Kjarninn - 27.02.2014, Blaðsíða 30
02/06 Efnahagsmál
r
íkisstjórnin hefur virkjað áætlun sína um afnám
gjaldeyrishafta. Hún var virkjuð í haust. Um
þetta var upplýst í vikunni. Áætlunin verður
ekki birt opinberlega, þar sem forsætisráðherra
telur slíkt þjóna hagsmunum vogunarsjóða og
annarra kröfuhafa, enda er uppgjör föllnu bankanna lykil-
atriði í áætluninni.
Verið er að bíða eftir mati Seðlabanka Íslands á greiðslu-
jöfnuði og þegar það liggur fyrir ætti framkvæmdarhluta
áætlunarinnar að vera hrint af stað. Samkvæmt heimildum
Kjarnans er matið í lokavinnslu og verður afhent innan
skamms. Það er skilgreint sem vinnugagn og verður ekki birt
opinberlega.
Það ætti því að vera stutt í að ríkisstjórnin sýni á spilin.
Búist er við að það gerist í lok mars
eða byrjun apríl og þá mun afstaða til
nauðasamnings umleitana föllnu bank-
anna verða kynnt.
Mun ríkisstjórnin fara samningsleið
við kröfuhafa þar sem þeir gera nauða-
samning og fá að leysa til sín erlendar
eignir gegn því að gefa frá sér stærstan hluta krónueigna,
eða verða gömlu bankarnir settir í gjaldþrot og kröfuhöfum
borgað út í íslenskum krónum? Ljóst er að sú leið sem verður
valin mun móta íslenskan veruleika um ókomna tíð.
ráðamenn halda áætlunum sínum nærri sér
Það kom flestum, sérstaklega þingheimi, í opna skjöldu þegar
Bjarni Benediktsson, fjármálaráðherra og formaður Sjálf-
stæðisflokksins, upplýsti um það á fundi í Valhöll á þriðjudag
að áætlun um afnám gjaldeyrishafta hefði verið virkjuð í
haust. Það kom þeim sömu líka mikið á óvart að skipaður
hefði verið sérstakur ráðgjafahópur um afnám gjaldeyris-
hafta. Pólitískur samráðshópur um afnám hafta, sem full-
trúar allra kjörinna flokka sitja í, kannast í það minnsta við
hvorugt. Sigmundur Davíð sagði að þeir þyrftu einfaldlega
að mæta á fundi til að fá upplýsingar. Fulltrúarnir kannast
Efnahagsmál
Þórður Snær Júlíusson
„Það ætti því að vera stutt í
að ríkisstjórnin sýni á spilin.
Búist er við að það gerist í
lok mars eða byrjun apríl.“