suðurstrandarvegar sýna glögg-
lega það ástand sem ríkir í verktaka-
geiranum. Áætlaður kostnaður Vega-
gerðarinnar við 14,6 kílómetra langan
vegarkaflann var 433 milljónir króna. Há-
fell ehf., sem lauk á dögunum gerð Héð-
insfjarðarganga, átti langlægsta tilboðið,
eða 179 milljónir króna. Það er aðeins
41,3% af áætluðu kostnaðarverði við
vegagerðina. Það þarf ekki mikla hag-
spekinga til þess að sjá að slíkt skilar ekki
miklum arði. Varla verður slíku tilboði
líkt við annað en örvæntingarfulla leið
til þess að tryggja áframhaldandi verk-
efni. Suðurverk hf. átti næstlægsta tilboð
í verkið, 242,3 milljónir, eða sem svarar
56% af kostnaðarverði. Tvö næstu tilboð
voru á svipuðu róli, 259,2 milljónir og
266,4 milljónir. Það er barist um hvern
brauðmola.
Óskar Hrafn Þorvaldsson
oskar@frettatiminn.is