Kjarninn - 27.02.2014, Blaðsíða 39
04/05 Viðskipti
félagið var sett á markað. Aðrir í Búvöllum voru lífeyrissjóðir
og sjóðir í stýringu hjá Stefni. Inni í samkomulaginu var
líka forkaupsréttur á 10 prósentum til viðbótar á genginu
11 krónur á hlut áður en restin af hlutafé Haga var skráð á
markað í desember 2011. Þann forkaupsrétt nýttu Búvellir
sér. Félagið var síðan leyst upp og hver eining hélt eftir það
sínum hlut. TM fór auk þess út úr Hagamelssamstarfinu og
eftir sátu þar þeir Árni, Hallbjörn og Sigurbjörn.
Fjórfaldast í verði
Hlutur þeirra var 8,2 prósent. Upprunalega greiddi félagið
fyrir hann 982 milljónir króna. Þegar Hagar voru skráðir á
markað var byrjunargengi bréfanna 13,5 krónur á hlut. Áður
en viðskipti hófust hafði því Hagamelshópurinn hagnast um
314 milljónir króna. Sá hagnaður átti eftir að aukast mikið.
Fyrir skemmstu fóru þeir að kanna þann möguleika á
að selja hlut sinn í Högum. Samkvæmt upplýsingum Kjarn-
ans var áhuginn á að kaupa gríðarlegur. Hagamelur hefði
auðveld lega getað selt allan hlut sinn, sem þarna hafði
þynnst í um 7,9 prósent. Af varð hins vegar að félagið seldi
gamlir vinir sem voru saman í námi í stanford
Árni Hauksson og Hallbjörn Karlsson hafa fylgst að
um áratugaskeið og eiga í dag fjárfestingarfélagið
Vogabakka ehf. Þeir komu fyrst fram sem stórir leik-
endur í íslensku viðskiptalífi þegar þeir keyptu ráð-
andi hlut í Húsasmiðjunni snemma á síðasta áratug.
Þeir seldu eignarhlut sinn til félags í eigu Baugs árið
2005. Næstu ár, og fram yfir bankahrun, fjárfestu
þeir að mestu erlendis og tóku lítinn þátt í íslensku
viðskiptalífi þar til þeir keyptu hlutinn í Högum.
Síðan þá hafa þeir aukið umsvif sín á Íslandi til
muna ásamt Sigurbirni Þorkelssyni, sem er gamall
vinur þeirra. Allir þrír námu verkfræði saman og
fóru síðan saman í framhaldsnám í Stanford í
Bandaríkjunum. Sigurbjörn hefur starfað í al-
þjóðlega fjármálageiranum árum saman. Hann
starfaði meðal annars hjá hinum alræmda Lehman
Brothers-fjárfestingarbanka en færði sig síðar yfir til
Barclays-bankans þar sem hann var með starfstit-
illinn „Managing Director and Head of Equities in
Asia Pacific“. Hann hætti þar í maí 2013 og rekur nú
fjárfestingarfyrirtækið Fossa. Hann veitir auk þess
ráðgjafahópi forsætisráðherra um afnám hafta, sem
skipaður var í lok nóvember 2013, forstöðu.
Hagamelur tók þátt í hlutafjárútboði á bréfum í
VÍS, sem þá var á leið á markað. Hagamelur tryggði
sér þar 9,9 prósenta hlut í tryggingafélaginu á
genginu 8,52 krónur á hlut. Í byrjun júní sama ár,
skömmu fyrir hluthafafund í VÍS, seldu þeir 4,7 pró-
sent af hlut í félaginu og héldu eftir 5,2 prósentum.
Um það leyti var gengi bréfa í VÍS um 10 krónur á
hlut. Salan skilaði þeim félögum því fínum hagnaði.
Hallbjörn er stjórnarformaður VÍS.
Fjárfestingargeta Hagamels í íslenskum
krónum er mikil eftir söluna í Högum. Líklegt
verður að teljast að félagið muni leita að nýjum
fjárfestingarkosti til að binda það fjármagn í, enda
ávöxtun á innstæðureikningum ekki beysin á Íslandi
nútímans.