Kjarninn - 27.02.2014, Blaðsíða 18
02/05 stjórnmál
á
kvörðun stjórnvalda um að draga til baka
umsókn um aðild að Evrópusambandinu
(ESB), með formlegri þingsályktunartillögu,
kom ekki eins og þruma úr heiðskíru lofti en
það sem olli mestum titringi var samráðsleysi
við hagsmunasamtök í atvinnulífinu. Forsvarsmenn allra
stærstu hagsmunasamtaka atvinnulífsins, að LÍÚ undan-
skildu, voru andsnúnir ákvörðunum stjórnvalda og töldu
það „hreina móðgun“ að stjórnvöld væru ekki tilbúin að bíða
þess að fá skýrslu frá Alþjóðamálastofnun Háskóla Íslands
um aðildarumsóknina og valkostina sem væru í boði. Hregg-
viður Jónsson, formaður Viðskiptaráðs, og
Björgúlfur Jóhannsson, formaður Samtaka
atvinnu lífsins, hafa báðir átt einkafundi
með Bjarna Benediktssyni, formanni Sjálf-
stæðisflokksins og fjármála- og efnahags-
ráðherra, til þess að koma skilaboðum
milliliðalaust á framfæri þar sem megin-
inntakið var endurómun óánægjuradda úr atvinnulífinu með
ákvörðun stjórnvalda.
hitafundur
Fundur Sjálfstæðra Evrópusinna í hádeginu 21. febrúar
endurómaði einarða afstöðu forystu hagsmunasamtakanna
gegn ákvörðun stjórnvalda. Á fundinum tóku margir til máls
og höfðu sumir þeirra meðal annars orð á því að þeir „gætu
ekki sagt sig úr flokknum“ í mótmælaskyni þar sem þeir
væru „þegar búnir að því“. Einblínt var á það á fundinum
að forysta flokksins, einkum Bjarni Benediktsson, þyrfti að
standa við gefin loforð um að halda þjóðaratkvæðagreiðslu
um framhald ESB-aðildarumsóknar. Á fundinum ræddu
margir þeirra sem voru hvað reiðastir yfir gangi mála að
fyrirtæki ættu að skrúfa fyrir fjármagn til Sjálfstæðis-
flokksins í mótmælaskyni. Það hefði lítið upp á sig að styrkja
flokk sem væri að berjast gegn hagsmunamálum fyrirtækja í
alþjóðlegri starfsemi.
stjórnmál
Magnús Halldórsson
„Hreggviður Jónsson og
Björgúlfur Jóhannsson hafa
báðir átt einkafundi með
Bjarna Benediktssyni ...“