Kjarninn - 27.02.2014, Síða 71

04/06 pistill
gjarnan vandræðaástand vegna ökutækja sem lagt var ólöglega.
Með því að senda út skilaboð á twitter með merkjum á borð við
#fótbolti eða #landsleikur þar sem áhorfendur voru hvattir til að
leggja löglega náðist undraverður árangur á því sviði.
Twitter hentar vel til þess að koma á framfæri stuttum og
hnitmiðuðum skilaboðum, ekki síst ef þau skilaboð tengjast
viðburðum sem mikið eru til umræðu á samfélagsmiðlinum. Sú
aðferð að #merkja viðkomandi skilaboð með ákveðnum hætti
eykur einnig líkurnar á því að þeir sem eru að fylgjast með um-
ræddu merki fái skilaboðin til sín. Þessi aðferð virkar einnig á
öðrum samfélagsmiðlum á borð við Instagram.
Youtube
Hreyfimyndavefurinn Youtube býður upp á margvíslega
möguleika til að miðla myndböndum með einföldum og
aðgengilegum hætti. Til þessa hefur vefur lögreglunnar á
youtube einkum innihaldið auglýsingar og fræðsluefni á
sviði umferðarmála frá Samgöngustofu, áður Umferðar-
stofu. Einfalt er að miðla þessu efni þegar þörf eða ástæða
er til í gegnum aðra samfélagsmiðla og án efa verða þeir
möguleikar sem þarna liggja betur nýttir í framtíðinni. Dæmi
um frábæra notkun á þessum samfélagsmiðli er verkefnið
SignWiki, sem er verkefni á vegum Samskiptamiðstöðvar
heyrnarlausra og heyrnarskertra sem tryggir aðgang að
íslenskri táknmálsorðabók á netinu, sem og kennsluefni,
æfingum og fræðsluefni.
instagram
Myndavefurinn Instagram býður upp á miðlun mynda og
stuttra textaskilaboða. Hann nýtur nokkurra vinsælda hér
á landi, ekki síst á meðal yngra fólks. Lögreglan hefur um
nokkurt skeið notað þennan miðli til að senda út myndir sem
einkum tengjast daglegum störfum lögreglunnar á flestum
sviðum. Þá er þetta tilvalin leið til þess að senda út myndir
sem tengjast áhersluatriðum hverju sinni, t.d. í umferðinni,
og minna fólk á þær reglur sem gilda á ýmsum sviðum.