Kjarninn - 27.02.2014, Blaðsíða 55

04/06 Viðtal
Þjóðin langþreytt á langvarandi spillingu
Sviatoslav segir kröfur úkraínsku þjóðarinnar vera ein-
faldar. Þegnar þjóðarinnar séu orðnir langþreyttir á rányrkju
fyrrverandi stjórnvalda undir forystu Janúkovitsj á auðæfum
þjóðarinnar. Andrúmslofti lyga og spillingar sem varað
hefur um áraraðir. „En aðalástæðan fyrir því að við, fólkið
í Úkraínu, stóðum upp núna til að berjast var til að berjast
fyrir virðingu okkar, sem stjórnvöld voru að traðka á. Við
kölluðum einmitt mótmælin það, Virðuleikabyltinguna.
Mótmælin hlutu það nafn eftir
að ráðist var á stúdentana 30.
nóvember. Kornið sem fyllti
mælinn var þegar stjórnvöld
ætluðu að stöðva samstarfið
við Evrópusambandið og hefja
frekara samstarf við Rússland.
Þjóðin vill fá að njóta sambæri-
legra réttinda í dómskerfinu og
þekkist í Evrópusambandinu
og sömuleiðis sambærilegrar
heilbrigðisþjónustu.“
Eins og kunnugt er hefur
Janúkovitsj forseti hrökklast frá
völdum. Oleksandr Túrsjínov
forseti þingsins hefur verið skipaður forseti landsins til
bráðabirgða, eða þar til gengið verður til kosninga í landinu
á ný í maí. Hann hefur sömuleiðis tekið við æðstu yfirstjórn
herafla landsins.
Gefin hefur verið út handtökuskipun á hendur
Janúkovitsj, sem fer huldu höfði í Úkraínu. Þá hefur sér-
sveit lögreglunnar, Berkut, verið leyst upp, en liðsmenn
hennar eru sakaðir um að bera ábyrgð á fjöldamorðunum á
mótmælendum í miðborg Kænugarðs. Allt að fimm þúsund
lögreglumenn eru í sérsveitinni, og búist er við að einhverjir
þeirra verði ákærðir fyrir að myrða mótmælendur. Upplýst
hefur verið að leyniskyttur lögreglunnar hafi drepið meira en
hundrað manns á meðan á mótmælunum stóð.
lögregla grá fyrir járnum
Þessi mynd er tekin 19. febr-
úar þegar lögregla og mót-
mælendur tókust á í síðasta
skiptið. Hér má sjá laganna
verði nálgast Frelsistorgið
gráa fyrir járnum.