Læknablaðið - 15.03.1996, Blaðsíða 34

224
LÆKNABLAÐIÐ 1996; 82
sem voru með annan hjartagalla og hjá þeim
sem eingöngu höfðu op á milli gátta (mynd III)
Aðrir sjúkdómar: Þrjátíu og sex börn (42%)
höfðu einhverja aðra alvarlega eða langvinna
sjúkdóma. Þar af voru átta börn með Downs
heilkenni, þrjú börn voru með aðra litninga-
galla og 15 með aðra meðfædda galla þannig að
26 börn af 87 (34%) voru með fæðingar- og/eða
litningagalla (tafla IV). Tíu börn voru með
aðra langvinna sjúkdóma (til dæmis astma og
bakflæði í vélinda). Þegar hlutfall annarra
sjúkdóma hjá börnunum sem gengust undir
aðgerð var borið saman við börnin sem ekki
gengust undir aðgerð kom enginn marktækur
munur í ljós.
Fyrirburar: Átján börn voru fædd fyrir tím-
ann (meðgöngulengd innan 36 vikna), fjórir
drengir og 14 stúlkur (drengir/stúlkur 1:3,5).
Öll höfðu þessi börn secundum op á milli gátta.
Tvö barnanna hafa gengist undir aðgerð og eitt
til viðbótar er talið þurfa á aðgerð að halda.
Hjá átta börnum hefur opið lokast sjálfkrafa.
Þrír fyrirburanna létust (sjá dánartölur).
Afdrif og dánartölur: Af 83 eftirlifandi sjúk-
lingum hafa 78 (94%) skilað sér í eftirlit á
réttum tíma. Enn eru börn í þessum hópi sjúk-
linga sem eiga eftir að gangast undir aðgerð.
Tvö börn með lítið op höfðu ekki komið til
skoðunar í meira en tvö ár. Ekki hafðist upp á
einu barni með meðalstórt op. Tvö börn sem
gengust undir aðgerð hafa ekki verið skoðuð
eftir agerð. Tafla V sýnir í stórum dráttum
hvernig sjúklingunum hefur farnast. Fjögur
börn létust (4,6%). Eitt barn var með samgang
milli vélinda og barka (tracheo-oesophageal
fistula) og var dánarorsök lungnabólga (Klebs-
iella pneumonia). Eitt barn sem fæddist eftir 28
vikna meðgöngu var með Downs heilkenni og
var dánarorsök vanþroskuð lungu (hyaline
ntembrane disease). Eitt barn lést vegna Cand-
ida albicans sveppasýkingar. Eitt barn var með
þrílitnu 18 og lést þriggja mánaða gamalt. Ekk-
ert barnanna sem lést hafði gengist undir að-
gerð.
Umræða
Þessi rannsókn er sérstæð að því leyti að hér
eru kynntir allir sjúklingar hjá heilli þjóð og
endurspeglar því lágmarksnýgengi ops á milli
gátta í okkar þjóðfélagi. Reynslan hefur sýnt
okkur að sjúkdómurinn getur greinst á öllum
aldri og nokkuð oft hjá fullorðnum. Þannig má
búast við að fleiri sjúklingar fæddir á þessum
Fig 3. Associated minor cardiac defects in patients with ASD.
Table IV. Other associated extracardiac anomalies and dis•
eases.
Chromosomal defect Number Ratio (%)
Trisomy 21 (Down’s syndrome) 8 (9)
Other chromosomal defects 3 (3,5)
Other congenital anomalies 15 (17)
Other chronic diseases 10 (11,5)
No associated anomalies
or diseases 51 (59)
Table V. Follow-up and fate of patients with ASD.
Number Ratio (%)
Operated or will be operated
due to size of defect 34 (39)
Spontaneous closure of ASD 29 (33)
ASD smaller but not closed 12 (14)
Unchanged size 2 (2)
Uncertain wether operated
or not (med/mod size) 4 (5)
No follow-up in the past two years 2 (2)
Total 87 (100)
árum greinist. Nýgengi fer vaxandi þegar þessi
hópur er skoðaður. í rannsókn þar sem ný-
gengi og greining meðfæddra hjartagalla var
skoðuð fyrir árin 1985-1989 kom fram að ný-
gengi ops á milli gátta var 1,5 á hver 1000 lifandi
fædd börn. Þannig má einnig lesa úr mynd 1 að
tiltölulega fá börn greindust með op á milli
gátta á árunum 1984 og 1985. Þetta má þakka
bættri greiningartækni (Dopplers og litómun),
og þeirri staðreynd að allir sjúklingarnir sem
koma til skoðunar vegna hugsanlegra hjarta-
galla koma á sama stað og allar ómskoðanirnar
eru framkvæmdar af sama aðila.
Dreifing eftir gerð opsins er í samræmi við