Kjarninn - 27.02.2014, Qupperneq 65

02/04 Álit
skýringarnar sem boðið er upp á eru með þeim hætti að
ekki virðist vera gert ráð fyrir að þeir hafi yfir sérstökum
vitsmunum að ráða eða hæfileika til að afla sér upplýsinga og
taka upplýsta ákvörðun um hagsmuni sína. Engin nauðsyn
er á að fara út í svo afgerandi aðgerðir og loka á möguleika
Íslands til framtíðar. Kjósendum er hins vegar sagt að
„heiðarlegra“ sé að fara fram með þessum hætti en að halda
áfram að draga 28 þjóðir á asnaeyrunum,
sem enginn Íslendingur er að biðja um að sé
gert. Einungis er farið fram á að fólk sem var
til þess kosið standi við gefin loforð og vinni
að hagsmunum þjóðarinnar. Það er ekki
mikill ráðamaður sem ekki treystir sér út í
samningaviðræður því að öllum líkindum
verði „díllinn“ ekki góður! Góður og lýð-
ræðislega sinnaður ráðamaður myndi senda
bestu samningamenn sem völ er á til að ná
fram sem bestum samningi Íslandi til handa
og leggja hann svo í dóm þjóðarinnar.
Kjósendum er ekki heldur sýnd sú virðing
að vera sagt „hvað þá?“ Hvað ætla stjórnvöld
að gera við t.a.m. fjórfrelsisákvæði EES-
samningsins, sem meðal annars kveður á
um frjálst flæði fjármagns, þegar umsóknarferlinu við ESB
verður slitið? Því hefur ekki verið svarað og ég spyr hvort
það er vegna þess að stjórnvöld treysti kjósendum ekki til
að skilja ráðasnilld þeirra eða er það vegna þess að það er
ekkert plan B?
Aðgerðirnar eru persónuleg aðför að lýðræðislegum rétti
kjósenda til að taka sjálfir ákvarðanir um sín hagsmunamál.
Með þessu á ekki að veita þeim færi á að kjósa um hvort þeir
vilji klára viðræður við ESB og þar af leiðandi verður þeim
ekki gefið færi á að kjósa um samning sem hefði getað verið
til þess fallinn að bæta lífskjör þeirra verulega. Nú segir
einhver að samningurinn hefði getað orðið vondur og aðför
að frelsi okkar og sjálfstæði. Það má vel vera en í lýðræðisríki
hefur þjóðin líka rétt á að kjósa um vonda samninga. Þeir
„Hvað ætla stjórn-
völd að gera við
t.a.m. fjórfrelsis-
ákvæði EES-
samningsins, sem
meðal annars
kveður á um frjálst
flæði fjármagns,
þegar umsóknar-
ferlinu við ESB
verður slitið? “