Kjarninn - 27.02.2014, Síða 31

03/06 Efnahagsmál
ekki við að neinir fundir hafi verið boðaðir í lengri tíma.
Óskað hefur verið eftir sérstakri umræðu um afnám hafta og
viðræðna við kröfuhafa í þinginu. Hún mun væntanlega fara
fram í dag.
Á sama tíma situr yfirstjórn Seðlabankans og klórar sér í
hausnum yfir ástandinu. Frá því að höftin voru sett á hefur
það verið á forræði bankans að leggja fram afnámsáætlanir,
enda eitt af skilgreindum hlutverkum hans samkvæmt
lögum að stuðla að fjármálastöðugleika. Seðlabankinn kynnti
meðal annars áætlun um afnám hafta í ágúst 2009 og birti
opinberlega skýrslu um losun hafta í lok mars 2011. Forsætis-
ráðherra hefur reyndar sagt þá áætlun hafa byggt á röngum
forsendum.
Það er því eðlilegt að almenningur, líkt og þingmenn,
spyrji sig að því hver fer með forræði yfir áætlum um
losun hafta? Er það Bjarni Benediktsson, Sigmundur Davíð
Gunnlaugs son eða Seðlabanki Íslands?
bjarni og sigmundur davíð við stýrið
Svarið er ráðherranefnd um efnahagsmál, sem þeir Bjarni og
Sigmundur Davíð skipa. Undir þeirri nefnd starfar stýrinefnd
sem fulltrúar ýmissa ráðuneyta eiga sæti í ásamt Má
Guðmunds syni seðlabankastjóra og Unni Gunnarsdóttur,for-
stjóra Fjármálaeftirlitsins. Þar fyrir utan er ad-hoc-nefnd sem
er skipuð fulltrúum sömu aðila auk Alþjóðagjaldeyrissjóðsins
og utanaðkomandi sérfræðings. Þar til í vetur átti fulltrúi
glitnir og hópur ríkisstjórnar skiptast á gögnum
Kjarninn greindi frá því fyrr í þessum mánuði að þrota-
bú Glitnis ynni að því að skrá Íslandsbanka, sem það
á 95 prósenta hlut í, á markað í Noregi og á Íslandi.
Slík skráning myndi gera það að verkum að erlendur
gjaldeyrir myndi fást fyrir stóran hluta eignarinnar,
sem er langstærsta innlenda eign Glitnis. Verkefnið
gengur undir nafninu „Project Puffin“.
Samkvæmt heimildum Kjarnans hafa þeir sem
vinna að verkefninu fyrir hönd Glitnis fundað með
ráðamönnum, meðal annars Bjarna Benediktssyni
fjármálaráðherra, til að kynna þeim málið. Það hefur
einnig ítrekað verið kynnt fyrir Seðlabanka Íslands.
Heimildir Kjarnans herma að aukin samskipti hafi
átt sér stað á milli aðila að undanförnu, meðal annars
vegna „Project Puffin“ og annarra lykilatriða sem
snúa að mögulegum slitum á þrotabúum bankanna.
Nú stendur til að ráðgjafahópur um afnám hafta fái
ákveðnar upplýsingar frá þrotabúinu um þessarra
atriða. Skýrt er tekið fram að ekki sé um formlegar
viðræður að ræða. Vegna viðkvæmni ástandsins er
allt eins búist við því að upplýsingaskiptin fari fram í
gegnum Seðlabanka Íslands.