Kjarninn - 27.02.2014, Blaðsíða 20

04/05 stjórnmál
deilt á þingi
Samhliða umfjöllun um þingsályktunartillöguna, þar sem
lagt er til að umsóknin um aðild að ESB verði formlega
dregin til baka, voru mótmælafundir á Austurvelli þar sem
andstæðingar stefnu stjórnvalda komu saman og gerðu hróp
að Alþingi og stjórnvöldum. Meginkrafan frá mótmælunum
var sú að þjóðin ætti að fá að ráða för og segja hug sinn til
málefnisins með þjóðaratkvæðagreiðslu, eins og formenn
stjórnarflokkanna ræddu ítrekað um í aðdraganda kosning-
anna í fyrra, en fyrsti mótmælafundurinn var mánudaginn
24. febrúar. Innan veggja Alþingishússins var harkalega
deilt um þingsályktunartillöguna og ekki síst orðalag
hennar. Árni Páll Árnason, formaður Samfylkingarinnar,
sakar ríkisstjórnina um að fremja skemmdarVerk á tækifærum íslands
Jón Sigurðsson, forstjóri Össurar, kveðst hafa
brugðið illilega við áformum ríkisstjórnarinnar um
að slíta aðildarviðræðum við Evrópusambandið og
draga aðildarumsókn Íslands til baka.
Hann sakar ríkisstjórnina um ábyrgðarleysi með
því að kippa til baka eina skýra valmöguleika þjóðar-
innar varðandi afnám gjaldeyrishafta og vandamál
tengd íslensku krónunni, án þess að leggja á borðið
aðra raunhæfa áætlun.
Hann segir afstöðu Framsóknarflokks ekki
koma á óvart en segir afstöðu Sjálfstæðisflokksins
vera óskiljanlega. Flokkurinn fari nú í fyrsta skipti
gegn stærstum hluta atvinnulífsins og verkalýðs-
forystunnar og greinilegt sé að ákveðnar atvinnu-
greinar njóti forréttinda umfram aðrar. Umræðan
snúist um mjög þrönga hagsmuni.
Hann tekur undir þær raddir að með ákvörðun
sinni brjóti stjórnarflokkarnir gefin loforð í að-
draganda síðustu alþingiskosninga.
Ekki sé hægt að ætlast til þess að ríkisstjórn
sem sé mótfallin aðgöngu í Evrópusambandið haldi
þeirri vegferð áfram. Hins vegar sé hægt að ætlast
til þess að hún haldi möguleikanum opnum með því
að setja viðræðurnar á ís.
Með ákvörðun sinni sé ríkisstjórnin að fremja
skemmdarverk á tækifærum Íslands um ókomin ár.